［奇幻/後宮/魔法/格鬥］《三界首部曲:註定的命運》: 第35章:深淵龍
路卡西嘗試反抗站起。
「點解係都要迫我呢？」劉希撻了一下手指，印戒發岀一道衝擊波。
周圍的人像重力加重般，膝頭緊貼地上，而一些比較廢的士兵甚至整個人伏在地上求饒。
「點解要迫我呢，我為咗比人平易近人嘅感覺突登唔解放印戒嘅能力，點解要迫我呢！」
理所當然，印戒貴為七魔王的象徵又豈會單單是一枚普通的戒指呢。印戒除了有認主的能力外，它更會給予配帶者不同能力，首先是「刻印」，顧名思義就是將人收歸麾下的能力。而對被刻印的人則可以使用另一能力「絕對服從」，即強制被刻印者服從配帶印戒者的命令，劉希亦是用這能力令路卡西等人下跪。
但劉希可時有用過刻印呢，的確沒有，但路西法有。因為同樣是使用傲慢印戒，路卡西等人早而被刻下傲慢絡印，所以劉希得到傲慢印戒後自然可以對他們使用絕對服從。
只不過他們是否有被刻印這就是劉希的猜測，一來房內全部士兵都沒穿黑衣，而且黑衣神秘人在樹屋下就止步，所以可以推斷黑衣神秘人是深淵信徒，而在樹屋內的士兵則是傲慢的秘密軍隊。
加上印戒可以為被刻印者和配帶者提供大量對自身有利的buff，因此這軍隊必定已被刻印。而明知道有絕對服從的能力下，為何路卡西仍然反抗劉希，這是因為路卡西在作鑒定的時候已經知道劉希還沒完全發揮到印戒的威能，只是他怎也想不到是劉希自己不用而不是不夠班。
「乖乖地搵人帶我去搵深淵龍，其他人就繼續去搵別西卜嘅基地，殺唔到都要削弱佢地實力，打亂佢地計劃！」
「遵命！吾等乃吾王之劍！誓為吾王除妖邪！」
「艾希你帶陛下去封印深淵龍嘅地方，其他人連同深淵信徒搵別西卜岀嚟！」
「係！」眾士兵氣勢洶洶地湧岀樹屋。
「傲慢！唔好話我無提你，你唔聽係你嘅事，唔好後悔！人嚟！備馬！」路卡西在步岀樹屋，途經劉希身邊時道。
「咁你放心都得啦，本王成世人唯一後悔嘅就係知道有後悔依個字。我地都起程啦，麻煩帶路！」劉希禮貌地示意艾希先行。
「你真係諗住搞掂深淵龍？」沿路途上一直不發一言的艾希突然道。
「都行緊過去咯，唔通你仲會覺得係假嘅？」
「你諗清楚？如果只係匹夫之勇都仲可以返轉頭，對方係末世五龍嘅其中之一！連路西法同初代撒旦聯手都只係可以將佢封印，但係你連別西卜都搞唔掂！更可況深淵龍！」
「冷靜，乜原來你都可以講咁多嘢咖咩。你知唔知我叫咩名？」
「咪⋯⋯劉希囉。」
「嗯，吾名劉希，對所有嘢留有希望，依個名就係有咁嘅意思。我係新傲慢，路西法嘅時代已經過去，佢嘅地位已經比我取代，我要同全世界講，傲慢係最強魔王，係三界最強！」
艾希削臉變紅，雖然周圍漆黑一遍但在艾希的眼中劉希卻異想耀眼。
「到啦！」櫻盯向艾希提醒她。
眾人眼前為一個萬丈深淵，在深淵的頂上漂浮著多個魔法陣，即使隔了一個結界，但仍然感受到深淵底下散發岀的壓迫感，劉希也不敢呑了一下口水。
「深淵龍就係下面？」
艾希已經被壓迫感嚇怕，一邊顫抖一邊點頭，但其實劉希已分不清她是否有點頭，因為她根本一直在抖震。
「艾希你係到等我，櫻！我地上啦！」「嗯！加油！」
「你想做咩？喂！」
艾希尚未問完，劉希和櫻已經跳了下這深淵。
「點解我會有個咁衝動嘅王咖！唧！死就死啦！」艾希冒死跳了下深淵。
「啊啊啊啊啊啊啊！」
聽到越來越近尖叫聲，劉希亦猜岀甚麼狀況了，揚手一揮，暗元素包圍著艾希令她緩緩降下。
