香港殺入世界盃（尼馬故外傳）: 第六十八章

68）這下兵行險著，要知道手機是球員與家人溝通的命根，資深隊員或會提出抗議。

果然，數名球員得悉收機令後提出反對，迫使我們進行下一步計劃。


「教練，你……」
「你做咩撕爛晒我地dpassport？ 」


所有球員的護照均由教練團保存，晚上席間，教練團將25本護照通通派回球員，讓他們看見被撕去的首頁。






「各位，呢個係我既意思。」我代替積甸拿克領隊，走出來主持大局。
「你點解要咁做？」
「冇晒d passport我地點返香港！？」一眾年輕球員不明所以，紛紛提出質疑。
「我連自己本passport都撕爛埋，就係決意同大家共同進退，不成功﹑便成仁。」我道。
「你意思係……」
「你地講得好岩，冇左passport我地就唔可以隨時打道回府。唔想出醜於人前，就只有一條路。」
「冇錯。」積甸拿克說。
「要走呢條路，就要置之死地而後生，我相信大家有能力做到。」






球員這時方明白，我們的行動旨在效法項羽的「破釜沉舟」，斷絕球員「光榮回家」的後路。要回家，只有一條路－繼續留在阿根廷，繼續拚下去！

當然，要撥亂反正不能單靠提升士氣，還要做點實際的功課。首輪大敗，顯示港隊跟世界列強的距離依然存在，針對這個題目，我們制定了兩大方略。

翌日，領隊宣佈禁止傳媒入內採訪，專心向球員講解訓練內容。
 
 
「從今日起，我要大家鍛練體能，以適應黎緊五日既訓練項目。」積sir道。




「對葡萄牙既大敗，證明我地同世界強隊存在技術上既差距，要縮窄距離，必需避開技術較量，改以走動比拚，行動必需快速貼身﹑亦要適得其法……一字記之曰：『鎖』！」
「『鎖』？難道係…」
「冇錯！就係中國古拳法入面既貨車訓練大法！」





積sir來港多年一直以看港產電影學習廣東話，可不是白學。以「破壞之王」的中國古拳法訓練球員看似荒謬，但正如電影中外賣仔跟斷水流大師兄之戰，該策略絕對可以縮窄強弱之間的差距！

鎖，顧名思義，就是當個貼身膏藥，以體能纏擾場上十名強敵，決不讓技術較高的洪都拉斯有多餘的空間組織。要達致「鎖」的戰術哲學，我們必需放棄地面組織，專心做好防守以謀後著。


「領隊，即使我地成功鎖死對方，但形勢唔容許我地死守不攻。」有人提出。
「出唔出到線係聽天由命，我地做唔到更多了。」積甸拿克說。




「何況，要奇蹟出現，首要條件係力保不失！」


無敵的斷水流大師兄，也會被外賣仔偷雞成功。積甸拿克的暗黑兵法，便是希望桀驁不馴的洪都拉斯主帥﹑綽號「野人」的J山齊士會因為輕敵，在大好形勢之下依然群起進攻，讓德仔等快馬有突襲機會……在戰場上示弱，正是積sir的拿手好戲之一。

幾日以來，我們以大型高卡車取代貨車，於白天的訓練後讓球員參與「貨車訓練大法」，務求教授他們鎖死敵人的方法。至於個別球員如德仔，則維持原來的射術及走位訓練，作為一劍封喉的最後武器。

整個訓練大部份由領隊及各教練主持，我則負責給予球員跑位上的意見。氧氣箱治療進度良好，我的大腿瘀傷有消散跡象，但現階段依然未能落場比賽，可以更加專心訓練球員。

就這樣，一眾港將在沒有手機及沒有護照的情況下，進行了五天速成的訓練大法，練成「金蛇纏絲鎖」大陣。效果如何暫不得而知，可幸的是，破釜沉舟給予了年輕人置諸死地的決心，士氣提升了不少。

五天的閉關訓練很快便完結，我們來到布蘭卡港球場，準備與洪都拉斯決一死戰。
 
 






 
咚咚咚咚……

「WE ARE HONG KONG！WE ARE HONG KONG！ 」
 
 
波台痴線佬繼續在觀眾席上瘋狂，德仔步出通道間，喜見里香亦混入痴線佬當中，為香港打氣。

這個球場是世界盃眾多舉行場地中最小的一個，容量僅38,000人。正因如此，球迷的打氣聲特別響亮，洪都拉斯及香港球迷各佔一半，聲音猶如環迥立體般圍繞球員。



嗶！





洪都拉斯的謝斯保特開出皮球，H組最後一輪分組賽正式上演。