《星際》關於外星人、星際飛船、影子政府嘅一切真相: 16
（１６）
光室中央現正播放一段4D影片，那看來是一位男性光戰士在ＲＭ基地裡戰鬥的第一身視角畫面，非常有臨場感，我們能夠聽到他沉重的呼吸聲：這個ＲＭ基地的格局跟我們現正身處的香港基地頗為相似，影片中的基地較寬大，但環境卻相當昏暗，電腦與文件等雜物散滿一地……
升降機的位置被炸開了一個大洞，一大堆像泥漿般的不知名灰暗物質從哪個位置傾瀉進來，只見那光戰士與幾位同樣手持L4A7布倫輕機槍的同伴，在一大片濡濕的泥漿上行走，他們步步為營，好像那些泥漿是有毒似的。
突然，十多個雙眼反映著綠光的高大戰士從升降機位置衝了進來，二話不說就是一輪亂槍掃射，光戰士們才剛衝到掩護位置——忽然身後玻璃碎裂聲，一架散發著負面能量的黑色尖角飛船擊碎了一大片落地玻璃，光能武器散射出刺眼紅光——
爆炸聲與慘叫聲同時響起，影片中斷——因為是４Ｄ影片，我與少女都同時感受到震動與燒焦的氣味。
看來這基地是被完全摧毀了。
隊長的表情相當沉痛，「呢個……就係台北基地最後嘅景況……係1996年大戰之前，類似咁樣嘅RM地下基地有120個，遍佈世界各地，經過四年嘅地下戰爭後，大量基地與光戰士被消滅，到2000年嘅時候全球只係淨返三個基地，分別係西歐、四川省同香港……直到而家都係，」
「其他正面派系基地嘅情況亦都相當慘烈，我哋整體光明勢力嘅戰士數目，由一億變成而家大概二千左右……」
「係99年年初，我地位於東歐嘅總基地同Ａ國兩個主要基地都被摧毀了，一部份蜥蜴人將領係影子政府『四大惡人』——老Ｘ希總統嘅暗中幫助下，加倍滲透入地球嘅政治圈……所以點解Ａ國政治圈內有咁多蜥蜴人……」隊長的聲音悲傷得有點沙啞。
另一段４Ｄ影片播出：猛烈陽光下，一位女性光戰士用工具剪開纏繞金屬門的鎖鏈，她蹬開門，發現屋內有幾名黑人的屍體……
一陣燒焦的氣味。
「係之後，Ａ國南部范霍思地區、墨西哥北部同剛果嘅民眾……好多都成為蜥蜴戰士嘅食糧，大量女性被故意虐待同姦污，以打壓當地嘅女性能量，當中好多小朋友……」隊長突然停了下來，「對唔住。」
他轉身在Ｔ裝置上按了一個按鈕，順勢抹走面上的眼淚。
剛才我太過集中於看影片……我直到此刻才發現迦南的臉色變得很差，瑟縮坐在地上，臉容蒼白。
「對唔住，嚇親你哋……」隊長一臉歉意，「我諗夠喇……我諗你哋都已經好明白，我哋而家、我哋全人類面對緊嘅係啲乜敵人。」
我扶起迦南，她的肌膚溫度有點低；我瞥眼看見隊長在抹眼淚。
我想，在那場殘酷的戰爭裏，他應該有很多共同作戰的同伴犧牲了吧。
「你哋可以喺外面休息下，食塊朱古力，會有幫助，啲朱古力有快樂鼠尾草成份，有鎮靜同淨化作用。」隊長。
⊕
我倆靜靜的坐在光室外的長椅上。
我們前方不遠處的小偏廳內有形形色色的健身器材，看來是個做運動的區域……可是那些器材看來頗為殘舊，上方有六條光管，只有一半是正常運作。
過了幾分鐘，我在心情稍為平復後，取出那塊紅色包裝的巧克力。
而迦南則繼續沒有任何動作，她只是一直呆望著前方。
我輕輕的打開包裝，「食一塊呀，心情會好啲㗎。」
迦南只是搖頭，木無表情。
