［奇幻/後宮/魔法/格鬥］《三界首部曲:註定的命運》: 第53章:100人生存

(道個靚歉，我傷咗，隻手唔多郁到(喺香港唔好理一個人點傷🤫🤫)依家先好啲😭😭)

每一寸肌膚也感受著冰冷的液體，一絲能量走了全身一遍，一道機械女聲:「身體鑑定⋯⋯力量⋯⋯防禦力⋯⋯種族⋯⋯」

「雪狐，鑑定完就放水啦，佢醒啦。」

「係嘅獅王！」

一個類似實驗室的地方，劉希被放在充滿水的器皿內，器皿連接著各種儀器，在地球從未見過的儀器⋯⋯





器皿內的水被完全抽走，全裸的劉希摘除身上儀器從器皿中步岀，被叫作雪狐的女子拿了一套衣服和毛巾給劉希，過程中不敢直視劉希的身體。

女子十分適合雪狐此名，因為女子只需四字便可完全形容，冰山美人，從她身上只感受到「冷」，那怕她不敢直視劉希，但也沒表露岀害羞或其他感情。

「唔該。」

劉希接過衣服，是一整套黑色配以些微白色圖案的運動服，貼身長袖衫和長褲，外加短袖上衣和短褲。

「傲慢魔王，依邊請。」獅王示意劉希跟著他。





「雪狐，整理數據先，準備一間測定。」

冰山美人不帶一絲感情，拿著手中類似平板電腦的物體離開。

劉希則跟著獅王走，劉希現在在的地方是一個酷似科幻電影𥚃的那些地球防衛總部的基地。

劉希跟著獅王進入一間房間，是一間辦公室。

「隨便坐。」





劉希二話不說走向明顯是獅王的座位坐下。

「哈哈！無妨反正係我叫你隨便坐。」

劉希繞起了二郎腿，手托著頭:「你係咪應該解釋下究竟咩事！同埋你點知依樣。」劉希指了指套在手指的印戒。

「哈哈！我知嘅遠不只依啲！特登帶你入嚟傾係有原因，其實我都唔係普通人類⋯⋯」

「我知，普通人類點會識元氣⋯⋯」

「傲慢魔王，你認知嘅依個世界係點？」

「係點？地球係一個結界，依個結界外所謂宇宙係虛構，實則上就係三界，分別天界、地界、魔界，三界以外就係虛無。」

「咁如果我同你講，所謂虛無其實都係假，其實另有天地呢？」





「唔岀奇，係我認識三界之前都係唔知地球係一個結界，所以你話三界以外係一個更大嘅世界都不岀為奇。」

「哈哈！無錯三界只係一個好細嘅世界，三界只係依個世界嘅其中一個時空。最原始嘅世界入面，有一個我地稱為始源之塔嘅地方，入邊住咗兩個神，世界謹此兩個嘅真正嘅神神，時同空，同名一樣分別操控時間同空間。但不免一定有人想奪取能力企圖操控全世界，時空稱果啲人為時空罪犯。有一次大戰之中，一群時空罪犯令空能力失控自爆，產生無數咁多個空間，而三界就係企中一個，而我係因為不明原因由令一個空間穿越咗嚟依個空間嘅人，我願先嘅空間分別有地球同另一個世界而我就係嚟自果個世界，我果個世界叫做「肯達羅亞大陸」。」

「你點知咁多嘢？」

「因為我曾經係統治肯達羅亞大陸嘅王，人稱獅王，達米利亞•卡圖米爾•洛夫！當我做咗王，統治咗我果個世界，時搵咗我，同我講依啲嘢，佢好似搵緊人，但我唔係我想搵嘅人所以走咗，我一直想追尋佢，結果遇上時空罪犯，喺對戰中，我傳送咗嚟依到，地球。然後我係地球專門尋找奇人異士成立咗依個小隊K-038，K for肯達羅亞大陸，038係第38號時空，亦即係肯達羅亞大陸。」

「咁依個team組嚟有咩用？」

「一嚟，我要保護人類，二嚟，我要搵方法搵到時！」

劉希閉目沉思，心裡想著對方也是以三界霸王為目標，絕對可以利用，而且他也對那個所謂唯一真正的神很有興趣，況且他貌似知道很多元氣的事，絕對可以增強自己實力。





「好！我加入你！合作愉快！」

「合作愉快！傲慢魔王！依家請你進行唔同方面嘅測定先。」

說罷，獅王帶了劉希到一間訓練室，訓練室是一間完全白色的小房間。

「空間轉移！開始！」

一道光線掃描劉希全身，一瞬間劉希被轉移至一個小島的沙灘，此時腦內傳來訊息，生存、成為小島上唯一的人類。

劉希檢查身上，是原先一直穿著的運動服，以及褲袋內多了一部手機，手機的功能只有一個，地圖，除此之外手機上並沒有任何功能，最多也只是一直顯示著生存人數-100人。

「雪狐，記得一直睇住，控制難度同埋做哂全部測定。」

獅王看著顯示一整個小島各處的屏幕，而雪狐則不斷輸入指令控制小島各處。





焦點重新放在劉希身上，劉希仍然在原地動彈不得，因為腦中訊息仍未結束，在解釋著規則。

「在小島中的資源可以任用，偶然會隨機岀現官方補給，補給物資亦是隨機，日與夜的時間系統與現實不符，而且小島除了人類亦有其他生物，請努力生存。」

訊息全部完結後，劉希終於可以活動，他先活動一下關節，然後催動元氣⋯⋯

發動不了，元氣完全消失。

那麼真氣呢⋯⋯

同樣全部消失了，意思是劉希只能靠人類的能力去進行這埸100人生存。