火花不等人: 捉迷藏

正當我既驚且喜之際，看真原來是袁頌婷。
「咩呀？」我把本身打好的一句「又關你事？」刪了。
「淆底怪﹗」
「當時咁嘅環境好明顯咁多人聲，點同佢講話你沖緊涼呀？」
「咁可以講其他嘢咖嘛。」
「例如呢？」
‧
‧
‧
‧




‧
‧
「話你係我男朋友。」
‧
‧
‧
‧
‧
‧
「如果唔係真話，好難講得有說服力喎。」




‧
‧
‧
‧
‧
‧
這幾秒好像比平常過得慢，我心跳似乎有點加快。
‧
‧
‧




‧
‧
‧「低B，咁我要真係沖緊涼你先可以同佢講話我沖緊涼呀？」袁頌婷一場漂亮的勝仗。

自那天起，我們開始了SMS的聊天，無時無刻東拉西扯的聊天。這些手機上的文字本身就很虛擬，在屏幕上我們不會看到對方的面孔，而且SMS不像現在的What’s app有大量的表情圖像，所以我們不會知道對方是懷著何等心情發出訊息，亦不知道收到訊息後對會有何反應，更不知道在等待回覆的過程中對方會否焦急會否期待，或者沒當作是一回事，這充滿著猜想的過程教人患得患失。「點解我個Locker咁鬼遠咖，同你交換得唔得呀？」從week3開始，袁頌婷就有兩個Locker。

「頭先係又一城畀電梯個扶手啲靜電電到，超痛！」
從Week 4開始，我的口袋裡都會袋有一塊小木牌，袁頌婷送給我，她說可以吸靜電。

「今晚睇完場波睇怕聽朝你都見唔到我。」
從Week 5開始，每個星期一朝早我都收到她的Morning Call。

「喂唔係辦法！你快啲轉one2free！今個月電話費好貴。」
在week 5收到她的投訴，於是我成為了one2free的長期客戶。





「好肚餓，今朝遲起身趕唔切買早餐。」
從week 6開始，每個星期一的早上我都有個煙肉蛋漢堡餐。

「我搵到份補習呀，個學生住南山，Form 3咖，好好Pay呀。」
從week 7開始，每個星期四我都會陪袁頌婷在南山邨的品香樓食宵夜然後送她到石硤尾地鐵站。

原本虛擬的傳訊因為有這些伴隨而來的舉動及行為變得真實，平面的文字幻化出立體的生活，方便了我日後可以輕易的確認這些都的確是有發生過，並非虛構。當時我用的手機有個功能，如果你經常打某一組字，日子久了，當你輸入第一個字，餘下的字句就會自然彈出，成為關聯字句的第一選擇，所以當我輸入「袁」，「頌婷」二人就會是關聯字，相當方便，今天今日的iPhone卻未有這智能。

「點解你咁鐘意叫我全名，我班Friend得你一個係咁。」我仍然是「班Friend」之中的其中之一。
「你夠叫我陳政喇。」
「咁係因為你無英文名呀陳生。」
「我諗唔到有咩英文名啱我喎。」
「唔洗喇，叫陳政好型呀！哈！」
「我都覺！」
「點解我地好似從來都係Podium撞過嘅？你有無返學咖其實？」




「梗係有！定係你無返學呀？又或者行過見唔到囉。」
「一定係你眼大睇過籠。」
「無可能！」如果袁頌婷在我身邊走過，我一定會發現她。
「同你玩個遊戲，睇下邊個係Podium發現對方先，發現咗就會叫對方全名，被發現嗰個就算輸。」袁頌婷的鬼主意。
「哈，輸咗點先？」我滿有信心接受挑戰。
「請飲嘢喇。」
「可樂呀唔該。」
「低B！」