《星際》關於外星人、星際飛船、影子政府嘅一切真相: 11

朝早一覺醒來，從自己的房間走出，居然又見到那傢伙……
 
分析大廳裡，一副明星相的康兒姑娘正一邊吃葡萄，一邊看電視。
 
方榮哲又走過去搭訕。
 
「啲提子甜唔甜呀？」哲對眼前的女護士微微笑著。
 
「甜呀。」康兒漫不經心地說。
 




「有冇你咁甜先？」
 
康兒看了對方一眼，不禁失笑，更臉紅起來。
 
「你……」 我奇怪他為什麼會在這裏。
 
「Good morning, soldier！」哲裝模作樣的向我敬禮。
 
穿著便服的隊長走到大廳落地玻璃前，背後是溫暖的人造陽光。
 




「集合！」他拍拍手。
 
一眾RM成員集結，包括迦南、生哥、小綠、馬高等人。
 
「首先，我諗大家都知道我哋即將會攻入剛果基地，去摧毀嗰兩個負面星門……個邊兵力強大，憑我哋RM 一己之力當然冇可能做到，所以美國聖殿騎士團嘅夥伴就嚟到幫我哋，佢哋嘅一百位隊員已經開始同我哋嘅隊員做磨合訓練，增強合作性……
 
「但因為我哋新人嘅數量比較多， 所以至少訓練多三個月我哋先會出戰……
 
「而我諗大家都已經聽聞到美國聖騎組織被黑暗勢力摧毀嘅事……所以由今日開始，佢哋嘅分區指揮官方榮哲，依位高大英俊嘅星鬥會加入我哋RM聯合軍，成為我哋嘅一員。」
 




掌聲雷動，哲開始向大夥兒介紹自己。
 
「hi！大家叫我阿哲就得啦，我係巴哈伊信徒，喺夏威夷出世，以前喺上海同香港都住過幾年， 所以幾種語言我都識…… 我爸爸係昴宿星人，佢係通過某個特殊方式穿越嚟地球， 喺地球已經生活咗五十幾年， 做咗廿幾年職業鼓手同作曲家， 佢落嚟地球係為咗體驗依個星球嘅獨有嘅宗教、音樂、同素食。」
 
「 而我亦都係一名星際鬥士，特別在於我嘅星力係……」哲以右手散發出紅色的電流。
 
「紅色嘅！？」 基地裡較為年長的隊員也感到驚訝。
 
的確，在場的眾多位成員，都從未聽過或見過，這世上有紅色的星力。
 
「阿哲喺呢個時間點同我哋相遇，當然唔係偶然……」隊長意味深長的望一望天狼星少女與我，「一藍一紅嘅星力相遇，符合咗嗰個遠古嘅救世預言..」
 
隊長繼續說：「大家都知道，所謂星際之力， 係星鬥嘅力量泉源，係我哋內在嘅一個小宇宙，陰與陽、日與月、剛與柔……」
 
「一攻一受……」鍶推一推眼鏡，輕聲地說。




 
「……依種陰陽力量存在於宇宙所有生物當中，係生命嘅能量……而 Gabriel嘅藍電同阿哲嘅紅電星力，」隊長望著我們兩人，「 配合起來，可能會有意想不到嘅巨大效果，甚至可以係擊殺暗天皇嘅關鍵。」
 
一一明白了…
 
一一真要命……
 
一一即係今後要我同依個輕浮又輕佻嘅人合作戰鬥……
 
完場時，哲又發動他的撩妹技能，這次的目標是那位前模特兒。
 
哲漫不經心地說：「梓靈，我真係覺得自己好蠢……」
 
……
 




我強忍著反白眼的衝動，跟女朋友迦南前往「草原」 去看看新兵的訓練情況。
 
 
幾個月後。
 
2015年8月的某個下午，我、南、哲與生哥一家三口相約在光室裡一起打羽毛球。
 
利用正中央T型的立體投影裝置，在半空中建構出網與地線。
 
兩天後我們RM聯合軍就會進攻剛果基地， 這天我們來放鬆一下。
 
雖然跟阿哲一組，我並不感到有多放鬆。（隊長迫我跟他一組，以鍛鍊默契）
 
二對二比賽，在打球的過程中，因為我們互不相讓、又頂撞……居然輸了給生哥的妻子與年幼的女兒（今年13歲了，雙馬尾變成單馬尾）。
 




善兒樂得很呢，對決十場，她與媽媽贏了七場。
 
 
中場休息時，哲坐在觀眾席，一邊用大毛巾擦汗，一邊留意著旁邊正在用筆電看BL討論區的阿鍶。
 
哲又戲子上身：「 咦…阿鍶，你塊面有啲嘢喎……」
 
「有啲靚，我知。」鍶以極平淡的語氣回應。
 
「其實呢……」
 
「其實呢， 你唔需要同我講呢啲， 因為我係唔會鍾意你依類型。」
 
人生裡第一次被女生拒絕……
 




哲尷尬地乾笑幾聲，「咁……咁你鍾意咩類型？」
 
阿鍶一臉認真地從筆電打開一張jpg圖，展示給對方看。
 
一個很帥氣的黑髮男子，二次元的。
 
「2D嘅，同埋一定要係霸道總裁。」
 
「……」
 
我和迦南在一旁看到，笑得幾乎從高台邊滾了下去。
 
 
_
我哋8號晚 繼續#hoho#
 
我ig: water_lam_ig
ＦＢ專頁：water.lam