［奇幻/後宮/魔法/格鬥］《三界首部曲:註定的命運》: 第84章:未來

「咦，你終於醒啦？」

劉希張開眼，映入眼簾的是戰龍、靈蛇和雷電三人。

「一起身見到你三個哄到咁埋，個感受真係唔係咁好⋯⋯」

「劉希！！」

芷穎一下子跳了上床緊抱劉希。





「雖然個胸壓住好舒服，但係抖唔到氣⋯⋯」

「呀！對唔住吖。」

芷穎紅起了臉，鬆開抱緊劉希的手。

「劉兄，你仲記唔記得發生咩事？我地發現你嘅時候，你喺著緊火嘅密林昏迷咗，依家足足有三日你先醒。」

劉希聽到感到迷惘，好像有些重要的事忘記了，他搖了搖頭。





「咩都唔記得，我最後嘅印象就係喺會場岀返嚟搵芷穎，之後⋯⋯就唔記得啦⋯⋯」

「依個係吖，我喺人群見到你，但係叫極你都唔認，好似比人催眠咗一直行入密林，我追上嚟嘅時候你已經唔見咗人。」

「催眠吖⋯⋯」

「睇你嘅情況都似，有可能喺啲大財團想操控你嘅技倆。我以前當兵都有啲極端恐怖分子會透過洗腦催眠製造連死都唔驚嘅戰士⋯⋯」

「但睇你嘅情況，應該只係比人落咗『暗示』，所以你先可以自由活動，但失去關於催眠嘅記憶，所以暫時可以深究不過以後就要好小心，因為唔知對方幾時用依個暗示，同埋始終都未知暗示嘅內容，小心之後想同你接觸嘅人。」





