我與歌再加上你: 壞習慣

我是一個徹頭徹尾的冒失鬼，小至門匙，大至外套，無一倖免地被我遺棄。唉！它們大多未有與我建立親密關係便離開，想著想著真心痛。

這幾天大雨一直下，雨傘是少不了的。

在我出門前，
「喂你哋估阿妹今次把遮可以用幾耐？等我開個盤先。」大佬在訕笑著。
「三日啦！」這是我二佬。
「好樂觀喎，老豆你呢？」
「唔，一日啦。」這是我的父親大人。





我和哥哥們是一起看<同一屋簷下>長大的，感情也特別好。

「喂，你哋聽住，今日開始我唔會再唔見嘢！」我大喊著。
「哈，揾鬼信。賭咩都得。」
我再一次大喊「我. 唔. 會. 再. 唔. 見. 嘢。」

之後急忙轉身出門,因為我快要忍不住笑了。
邊走邊聽到大佬追在後面。
「喂，堅嬲？玩吓啫！」
我順勢，｢你話賭咩都得，一...唔...一個月之後，我要新iPhone. ｣




「哈，好丫。横掂我贏梗。你輸咗，我要你同學Emily 嘅電話。」 大佬，不會色了一點嗎？
Emily, 對不起，這是我尊嚴一戰。
｢好，大佬你講過算數呀。｣

然後我心中暗喜，我早在雨傘掛了一個名牌，
<If you see me alone, please call Vanessa at 9433 2377. I miss my pretty friend a lot. Thank you very much. >

天真的我，古怪的名牌。

「喂你知唔知你果陣喺把遮度掛果個名牌真係好低能，一陣俾其他人執倒點算？」我和你仍然喜歡笑著說這段往事。




「而家咪冇事， 唔係個牌，你都識唔倒我啦。」
「咁又係，雖然低B啲，但係我鍾意。」之後你親了我一口。

那把雨傘與我同行不知多少個月了，即使我大意，你總是一次又一次把它帶回我身邊。

謝謝你的體貼。

<又下雨了，在門外立佇那破傘子，也頓變得重要...不可改變你那壞習慣...」

我不需要改我的壞習慣，因為那是你寵我的證據。