《星際》關於外星人、星際飛船、影子政府嘅一切真相: 18
「數碼暴龍」裡的獅子獸（少年版）——
這是我看到「他」的第一個印象。
「他」看來是位雄性的人形生物，所以我就繼續用「他」來描述吧。
雖然從人類的角度很難看出他的實際年齡是多少，但看來是個少年，只見他有著一頭相當特別的深棕色蓬鬆中長髮、貓科動物的眼鼻，配上一身淺茶色肌膚；身型健碩，但大概只有1.4米高，其穿著則是跟其他基地人員一樣，天藍色上衣配白色褲。
看身形……他似乎是昨天一身黑色防護裝備，左腳與胸部受傷的那位隊員？
晨光下，他正背靠著牆，在看一本有著「JOJO」字眼的少年漫畫。
我踏進基地大廳不久，我們便很快就對上眼——他抬起頭，友善地看著我，面上帶著微笑。
我林泳人生第一次親眼看到外星生物！我又驚又喜，不禁瞪著眼睛問：「你係外星人？」
「喎係來自天琴星嘅獅人族，可以用地球上嘅英文拼為The Felines。」這位獅人的瞳孔是金色的。
出乎意料之外，他的廣東話頗為純正！
「點解你會識得廣東話嘅！？」
「喎喺地球生活咗二年，成日睇ＴＶＢ，當然識得。」
「你啲頭髮……係真㗎？」我沒有發現自己變成了問題機器。
「正確嚟講呢啲係我嘅鬃毛……」
這時候旁邊傳來一聲少女的驚嘆聲，打斷了他的說話。
是穿著龍圖案ｔｅｅ（跟我一樣）的迦南，只見她的樣子又驚又喜，把雙眼睜得大大的看著這位獅人少年，「你、你……」似乎舌頭打結了。
「係呀，我係外星人，來自天琴星嘅獅人族。」
「咁、咁、咁……」少女聽到答覆後，似乎更加驚訝。
「喎喺地球生活咗三年，所以識得廣東話。」
「哦……」少女恍然大悟。
「你嘅下一個問題係，『你啲頭髮係唔係真。』」獅人少年自信地說。
「你啲頭髮係唔係真㗎？咦？」得知對方能夠預測自己的問題，少女又露出驚訝的樣子。
「我呢啲係貨真價實嘅鬃毛……你嘅下一句說話係『我覺得你好似星戰入面嘅Bothan族人』。」
「我覺得你好似星戰入面嘅Bothan……咦咦？」
在旁的灰褲生哥咬了一口蘋果，笑著搖搖頭，「標準問題，標準答案。」他拋了一個紅蘋果給這位外星人同伴。
我留意到這位和善外星人的手掌沒有利爪，口裡亦沒有犬齒。
⊕
吃過早餐後，大夥兒都聚集在基地大廳，或站或坐。
「好，咁骨幹成員都幾乎齊曬喺度啦，」隊長處理完公務後，精神奕奕的走進了我們的圈子裏，他認真地對著我與迦南說，「林泳、張迦南，咁我喺度再一次歡迎你哋加入我哋抵抗運動ＲＭ呢個大家庭，我保證你哋喺呢個團隊會有相當大嘅正面轉變。好，然後係自我介紹環節，」他笑著拍一拍旁邊少年隊員的右肩，「又一村文輝，你先。」
文輝淡然一笑，「你哋好呀，我叫文輝，中文個文，加入咗團隊二年左右，我同你哋一樣都係Starseed，我嘅故鄉係大角星。」亮白笑容，一身小麥色肌膚。
我心想，九龍塘又一村是香港著名的豪宅區，區內都是有花園的三層獨立屋，眼前這位「富二代」為何會願意放棄舒適的生活，而加入這樣的地下革命組織？
而且，看他樣子……大概是剛剛高中畢業吧？
生哥向我們揮手示好，「天水圍生哥，江湖人稱灰褲生哥，處女座，性別係男，最鍾意嘅野係八卦掌法同我老婆。我都係Starseed，同文輝係同鄉，同樣係活躍於前線嘅RM lightwarrior。」
