《星際》關於外星人、星際飛船、影子政府嘅一切真相: 21
九月的一個晚上，我與迦南來到基地附近的芙蓉山上觀星。
在香港，一般在夏季的時間都可以看到清晰的銀河星象。
而今晚是吹東南風，沒有從內地吹來的污染物，亦沒有什麼雲，更好。
「……而天蠍座就係最易認，彎鉤嘅形狀，係地平線附近。」我跟少女坐在涼亭旁邊，細心為她解釋各種星座。
而這些星座知識，都是我在小學時期跟死黨同學胡嘉桓一起在圖書館裡研究出來的，我們志趣相投，在小五時還成立了神秘學研究會。
「咁天狼星……係依一個？」迦南不太懂星象。
「唔係……係上少少呀，」我靠近少女，以她的視線角度看上星空，輕輕執著她的右手指，指向正確的位置。
少女恍然大悟，「係喎，見到啦！」笑得非常開懷。
見到她開心，我自己也感到很快樂。
「其實你都識得幾多嘢喎。」少女笑著說，對我表示讚賞。
這樣近距離看著她的笑容，我又有被電到的感覺。
「係呢，之前妳用SRC嘅時候，有冇見到啲咩特別嘢？」
「嗯……冇咩特別，大部分嘅畫面都係好模糊， 雖然我心裡面係知道我以前係喺古埃及住過，但我就係見唔到任何關於埃及嘅畫面……我淨係見到一啲中國嘅影像，我係識得功夫，同埋好叻用槍。個日其實大概只係做咗SRC三小時左右，我就覺得頭痛同嘔心，唔想再做落去……」她突然沉靜下來，似乎在努力思索合適的語句，「另外……你之前話同我喺昴宿星……個種親密關係，我係完全見唔到任何畫面，而且到依家都係一啲印像都冇……唔好意思。」
「嗯……」
原來她仍然是一點記憶也沒有，我感到非常非常的失落。
原來只有我一個人記得。
而我亦都把想說的話吞回去——關於我與她一起合作進行抗日工作時所發生的一切……
「其實都唔緊要嘅……妳唔使講唔好意思，」我故作輕鬆的笑笑，嘗試打破此刻尷尬的沉默，「我哋……可以做個普通朋友呀，握握手。」
少女也覺得有趣，笑著伸出手來，跟我相握，「好呀，做個好朋友。」她跟我和應著，我倆相視而笑。
⊕
回程，我倆在山頂往下走了廿多級樓梯，迦南就見到一個熟悉的背影，正靠著欄桿觀星。
「咦，依個裝束……好似係Arherb喎。」
我與少女在黑暗中靠近他——把脖子都遮上的遠足大帽，配上一身藍色系的基地制服。
那人警覺地回頭看，「噢，係你哋。」
果然是Arherb，平時他還會戴上特製的高科技眼鏡呢，用來掩蓋他的外星人面部特徵。
我跟Arherb打了聲招呼，「你一個人嚟呀？噢……文輝都係度。」文輝躺臥在不遠處的石椅上，悠閒觀星。
「基地入面，果然有好多人中意黎呢度觀星喎。」迦南靠在Arherb的左面，我就站在他右面。
我見到Arherb抬頭望著遼闊的銀河，一副若有所思的樣子，便對他問：「你會掛住你嘅天琴星故鄉嗎？」
「唔掛。」
「獅子頭你又傲嬌啦，明明超級掛住！」在暗處的文輝朗聲說。
「喎……你……唉……」這位獅人族少年欲言又止。
我與迦南對望一眼，都感到疑惑。
Arherb又歎息一聲之後，說：「係呀，喎係好掛住喎嘅故鄉……」
「你應該喺我哋呢個星球度，發生咗一啲非常唔開心嘅事？」我根據我的直覺發問。
「你講得冇錯，喎諗，你都知道喎係天琴星嘅國家護衛，事源大約喺兩年前，喎哋獅人國嘅一位女參議員想同你哋地球上一個叫做『聖殿騎士團』嘅組織簽定一啲交易合作協議，此行喎哋一共有四個護衛，飛船透過位於四川省三星堆嘅一個古老星門傳送入嚟地表，呢個星門每三百年先會開放一次……
「喎哋嘅飛船一到咗四川境內十秒左右就遭受到伏擊，係混亂中參議員同護衛長都被殺死，喎同另一個同伴比羅斯家族嘅士兵捉走，連同飛船畀佢哋運咗入去某個地下研究室，囚禁著……
「佢哋對喎做咗一連串嘅不人道試驗，之後ＲＭ嘅人嚟咗救我走，係當晚喎即刻用呢種通訊裝置，」Arherb向我們展示一個六邊形的盒形裝置，感慨萬千，「聯絡喎哋天琴星嘅通訊部，但係相關人員同我講，話因為喎嚴重失職令到參議員被殺，喎嘅國家護衛資格已經被解除，而且永遠唔可以再返去天琴星……」
我錯愕，「咁大件事……」
