[真人真事][校園][純愛]《兩個我加一個妳》: 第四十一章

跟住落嚟考埋學期內最後一次試

考完就正式完結中四學期

咁講真自己以往成績都唔係話真係好唔掂

同埋考試最緊要都係有溫書啫

佢俾內容你，



如果你照住溫都唔識

咁你就抵死啦

邊有得怨

至於我有冇同芊靈一齊溫書

你知啦中學生一齊溫書基本上係例牌菜



好彩嘅話重可以拉近距離

不過我唔記得自己有冇講過，

唔爭在再講多次啦

事關小弟溫書一定要好靜

基本上係與世隔住嗰種



所以咁多年嚟我都唔會同人一齊溫書

就算係我老死Cyrus都唔會，

唔知點解有人喺我隔離呢，

硬係唔自然

所以自不然就冇同芊靈溫書啦

你地可以鬧我唔識把握機會嘅

但係事實上真係咁

對於我嚟講，



溫書一定要自己一個先至有成效

咁樣喺期間都發生咗件小插曲嘅

其實唔係話好大件事，

不過冇野講都可以叫做講下啦

話說有一日喺msn同緊Cyrus傾計

傾咩就真係唔記得咗，

總之就好投入



跟住芊靈就搵我

「溫成點呀 」

就咁睇好正常丫係咪先，

最大問題係我睇錯人名

唔知點解我睇咗係Cyrus搵我

可能同佢一路傾緊，

我又熄咗個視窗

咁佢再彈出嚟嗰陣我就以為重係佢



依家諗返起真係唔明點解會睇錯

咁我就覆咗句:「關你撚事 」

跟住我見到嗰個人覆返我:「巴閉啦

諗住問下你都俾你鬧._.」

跟住我先如夢初醒

因為Cyrus從來唔會打呢啲表情符號

佢同我一樣，



咁多年都係唔用表情符號嘅

直至依家whatsapp都係，

我地兩個啲對話紀錄全部都冇表情符號

咁嗰陣我先再認真啲睇個名

原來係芊靈嚟，

咁我就梗係嗱嗱臨扮死狗啦

我:「唔好意思真係睇錯

我以為係Cyrus

請受奴才一拜 」

芊靈:「諗住關心你都俾你講粗口鬧

咁又係嘅真係唔關我事嘅 ，

係我多事囉 」

我:「講堅真係睇錯名

我最鍾意就係你關心我

有靚女關心喎啱唔啱先 」

芊靈:「咁都有得睇錯名 」

我:「真係睇錯可能傾得太投入

係咪先點會咁樣鬧你呢 」

芊靈:「信住你先

不過我都覺得你係鬧緊我哈哈 」

我:「講堅真係唔係

請你原諒我呢個戇鳩仔，

一個連名都睇錯嘅戇鳩仔 」

芊靈:「你咁講就算啦

邊有人自己認架 」

我:「xxx (我學校個名)女神關心我喎

但我竟然衰到睇錯名鬧錯人

咁樣重唔係戇鳩仔 」

芊靈:「係喇係喇

你係喇

不過唔係女神囉 」

我:「點會唔係

大把人行過嚟問我

拎你嘅contact 」

芊靈:「會唔會係咁呀

又誇張啦你 」

我:「真係講真

十個有九個行埋嚟同我講野都係關於你 」

芊靈:「咁你有冇俾丫 」

我:「我俾咗Becky電話佢 」

Becky喺我地級係一個好出名嘅豬西

出晒名樣衰性格差

利申我同佢唔係好熟

都係聽返嚟，

芊靈:「點解你有佢電話

莫非你 」

我:「痴線

我嗰次想玩人電話

咁咪拎咗好多唔識嘅電話囉 」

芊靈:「無聊鬼

你夜晚唔好打過嚟玩呀 」

我:「唔好大我呀

我分分鐘真係較鬧鐘夜晚起身玩你 」

芊靈:「你都傻嘅

個電話又唔喺我間房

完全嘈我唔到呀哈哈 」

我:「打手機咪得 」

芊靈:「傻仔

夜晚會熄機架嘛 」

我:「係喎屌 」

芊靈:「繼續溫書啦你，

我都要溫喇拜拜 」

我:「拜拜 」