戴著粗框眼鏡的阿鍶從電腦螢幕前回過頭來，「佛山阿鍶，依個基地唯一一個嘅分析員，肥螳螂拳第十八代傳人。」她一臉正經地說，然後繼續回到工作中。
「Arherb，最近決定定居行星地球嘅外星人，喎係天琴星時候嘅職業係國家護衛。」
不知為何，我感覺到他在說這兩句話的時候其實帶著悲傷，卻又極力隱藏。
一位坐在電腦桌上的少女，隨手在桌上拿了一圈橡皮筋把長髮紮成馬尾髮，「Hi，我叫小綠，緣色嘅綠。」她有一雙漂亮的眼睛與長腿。
極簡單的自我介紹，一如她身上的衣著——簡約純白Tee加運動短褲。
隊長作出補充：「小綠係我哋荃灣基地Team B嘅成員，佢家姐阿青係Team B嘅隊長。而Team A 嘅成員就有我、生哥、文輝、Arherb。荃灣基地只有兩個作戰小隊。」
然後是身形高大的馬高，他的聲線相當雄亮：「歡迎你地！我叫馬高，係管理槍房同倉庫嘅！」他笑起來的時候有點像藝人吳彥祖。
另有四位未曾見過的基地成員都各自介紹了自己，也是管理槍房與倉庫的，同馬高一模一樣的藍色制服。
「我哋後勤唔止咁少人嘅，不過佢哋而家忙緊，將來有機會再介紹畀你哋認識吧，」隊長微笑著望向我，「Gabriel，你可以簡單介紹下自己。」
我清一清喉嚨，朗聲說：「Hi，大家好，我叫林泳，Gabriel，我之前係一個人住喺元朗嘅，呃……我好開心可以加入團隊……」我有點緊張，突然不知道應該說些什麼好……
隊長走過來搭著我的肩，替我補充幾句：「同今年覺醒嘅阿聰一樣，Gabriel都係屬於昴宿星靈魂，呢度對能量敏感嘅人，」他看了一眼文輝，「應該都可以感應到Gabriel嘅內在係有強大嘅能量，一種同電流相關嘅『星際能力』，所以佢係好有潛質成為一位Starwarrior『星際鬥士』。」
成員們聽到這裏，有的帶著懷疑的神情、有的則表現出驚喜的神情，並輕輕鼓掌。
我在眾人面前尷尬地點點頭。
隊長繼續說：「而依位女新人同樣都係昴宿星嘅，佢係女神轉世者，『女神能力』係細胞再生，完美嘅身體自癒能力……所以大家應該明白點解今次『天皇』要捉佢。」
生哥等人都同時點點頭，面容均變得嚴肅起來。
迦南同樣是有些尷尬地嗯了一聲，然後對眾人說：「Hello，大家好……我今年十七歲，喺綠楊新邨讀書同埋居住，大家可以叫我迦南。」少女微微低頭向前鞠躬。
隊長輕鬆地笑起來，「好，咁宜家就介紹曬大家畀你哋認識啦，下一步就……」
天花板處突然傳來兩聲乾咳。
隊長尷尬地笑了幾聲，「咁……當然仲有我哋最重要，美貌與智慧並重嘅Flora小姐啦。」
天花板傳來基地ＡＩ溫婉的話語：「歡迎一對新人～希望你地可以係基地天長地久咁生活落去啦。」
⊕
及後，隊長花了一小時帶我們兩位新人去參觀整個ＲＭ荃灣基地。
最後一站，是位於基地大廳東面的「大草地」。
現在是上午時間，熾熱的人造陽光仍然高掛在東方，照耀著大草地裏的各種果樹、繁花、農地、小動物、涼亭與遠方的不知名石塊群。
一踏進美好而寬廣的大草地，我們都自動自覺把鞋脫去，赤腳親近一下我們的地球母親，享受一下Grounding。
我和迦南均被大草地中央一棵最高大壯健的蘋果樹所吸引。
我倆走到樹下，我踏上矮櫈摘下一枚熟透的紅蘋果，若有所思……