良久，我把那塊巧克力板開一半，把一半放進口品嘗。
「真係唔食呀？」我其實有點擔心她。
這次，少女完全沒有任何回應。
她仍是目光呆滯，一動不動的坐著。
⊕
光室內。
這次沒有任何影片。
隊長在得到少女的點頭同意後，繼續說，「……其實情況唔係真係咁差，雖然我哋光明勢力係損失左好多人手，但我哋大軍都成功破壞咗佢哋係剛果嘅傳送星門，令到佢哋有一段長時間都唔可以再喺外太空轉移戰士入嚟地球……而我哋香港分區近年透過遊擊嘅方式，潛入星光層破壞咗佢哋好多量子電腦，帷幕Veil嘅力量係越來越弱，加上我哋持續招募新兵，我哋絕對係有反敗為勝嘅機會！」
我聽得義憤填膺，「呢個我哋Starseeds係知道，除左移除地表黑暗，我哋一千萬人潛入行星地球最主要嘅任務，就係破壞呢啲建於山上，維持帷幕系統嘅超級電腦……呢啲我哋喺飛船上面已經學習過。」
「嗯，雖然宜家一千萬名Starseeds，大概只有三萬人覺醒左，但隨著帷幕力量變弱，宇宙神聖源頭嘅光就可以更容易進入地球，呢啲聖光可以喚醒更多嘅星際種子……而且我哋好快就會有最強嘅新兵，」隊長以堅定的眼神望向我，「就係你，The One，你係我哋光明一方嘅New Hope！」
我雙頰微微發熱，輕輕的點頭，有點尷尬。
隊長似乎注意到我的尷尬，「林泳，你要相信你自己，你嘅內在係有強大嘅力量，放射電流係你嘅『星際能力』，你唔係一個普通人，你係星際種子當中嘅領導者，你係絕對有能力可以解放地球人類同結束依場銀河戰爭！」
隊長在Ｔ裝置上按了一下，我身前的虛空中出現一份電子合約。
「我希望你可以同我哋ＲＭ立約，加入我哋，共同作戰！」
「好，當然好。」
隊長微笑著，「睇完份合約之後，係尾段按紅色按鈕，然後簽個名就得。」
然而，我看著眼前那個有剔號的紅色按鈕，有點猶豫……
——其實我真係一個好普通、好平凡嘅人……我真係所謂嘅The One、救世者？
——加入咗ＲＭ之後，我就要好似影片入面嗰個台灣男人咁，同蜥蜴人戰鬥，我係咪真係夠勇氣做依種事？
我低頭望向自己的左手。
——講起上嚟，我嗰個所謂嘅電流異能，只係成功發動過一次，我頭先試咗幾次，一啲電流反應都冇……
「我哋冇可能會贏。」突然，少女以冰冷低沉的語調說。
隊長與我以疑惑的眼神望向迦南。
「我話，我哋係冇可能贏……我哋憑乜嘢贏？」迦南抬起頭望向我們，雙眼淚盈於睫，「憑依個基地？憑依啲破舊嘅設施同裝備！？憑全世界得返三個嘅正面基地？一億變二千人！！？醒下啦好嗎！」憤恨的聲線越來越大，「我哋喺帷幕嘅隔絕下係孤立無援！我哋出唔到去，援軍亦都冇可能入到黎！隊長！可唔可以唔好再自己呃自己！『星際種子』計劃已經係完全失敗！我哋……你哋已經輸咗！！」
我的心、我的靈魂震動著。
「我要走，我唔想再留喺度。」迦南雙手環胸。
少女純淨的臉上是複雜的情緒。
憤恨……帶著恐懼與不安……
我看著電子合約末段，那藍色的按鈕……
（我哋１６號繼續，亦有可能１５號出，多謝支持！）
－我們的思想都是有力量的，擔心，就是在祈禱壞事發生，令對方承受了不好的能量，請嘗試以祝福代替擔心。
有朋友中意睇科幻故事？歡迎ｓｈａｒｅ ^^