「嗯……其實都可以理解嘅，因為呢位參議員嘅身份係一位前公主……」
迦南見到Arherb的心情那麼低落，伸臂拍拍他的肩膊，以示安慰。
⊕
自從我在格鬥場上見識過隊長展現的「星際之力」，我就一直躍躍欲試，希望他能夠教我。
今天終於有機會了。
我與隊長在格鬥場上，盤膝而坐。
「隊長，之前我喺危急關頭用電磁護盾擋住咗子彈，我一直以為係一種超能力，但原來呢種能力係叫做星際之力……咁究竟係一種點樣嘅能力？生哥佢哋依啲光戰士都有呢種能力？」
隊長搖搖頭，「而家成個荃灣基地，得我同你有呢種能力。所謂星際之力，就係星際鬥士Starwarrior嘅力量泉源，係我哋內在嘅一個小宇宙，係源於創造宇宙萬物嘅陰陽，所謂陰陽，即係天與地、日與月、剛與柔、正電與負電、陽極與陰極、量子力學嘅波粒二象性……依種陰陽力量，存在於宇宙所有生物當中，係生命嘅能量，」
隊長從旁邊的玻璃杯裏取出一支枯萎的白花，右手藍電輕閃，枯萎的花在他手上漸漸產生變化——重回最完美最健康的狀態。
「你試下。」
我依樣葫蘆取了一支花，左手藍電輕閃，也成功令枯萎的花回復健康。
隊長對我點點頭，表示讚賞，「至於我哋星際鬥士，係所有星際種子同地球人類嘅守護者——係行星地球生活嘅一千萬名星際種子當中，有一部分嘅靈魂係蘊藏住巨大嘅星際之力，呢啲人可以經訓練成為星際鬥士，
「一位師父最多能夠收三位徒弟，星際鬥士嘅秘密訓練已經係地球承傳左幾萬年，一直到１９９６年『第三次蜥蜴軍入侵』，即係剛果戰爭……當時以日本蜥蜴人戰士『暗天皇』為首嘅赤色皇軍團，幫助黑暗勢力追捕並獵殺星際鬥士，令到地球上嘅星際鬥士幾乎滅絕，
「小黑要拼命追殺我哋星際鬥士，係因為我哋嘅能力可以有效攻擊到班小蜥蜴嘅弱點——腦部，呢個係佢哋唯一嘅弱點。普通人例如文輝、阿鍶佢哋咁，一定要用子彈準確擊中對方腦部，佢哋先會死。但星際鬥士，只要將星際之力貫注入弓箭、子彈或其他金屬物品，再擊中蜥蜴人嘅上半身，」隊長將藍色的電流能量灌注入一柄飛刀，再猛力向前投擲——
飛刀在我左耳邊高速掠過，再穩穩插入場邊的一個人偶的胸口位置。
「星際之力嘅電流就會直送上去蜥蜴人嘅小腦袋，炸開幾塊。」
「咁灌注左星際之力嘅飛刀打中普通人類會點？」
「如果能量過大嘅話，對方會被電死，」隊長站起來，將一個金屬製的高爾夫球拿起，「好，咁我哋就由呢種金屬球開始鍛鍊。」
⊕
就這樣，我開始了使用「星際之力」戰鬥的嚴格訓練。
——將星際之力灌注入各種金屬兵器並準確擊中目標，但我卻一直只能發出微弱的星際之力能量。
——跟生哥學習使用幾種新型的槍械，並嘗試將星際之力灌注入子彈中。
——以星際之力把桌上的金屬物品拉過來或推開前方的人……但練了幾天效果仍是不理想。
——打開電磁護盾擋開迎面而來的金屬球。
以上關於星際之力的訓練我全都是用左手，因我不像隊長那樣能夠隨心以雙手使用星際之力。
今天，是第二十天的訓練。
「一般慢速移動嘅金屬物我哋都可以操控到，」隊長單手拋起一個金屬球，再發動星際之力令其急速撞向格鬥場的天花板，「但係高速移動中嘅金屬物，例如係子彈、弓箭、飛刀之類就無可能操控到，只能夠卡住係護盾上……不過，飛刀都係要睇情況。」
隊長意味深長的笑了笑，指著地上的一柄飛刀，「拎起，掟向我胸口。」
我拾起飛刀，快速擲出。
隊長舉起右手，將急速而至的飛刀以星際之力撥向天花板方向，再像是施展魔術一般，令飛刀緩緩迴旋下降，執著刀鋒位——然後，竟出奇不意對牢我的咽喉位置快速擲出！
「用左手接！」隊長大喝。
我吃了一驚，但仍然下意識地舉起左手，展開電磁護盾格擋——一個不成形的半透明護盾張開了，勉強地卡住了飛刀，我中指被割開一個小傷口。
「嗯……經過咁多日嘅訓練，你仍然未可以張開一個完整嘅護盾，」隊長看來有點失望，「睇嚟你之前可以用護盾擋子彈，只係運氣？」
中國風格鬥場的一扇木門突然被人嘭一聲的打開了。
阿鍶衝了進來，「隊長！迦南嘅父母畀佢哋捉住咗，而家脅持喺元朗！」