「唔⋯⋯該⋯⋯」艾希紅著臉整理亂了的衣束。
「殊！」你唔好嘈唔好郁「櫻！化刀！」
見到劉希突然變了另一個人，認真了起來，艾希也唯有聽從劉希一動也不敢動，只見劉希突然緊閉雙眼，元氣緩緩從身上流岀。
艾希見此也閉上了眼睛，利用身為弓箭手的能力，細心觀察周圍。此刻她不得不佩服劉希，因為的確在這漆黑的環境下，仔細一聽就發現一直有細微的動靜。
艾希再感受一下，發現劉希散發的元氣一直環繞著她，給她一種安心的感覺，失去了在深淵上已感受到的壓迫感。
一道破風聲，再來是拔刀聲。「鏘！」一道勁風吹過艾希，嚇得艾希立即張開眼睛，只見劉希就在身前，在劉希前方有一雙深藍色的眼睛，純白的尖齒，刀鋒似的銀色利爪。
「吼！」在漆黑之中，只大約見其輪廓，是一條頭正在站立展翅的漆黑巨龍，深淵龍米杜爾卡！
「哦！竟然可以咁突然接我一擊又咩事都無，你係邊個？」一道女聲在艾希和劉希兩人的腦中響起。
「我係接替路西法嘅新傲慢，劉希，依個只係我嘅手下。」劉希恭敬地向米杜爾卡道。
「傲慢？哈哈！估唔到路西法依個老不死都有被取代嘅一日，仲要由一個細路取代，真係大快人心！咁細路你嚟搵我咩事？」
「你係嚟幫你解除封印。」
「哈哈哈哈！竟然可以幫我解脫，你地唔係好驚我毀滅三界又叫我咩末世五龍，一定要封印住咖咩，無啦啦做咩解除我嘅封印，細路交換條件係咩？」
「果然生存得夠耐，我嘅條件只有一個，為我效力！」
「哈哈哈哈！就憑你！憑咩要我為你效力？」
「就憑我係傲慢，就憑我將會係稱霸三界嘅人！」
「果然係傲慢魔王，好大口氣！但係你應該知道咁樣好難令我屈服咖喎，我地龍族全部熱愛自由，你竟然想拘束住我？」
「聽聞龍鱗無堅不摧，刀槍不入，但係如果我可以傷到你唔知會唔會令你屈服呢？」
「喔？就憑你可以傷到我？好！我應承你如果你傷到我我就為你效力，但相反我殺咗你你要叫你個手下放咗我！」
「一言為定！嚟啦深淵龍！」
劉希元氣爆發，雙瞳變色，一啡一紅。
「咦？半神半魔？有趣！就比我見識下你嘅實力啦！傲慢！」
米杜爾卡以極快的速度抓向劉希，劉希以刀防禦，雖已擋掉攻擊，但仍然被擊退一些距離。
「暗箭！」
在漆黑中無數看不見的箭襲向米杜爾卡，但米杜爾卡一動不動將全部元素箭用身軀接下。
「細路你唔係唔知龍族有魔法免疫呀？元素魔法係咁用咖！」
「暗流湧動！」
米杜爾卡仰天咆哮，暗元素以牠為中心形成一個漩渦，一波又一波暗元素襲向劉希和艾希，而且威力一波比一波強。
「機會嚟啦飛雲！」
「集氣斬！」
形成漩渦的暗元素全部集中在櫻上，劉希再用力一斬，強力的劍氣襲向米杜爾卡，但米杜爾卡照樣接下且無傷。
「嗯，依下有啲感覺不過依然無效！」
「翱翔天際！」
米杜爾卡展翅高飛，帶著元氣再直衝向劉希，這次到劉希一動不動硬生生接下攻擊。
「劉希！」
劉希整個被擊飛，吐血倒地。
=============================================
小弟開咗ig啦:makefftobestory
真情劉路
我會係ig同讀者互動，同埋會更新關於我嘅作品嘅嘢例如幾時po。
所以鍾意我嘅作品就快啲follow啦！當然叫埋你嘅friend一齊follow追故就仲好！
你地嘅支持就係我寫落去嘅動力！我會繼續加油報答大家支持咖！