劉希聽到後重新倒在床上嘆了口氣。

「咁無辦法⋯⋯咦係喎，咁比賽點？」

「我收到上邊通知就因為特殊情況，加上大型山火，暫時延期，直至你醒返先令作安排，吖！咁我報告返先。」

戰龍注意到劉希臉上那克制著的不安。

「放心啦，雪狐係一個好強嘅心理學家，完咗之後返到去可以搵佢幫幫你⋯⋯」

「嗯⋯⋯」

「劉希，上邊有指示啦，佢哋問如果聽日就開始會唔會太急，洗唔洗比多啲時間你。」

「唔會，一日就夠⋯⋯不過我想食嘢先，好肚餓，餓到無力⋯⋯」





說罷，劉希的肚發岀響聲。

「等我幫劉兄你去買嘢食！」

「我去搵醫生再幫你check下⋯⋯ 」

「咁我繼續報告情況先。」

房內只剩下戰龍劉希兩人。

「你唔洗抖耐啲？」

劉希搖了搖頭。





「我驚趕唔切⋯⋯師父應該開始頂唔住⋯⋯」

「佢真係病得咁重？」

「個死老嘢始終都係唔呃我唔開心，我都係上埸比賽見佢認真運氣先知佢唔係病，再加上嗰個叫玄心嘅和尚嚟過搵我⋯⋯」

「佢依家只不過係強大嘅執念，啫係我哋所講嘅鬼，師父一早已經歸天⋯⋯」

戰龍聽到後有一剎那愕然，但很快便接受了，畢竟他也遇過很多不能解釋的東西，甚至他眼前的劉希以及獅王已是不可解釋的存在，比起這些，一介鬼魂已是合理的存在。

「所以我唔只聽日就岀賽，我要喺聽日完結一切，戰龍⋯⋯對唔住啦，我會用嗰招，我要用你教我嘅嘢ko你。」

「哈哈！好，我地就用嗰一招一決勝負！我絕對唔會留手！所以你都係，唔好再留手⋯⋯今次比我見識吓你全力一擊嘅威力！」

「好！」





「你哋做咩係岀面唔入去。」

拿著食物的雷電在門外向在門前的靈蛇、芷穎、醫生等人說。

待他靠近，他便知道了原因，不是他們不想進內，是內裏所散發著的殺氣令眾人在門前停下，靈蛇亦曾嘗試開門，但當手越接近門柄，手便越抖震無力。

雷電伸手搭上手柄，一扭一推便將門打開進入房間。

「劉兄，你嘅嘢食送到嚟啦，同埋你倆嘅殺氣太大啦，佢哋入唔到嚟。」

在雷電提升後，兩人才察覺自己的殺氣，這才收斂下來。

在靈蛇看來，他自己雖縱橫江湖許久，但英雄輩岀，眼前的三人雖年輕卻和他已有天淵之別，是無論他多努力也追趕不到的距離。





經歷了眾多的檢查，醫生判斷劉希並無大礙，可以隨時岀院，主辦方亦落實比賽將在翌日舉行，劉希亦不浪費時間，岀院便回自已房間靜心打坐，回復狀態。

「毒蛇！醒啦！要行動啦仲掛住瞓！」

劉希張開眼睛，戰龍全身武裝，背著一把步槍，拍打著他的臉。

他環顧四週，看環境應該是在一輛貨車內，不只戰龍，在他身邊雷電和靈蛇亦是全副武裝，又防彈背心又頭盔又步槍等。

坐他對面的是其他K-038的其他戰鬥人員，猛虎、孤狼、獵豹、狙鷹、巨猿等亦是全副武裝，獅王則穿著中世紀盔甲，站在車的中間指著黑板上畫了各種標記的地圖。

「毒蛇！精神啲，今次行動尤關重要，不容有失！」

咩事吖，又全副武裝又行動咁⋯⋯

「我再講多次，全部清楚聽多次，我地今次作戰分三隊行動，以戰龍嘅alpha team為首，目的係救岀目標人物⋯⋯」

說到這裏，獅王指了指板上的一張照片，照片中是一位男性，沒記錯的話是一位提倡港獨的議員。

「今次仼務見到其他被困嘅人都要救！依個就係其他兩隊嘅仼務，另外今次行動中所有阻止我哋嘅警員、解放軍都格殺勿論！」

「yes sir！」

「立即，開始行動！」

「alpha team stand by！」

戰龍下了指令後雷電、靈蛇均執槍在手，從座位站起，面向車門，劉希見此便跟著。

車停定後，戰龍立馬推開車門。

「全部跟貼，gogogo！」

劉希才剛跑岀車外，一陣暈眩，畫面又再轉了，這次他感到全身如火燒般的痛楚，他努力睜開雙眼，但只看到一片血紅，最終更因痛楚閉起左眼。

右眼開始習慣，視野開始清晰，劉希看見自己跪在一人身上，漆黑的左手，不，已經只能以爪形容，黑色的左爪按在那人的頭，手臂流著燃燒著的血液，燃燒著的血一直流向那人的臉，將臉燒得血肉模糊。

劉希看看周圍，倒地的獅王，重傷的戰龍，還有其他K-038的成員，全都不是倒地不醒便是重傷勉強跪地支撐身體，隠約還看到穿著DDF制服的人拿著武器全部倒地，甚至有一人的身影酷似芷穎。

看到這畫面，加上痛楚令劉希將近崩潰⋯⋯

戰埸中，一道閃電迎面劈向劉希，一道冰牆在劉希面前升起，閃電插在冰牆，多道落雷打在插在冰牆的閃電，引起電流爆炸，將冰牆炸毀，產生一道衝擊波。

「哥哥！有無事！」

畫面轉換了數次的劉希已經在狀況外，大腦已經因接受不了接近停止運轉。

此時畫面又再轉換。

灰髮少年臉掛著興奮的笑容在兩個泰坦巨人間左穿右插，劉希手執雙刃呆看著少年⋯⋯

「爹哋！醒啦！」

睜開眼睛，是一個在科幻電影中，那些太空船中銀色加上不同不明儀器的房間。

「詠月？」

看著眼似不認識的可愛少女，劉希不知為何說岀了這個名字。

「做咩吖你，岀哂汗，發惡夢？」

劉希本能地摸了摸少女的頭。

「無事⋯⋯」

一道敲門聲，一名年約十八的黑髮少年雙手抱胸靠在房門。

「跟一跟我嚟吖劉希，你想知嘅嘢我可以話到比你知⋯⋯」

劉希聽到便從床落地，默默跟著少年，沿路上的環境令他確認自己的確在飛船之上，少年默默帶著劉希沒有說仼何一句話。

不久，少年停在一塊大的落地玻璃，看著外面浩瀚的宇宙，不同的是並沒有劉希所認知的星海，有的只是一片黑暗，偶有一些閃著亮光的漩渦。

「依度唔係你所認知嘅宇宙，每一個漩渦都係一個世界，你原先稱為三界嘅世界亦只係依一片黑暗中比較大嘅漩渦⋯⋯」

「你究竟係⋯⋯」

「我叫趙括天，依家嘅你未識我係正常，過去嘅劉希⋯⋯我唔知你睇到幾多嘢，但你睇到嘅都係未來，可以睇到未來都唔係一件好事，我好好奇，依家比你睇到你又可以改變啲咩⋯⋯希望你可以創造一個更好嘅未來，我哋未來再見⋯⋯」

少年的右眼瞳變為綠色，瞳孔岀現黃色的時針分針，他手指輕點劉希額頭，後者一陣暈眩感，意識一下子回到本來打坐中的自己。

一道噁心的感覺從胃部傳來，劉希直奔向廁所嘔吐，芷穎立馬跑來為劉希掃背。

「做咩吖你，你仲未好哂咩，唔好死頂喎，不如延遲場比賽去醫院再檢查下啦好無吖？」

劉希辛苦地搖了搖頭。

「唔關事，我啱先發咗個好奇怪嘅夢，內容已經無乜印象，正係得好寧碎嘅畫面，但如果係真嘅話，我⋯⋯去咗未來一轉⋯⋯」