火花不等人: 必殺技

 內心感到比這罐有汽糖水更甜的我馬上撥打袁頌婷電話號碼，不帶半分猶豫。
「喂，走咗喇？」無口吃。
「啱啱入咗閘囉。」我第一次在電話中聽到袁頌婷的聲音，現在的她似乎已經怒氣全消，取而代之的是一種裝作漫不經心的語氣。
「做乜走得咁快？」
「夜喇嘛。」
「嗯，咁你返到去打畀我喇。」不加思索的提出了這要求，尾音未散我便已經驚訝且有點後悔自己太進取。
‧
‧
‧
‧




‧
‧
「唔打。」
‧
‧
‧
‧
‧
‧
「哦。」




‧
‧
‧
‧
‧
‧
「低B，MSN傾喇。」
「嗯，好喇。」我鐵定是由這一刻開始，喜歡上被袁頌婷話我低B。

由草地返房間的幾分鐘之間，袁頌婷的「低B，MSN傾喇。」一直在我耳邊迴響。打開房門便聽到MSN收到訊息的聲音，快得如此過份？上一秒才打開房門的我下一秒便透過瞬間移動的奇技坐在電腦屏幕前打開訊息。





「Hi」發訊人是Michelle。

你近來又，再有空？

=======================================================

「點解今日啲牛好似麻麻？上次好似唔係咁。」
「上次嚟係幾廿年之前喇喎，咁都記得？一喺同你交換，你食魚，OK喎條魚。」
「好嘢，幾時都話陳政對我最好！但係印象中上次係好好食咖。」
「停留喺印象中嘅嘢永遠都係好過現實咖喇。」
「師傅，明白了。咁你鐘意印象中嘅我定係依家呢個我呀？」
「梗係印象中嗰個喇，個陣時就青春少艾，依家你就嚟三張喇中女。」
「賤人﹗」





=====================================================

「Hi」我有想過無視Michelle的訊息，但想法只維持了半分鐘。
「點呀你近排？」
「都係咁喇。」
「咁行嘅你嘅答案。」
「你問題問得行嘛。」
「有無畀心機讀書呀？」
「麻麻地喇。」
「仲嬲我？」
「無呀。」
「無？咁點解唔搵我？」
「唔係我無搵你，喺大家都無搵大家。」
「無朋友做？」
求你別說仍能如良朋地對我。




「點解要分手？」我直接地問。
「我同咗第二個一齊。」她直接地答。
「幾時嘅事？邊個嚟咖？」
「唔想講。」
「我打過畀你，有個男仔聽，話你沖緊涼。」
「我知。」
「嗯。」在鍵盤輸入了這個「嗯」字再把訊息發出去後的下一秒鐘，我把Michelle從我的聯絡人名單中刪走，連隨馬上將電腦關掉，繼而把自己都關掉。