火花不等人: 第二回合

「嗯，好難講喎。你咪以為個個埋你身就係追你先得咖，你估你真係咁靚咩？」
「你都話我靚咕喎。」
「我個朝未瞓醒。」言不由衷。
「佢約我情人節喎，好明顯喇下話？」
「下？我情人節都約咗Peggy食飯喎，仲訂咗檯喇，有咩咁明顯呢？」
「我知呀，Peggy話我咗我知，死人頭，我竟然由第二個人口中先知道，你情人節約其他女仔食飯，你心入面個圓圈呢？」
「無辦法喇，你個圓圈畫得細。」
「咁點呀？我應唔應承佢好？」
「食個飯又唔代表啲咩嘅，Peggy夠同我食飯喇，都唔代表有嘢咖。」
「嗯~~好喇~~嘻嘻~~」袁頌婷的笑聲有點沾沾自喜。





我﹕「無端端笑咩呀你？」

原來，即使我和袁頌婷都知道對方的想法，

袁﹕「嘻嘻，我想問你，點解呢‧‧‧」

曖昧遊戲仍然可以持續，

袁﹕「你又要話我知你約人食飯‧‧‧‧‧‧」





原本我們仍在猜測對方的想法，

袁﹕「但係又好似成日強調同佢無嘢嘅？」

現在雙方底牌都揭終了，

袁﹕「你驚我誤會呀？」

再下來的玩法變得不一樣，





我﹕「咪咁得戚呀你！」

第二回合開始。

袁﹕「哈，我贏咗！」

========================
「我媽咪今年年尾會返嚟探我呀。」袁頌婷告訴我。
「咁你咪好開心？」
「嗯！」