[真人真事][校園][純愛]《兩個我加一個妳》: 第五十章
話說中五學校多咗一個設施
叫做園林休憩處
個名幾撚有詩意呀
咁其實係咩嚟嘅呢
你當係學校花園嗰邊
無啦啦有個地方擺滿晒枱櫈
周圍環境就係啲花花草草，
話想做分流喎
因為學校每一日放晏嗰陣，
操場總係迫爆晒
跟住有學生會啲人喺度屌
希望可以撥多一個地方出嚟
令同學食晏嗰陣個環境更加理想
聽聞講咗幾年，
今年終於落實
對於我嚟講，
呢樣設施真係有好處
起碼食飯嗰陣可以外賣拎返嚟
你知啦出去食唔代表唔迫架嘛
特別區內重有幾間中學，
餐廳又唔係真係好多
日日出去食其實唔算好抵屌
落大雨嗰陣又可以去小食部買野食過嚟呢邊
因為佢上面係有蓋嘅
唔使好似之前咁樣一定要出去
選擇多咗好多
你諗下，
我地學校總共有七級，
以前淨係一個操場
點樣裝得晒呢班人
依家多咗呢個騎呢地方
暫時我就覺得係百利而無一害
Cyrus:「今次你含家產呀
終於唔使去嚟去去都係嗰間餐廳
」因為我地幾個去嚟去去都係嗰間餐廳
唔係特別好食，
不過勝在平同埋比較容易有位
但係食得多都厭啦
我:「係
不如今日學校食
就去嗰個乜q野休憩處
」Cyrus:「好
不過幫手今日喺學校買
費事出去
」我:「做乜撚
」Cyrus:「miss叫我下次早會匯報嗰陣上台
所以一陣我拿拿臨食完就搵佢
費事出去買又急急腳返嚟啦
」我:「好
把砲喎
」Cyrus:「屌你啦
佢叫到邊有得say no
」我:「點解無啦啦搵你？
Cyrus:「我都唔知，
聽講重要唔係拍靚女
可以含撚
」我:「抵你死啦成日有靚女咩
」Cyrus:「總之就仆街啦
到時上到去睇下邊個邊個(佢鍾意嗰個女仔)有咩反應
當係我八卦又好乜都好啦
」我:「得啦屌
」大家都明白新屎坑三日香嘅道理
所以第一次開放嗰日，
的而且確幾多人，
明明我同Cyrus兩個都算早放飯
已經好快落去排隊
但係搵位嗰度都搵咗一陣，
搵到自不然坐喺度食啦
佢就真係好似餓狗搶屎咁樣
係咁將啲野擺落個口度
我:「呢排修身
三日冇食飯
」Cyrus:「屌咪講咗一陣要上去搵miss囉
」我:「唔使咁快丫下話
」Cyrus:「真係趕呀
」我:「其實放學唔得咩
」Cyrus:「唔得呀屌，
放學返到去打一陣機再溫一陣書
邊有時間重可以抽出嚟
」我:「定係你唔想課外授業咋
」Cyrus:「屌你啦
成個腦都係呢啲
」我:「你唔係
」Cyrus:「俾你講一講返到去睇課外授業先
」我:「屌
」跟住佢走咗我就繼續喺度食啦
因為自己食野其實唔算好快，
除非真係好趕時間
如果唔係多數都係嘆慢板
呢種節奏先啱自己
突然間我對面多咗個人
我:「點解你喺度
」芊靈:「咁你點解喺度呀
」我即刻指住我杯杯麵
我:「你話呢
」芊靈:「咁咪係囉
諗咩諗到入晒神
我過咗嚟都唔知
」我:「諗你囉
」芊靈:「一定唔係囉
莫非你諗緊啲唔應該諗嘅野
」我:「係呀係呀
你小心啲呀我可能諗住就即刻做呀
」芊靈:「冇講錯你呀變態佬
咁慘呀自己一條友食
」我:「Cyrus條戇鳩仔搵老師做乜q野早會匯報丫嘛
佢咪走咗先囉
」芊靈:「你唔做
」我:「我上到台就腳震架啦
做條撚
」芊靈:「點知你
」我:「你好似好得閒咁樣嘅
」芊靈:「點睇都係你得閒啲啦係咪呀
食個杯麵都好似思考人生咁樣
」我:「你識乜野丫
」芊靈:「我專登行過嚟架
諗住問你遲啲喺唔喺度一齊食lunch
」我:「都話你蠱惑架啦
」芊靈:「諗咗去邊呀
michelle同佢男朋友食，
另外兩個friend都係
」我:「有冇咁多人有拖拍呀
」芊靈:「哈哈唔好講住先啦
重有一個就平時返開屋企食飯嘅
」我:「呢啲撚樣真係等天收
原來屋企住隔離
」芊靈:「你就真係等天收
住得近就要俾你鬧
冇句好
」我:「講笑啫
」芊靈:「點呀
好唔好呀
」我:「有幸同你共晉午餐
實在係小弟嘅榮幸
諗唔到拒絕嘅理由
」芊靈:「誇張
你一係叫埋Cyrus嚟囉
反正幾個都識唔驚冇野講
」我:「你放心啦佢好識做
唔會阻住我地談心
」芊靈:「邊個同你談心
」我:「依家同我講緊野嗰個囉
」芊靈:「痴線成日都喺度吹水
唔同你玩呀
」我:「不過禮拜四應該唔可以一齊食
嗰日pe堂我地成班都出去食
」芊靈:「好丫冇問題呀
放學見
」我:「好
睇住仆親呀
」點知俾佢聽到
條友啲聽力真係唔講得笑
佢行埋嚟梗係又扭我耳仔啦
芊靈:「啱啱講咩
」我:「提下你都俾你扭
善意提醒
」芊靈:「唔好話你咒我
」我:「冇，真係冇
太敏感喇小姐
」芊靈:「你提下你自己好過啦
成日喺度咒人因住自己呀
」講開又講，
有次我真係仆街
重要嗰陣佢喺我隔離
條友即刻笑到收唔到聲
佢話終於應驗
老實講真係好鬼抵死
出少句聲冇人話你啞