香港殺入世界盃（尼馬故外傳）: 第九章

9）德仔的簽約儀式非常低調，沒有太多日本傳媒會關注一名十八歲的無名小子，香港四大媒體記者卻紛紛到齊。

正式成為橫濱水手一員，德仔下一個目標是爭取表現，取得上陣機會。


「中場兩個負責防守，要見到合作！」
「講左好多次：一個迫﹑一個包抄！俾d默契！」
「前鋒冇波到腳要回後幫波，唔好成碌木企喺度！」






領隊華盛頓的「三角戰戰術」對球員閱讀能力要求什高。每20分鐘，三組球隊會被打散交換分配隊友。因此，球員必需清楚每一位隊友的踢法﹑思維及特性，彼此間才可以合作得好。

德仔逐漸明白各種指令的手語，在前場不斷找尋空位牽引敵方，顯得十分賣力。

然而，戰術教練還是不滿意。


「小朋友，過一過黎。」






球隊的戰術教練叫做平井能三郎，英語水平有限，德仔聽他說話只能憑手語嘗試理解。


「我要你回後幫波！明唔明呀？回後幫波！」


他不斷指向中場，德仔勉強明白他的意思。


「球隊唔需要一個係前場等波既球員，冇波就要自己爭取，回後幫忙迫搶，明白嗎？」






這段指令比較複雜，平井教練重複了三數次德仔才明白。
 
 
「再來吧！」


嗶！



德仔按照教練意思將自己的活動範圍伸延，數次返回中場參與迫搶及爭奪皮球等工作。

過了十分鐘，平并教練又把他叫了出來。






「迫搶戰術講求同隊友之間既合作﹑對四周環境既閱讀能力。你連同隊友溝通都做得唔好，點樣合作？」平井教練道。
「…………」


德仔略感鬱悶，心想我已按指令回後幫波，但做不慣的工作，第一次怎會純熟？況且自己與隊友之間言語不通，教練又不是不知道。

平井教練在隊中出名火爆，對球員難處往往不加體諒。當下，數名年齡相若的隊友走過來安慰德仔。語言未能溝通，德仔還是感受到關懷。

夜晚，德仔跟我通了個電話。


「正式操練同試訓真係兩回事。」他道。
「頭兩星期，教練只係要求我盡力表現自己，正式操練就咩都唔做得。」




「呢d就係職業團隊既紀律。你要學。」我道。
「無可否認，你遇到既機會來自你個人能力，但球場上，呢樣野只係成功一部份。要更進一步，你要虛心學習點樣執行戰術﹑點樣融入球隊。」
「知道。」


與一般血氣方剛的年輕人不同，德仔只會訴苦而不投訴，只想獲得更多建議，從而做得更加好。


掛上電話，我回頭說：「呢個後生仔，前途一定無可限量。」


四周萬籟寂靜，沒有人回答，面前只有Joyce的墓碑。這些年，我已習慣站在她墳前單向地講話。


「我知道，德仔呢一代一定可以完成香港人既夢想。」我繼續道。




「到左個日，或者我唔再係足球員，但我都一定會全力幫助佢地。」我輕撫著石碑道。