[新手][愛情][排球]那天我成為女之後 我的人生不再一樣: 14.Antonia
「做咩呀？有野想同我講？」我問
「冇呀，之前見你好似對收兵好有興趣咁，咪問下你做咩咁有興趣囉。」Antonia問
「其實又冇咩既，只係我好奇問下姐。」我講
「真係咁簡單？」Antonia問
「咁你當我想了解下囉。」我笑住講
「咁你想知Ｄ咩？」Antonia笑住問
「點解你會話想收兵囉。」我一面期待問
「咁不如同你講下我既野先？」Antonia一面認真問
「……好。」我吞吞口水答
「其實冇咩人知我既事，個個男既都只係一味想追我，其實我想有人知我既事，知我需要Ｄ咩。」Antonia望住地下講
「其實我係單親家庭長大，呀媽就因為要獨力照顧我，一個人返兩份工，我知佢好辛苦，所以細細個都會好努力咁讀好Ｄ書同幫佢做下家務，幫輕下佢。」Antonia哽咽道
我就拍拍Antonia膊頭，叫佢唔想講可以唔講，但佢擰擰頭就繼續講
「咁其實日日咁返工法，鐵人都唔掂啦，就係係我小五既時候，我呀媽就病左，無耐就走埋，係呀媽走前有同我講過，我呀爸係個仆街，成日都會去玩女，而我呀媽就係我個撚樣老豆既其中一個玩物，我呀媽係好愛佢，但同左條撚樣講有左我，條撚屌就以後都冇理過我呀媽，因為我呀媽覺得我係無辜，最後生左我落黎。」Antonia邊講邊流住淚
「到呀媽走左之後，我就比左呀婆照顧，但因為呀婆覺得係我累死我呀媽，所以一直都好唔中意我，都唔會點理我，仲要勞役下我。過左一年鬆Ｄ啦，就有社工黎帶左我走，本來覺得可以離開地獄既我，無耐就知道，其實係I am so Sorry，係另一個地獄等緊我。」Antonia愈講，拳頭揸得愈緊
「跟住就送左我去寄養，姐係Ｄ一家入面有唔同既小朋友果Ｄ，就新黎新豬肉，咩都係我做，做既野唔單止比以前多，仲更加辛苦。咁我就好唔想留係果度，就成日留係街度坐，坐到有幾夜得幾夜先返。但可以有幾夜丫？最後咪又要返去做野，所以每日都過得好辛苦。到我中二時有一個因為夠１８歲，所以就冇得住落去，就係咁所以我既家務量先減輕左。」Antonia講
「但你唔同果度既父母講？」
「冇用架，你講完，佢地話完佢地，最後咪又係比返Ｄ人玩。所以之後因為大既走左，先可以減輕返。就係咁一直到中三，因為我成日都係街度，就有人撩我，你估我唔知佢地見我靚女先咁咩？但係你咩朋友都冇時，而佢地又帶到比你歡樂，咁你就自自然然會同埋佢地一齊玩。之後我就果一排成日都同佢地玩，去恰下人，周圍去，落機鋪，果時我真係好開心，而佢地既大佬又成日送野比我，就係咁我就同左佢一齊，但……」講到依度Antonia已經忍唔住係度係咁喊
「算啦算啦，唔好再講喇。每個人都有秘密，但唔想講既無謂勉強自己啦。」我講
「可以的……你比我講埋啦，我都屈左係個心度好耐。」Antonia講
「嗯…….」
「咁開心既時間真係唔多，雖然同佢地玩得開心，但我同時都擔心緊自己中三咁玩法，成績唔好揀唔到科，所以我跟住都小左同佢地玩，咁但係我又成日都好想見到佢，咁就跟左佢上去佢度，諗住可以見下佢，又可以溫書……之後上到去，佢就係咁逼我同佢做，本身我都唔肯，但佢又話男女朋友好平常又點，最後我心軟，第一次就比左佢。跟住幾次上到去，佢都只係係咁要我同佢做，我連書都溫唔到。有一次我同佢做完，沖沖下涼我就聽到佢同人分享我既食評，我真係好嬲，仲要比我聽到佢其實係同我玩玩下。」Antonia講到依度已經聲淚俱下，於是我掃掃佢背脊
「咁…咁……咁我就都忍唔住出去問佢，點知佢反面唔認人之餘，仲話我自己送上門，唔怪得佢，之後我就同左佢分手。過左兩個星期左右我開始覺得自己唔係咁妥，就走左去買枝驗孕棒，結果係點我諗你都估到……」Antonia講到依度已經講唔到落去，我就攬攬佢
「因為你上一個同你個衰呀爸一樣，所以你覺得全世界都係想呃閪屌？」我問
「係！我真係好憎所有男人。」Antonia講
「其實你遇到衰既人姐，其實可能有一個唔介意你身世既人，係世界上某一個角落等緊你呢。」我講依句時好感慨，一黎因為變左女之後先真正認識我既女神，二黎我都唔知幾時先可以變返一個男，但同時我又好想繼續做一個女…..
「咩你覺得有咁既可能咩？」Antonia輕輕推開我，望住我問
「我信！果個愛你既，無論你以前係點，佢又點會介意。」我堅定咁講
「咩真係會有一個男既中意一個落過ＢＢ既女咩……」Antonia雙手掩面講
「一定！」
「再算啦，但我依加真係唔想拍拖。」Antonia講
「想唔想同幾時拍拖既野話唔埋，緣份到時自然就會有。冇上一個既賤，又點會細味到下一個既甜呢？其實每人心中都有佢既秘密，當搵到一個適合你既人，佢自自然然就會同佢講。我相信每個人都有過去，但真心愛你既，又點會比小小既過去阻攔到呢？咩過去真係咁重要咩？」」我笑笑咁講
「你真係同之前唔同左好多。」Antonia望住我講
「有咩唔同呀？」我都望住Antonia咁問
「咩過去真係咁重要咩？」Antonia笑笑咁講
「呀！學得咁快既」我作狀想打Antonia咁講
「咁你又有咩秘密呀？」Antonia橋住我既手問
依個時候，我個電話曫起「喂，呀潔差唔多走喇，一齊啦。」
「好呀，我同Antonia依加返過黎。」我講
「好啦，Bye。」Ada講
然後我地都不約而同咁企左起身，向住佢地既方向行既同時我向Antonia講
「我既秘密就係……今日既我唔再係以前既我。」然後我就遞左張紙巾比佢，補多句「我地既女神Antonia，再喊唔靚女喇。」
然後我地對望一下，笑一笑，我地就並肩咁行返去大隊。
我地返到大隊之後就行返出去搭車，臨落車前，Antonia對住我講多聲多謝，我就話唔洗客氣。然後我同Ada落車之後,，車門就關上。
係行返去既時候，Ada就問我頭先同Antonia去左邊，做咩佢眼紅紅咁，又同我講多謝。我就答返Ada話「秘密」