「迦南，我突然間諗到一樣嘢……其實點解喺現今社會我哋要畀錢買蘋果？喺古時候，呢啲果樹四周圍都係，我哋鍾意點樣採摘都得……同埋古時候根本就冇西藥呢樣嘢，大自然嘅動物同人，如果病咗或者受傷，其實大自然係有大量嘅資源去供應畀佢哋去做療癒，例如草藥。」
「嗯……因為人口太多？所以要用金錢黎分配食物物資比特定嘅人？」
「我聽過一個講法，如果全世界大部分嘅人都願意食素，將而家佔地太多嘅牧場、屠宰場都改造成種菜種瓜種水果，其實係可以餵飽全世界嘅人，呢個世界唔會再有饑荒。」
「Gabriel你講得好啱呀，其實係阿特蘭提斯時期嘅城市就係咁樣設計，依種果樹四處都係，通俗啲講，啲人落街行兩步就可以採摘到自己需要嘅食物，根本就唔需要金錢。金錢制度係由嗰班負面天龍人創造出嚟，影子政府故意將宜家嘅大都會城市設計到灰暗而貧乏，故意唔種一啲利益民眾嘅果樹……」說到這些，隊長似乎感觸良多，「其實地球本來係好美好，大家都生活得好開心，唔應該好似而家咁，咁多黑暗、疾病同暴力，影子政府倒台之後，呢個星球就唔會再有饑荒同戰爭！大家都可以得到佢所需要嘅！」
烈陽照耀下，隊長的面容突然變得嚴肅認真，對我們說：「宜家成個基地已經參觀完畢，係依一刻，我再問你哋一次，你哋係咪已經下定決心加入光明勢力對抗嗰班負面外星人？即使前方係刀山血海。」
「嗯，我哋已經下定決心！」我與迦南在烈陽下起誓。
「好，咁我哋團隊宜家主要有兩項重要任務要做。第一，我哋要完全摧毀剛果地下基地嘅傳送星門，以防止佢哋繼續增加兵力，同埋減低非洲當地嘅負面能量。第二，拆除帷幕，帷幕一旦被摧毀，黏附喺上面嘅非實體電漿炸彈就會同時被摧毀，而我哋故鄉嘅飛船亦都可以順利降落地球，掃除地表上一切嘅黑暗同負面部隊。
「而要攻入剛果基地係需要極大量兵力，就算我哋全世界ＲＭ聯合台灣嘅『藍龍』組織、歐洲嘅聖殿騎士團同地心世界嘅戰士一齊進攻，勝算都係非常低，所以我哋要招募更加多新兵……而拆除帷幕呢個過程，可以令到宇宙神聖源頭嘅聖光更容易落到嚟地表，從而令更多人覺醒，願意相信世界真相，加入ＲＭ作戰。
「其實你哋兩位會喺今年覺醒，都同我哋之前嘅作戰行動有好大關係，經過多年努力，中國南部星光層一帶高山上面嘅量子電腦都已經畀我哋完全摧毀。
「為左光復地球，嚟緊你哋會好忙呀……用我哋嘅ＳＲＣ機啟動你哋嘅內在潛能、練武術、學習槍械知識、了解個班小蜥蜴嘅弱點、學習喺星光層嘅戰鬥技巧……」
「仲有係訓練忍耐力！忍耐早午晚三餐都要食早餐Ａ。」是面帶輕佻笑容的文輝打斷隊長的說話。
「文輝你嚟到就啱喇，而家時間尚早，你帶佢哋做完ＳＲＣ先食午飯啦。」
「好！無問題，你哋跟我嚟丫！」文輝爽朗地說，我與少女跟著他走。
突然，隊長在我們後方說：「等陣。」
我們回頭望去。
「我突然間有一種直覺……嗯……你哋要先鍛鍊好自己嘅身體先。」
「點解呢？」迦南好奇。
隊長嚴肅地說：「因為ＳＲＣ嘅效果可以係好震撼，我怕你哋嘅身體會承受唔到。」
（28號繼續～）
－Grounding有益身心，要知道地球母親是有強大的療癒能力。
如中意我的ＦＢ專頁，可以按"搶先看"及"開啟通知"，多謝大家支持
https://www.facebook.com/water.lam.novels/
專頁內的文章，都是我送給世界的一份禮物，希望能夠讓更多人看見～