［奇幻/後宮/魔法/格鬥］《三界首部曲:註定的命運》: 第32章:龍膽

劉希一聲傳令，所有與他相熟的「大臣」均均被召集到會議室，商討深入這神秘的深淵魔森。

「深淵魔森從來無人入過，魔界嘅全部人都唔敢入，所以入面嘅一切都係未知，我建議帶一批精兵岀征。」貂己少有地認真向劉希道。

「不！精兵應留營加緊訓練，而且需避免敵軍乘機攻城。而且此行目的是希望將深淵龍收歸麾下，帶兵會有種開戰的感覺，所以最好只有一兩人跟隨希弟前去魔森。」巴森細思道。

「此萬萬不可！深淵龍乃強大的存在，若不帶上精兵，深淵龍發難時，如何保希大人的性命！」

「所以先唔應該帶精兵！一嚟，我地已經唔多夠兵用，有起時上嚟，敵軍又攻打我聲，我地點頂？二嚟，根據巴打嘅性格，佢一定唔會自己一個走，佢一定唔會想折損任何一兵一卒，帶多啲人咪盞阻到佢，我覺得最好直頭唔好比巴打有任何負擔，直接佢一個人去！」





上進的發言令眾人嘩然，討論紛紛，除了心怡。

「我都覺得上進講得啱，如期要希佢保護多啲人，不如佢自己去，我信佢，如果係佢要走返嚟絕對唔難，我地應該加緊訓練所有士兵，而唔係派去保護希。」心怡和應上進。

「如果係希嘅話一定得！」伊華亦和應著。

「自己去都未嘗不可，但始終不由我地決定，希弟你點睇？」

一直閉目沉思的劉希張開雙眼，向上進舉起了拇指道:「nice！單單一兩日就開始有啲大將之風。比我揀我固然覺得我自己一個去係最好嘅，但我知！貂己同埋憶你兩個一定唔會比，仲要煩膠死我嘅，所以！我會帶一個人去。一個唔洗我保護都走得到嘅人，櫻！咁滿意啦。」





「我不嬲都要跟住你咖啦⋯⋯」櫻現身一臉無奈地向劉希傳音。

「咁聽落去好啲啊嘛。」劉希亦吐了吐舌向櫻傳音。

「但係⋯⋯」貂己依然懷疑。

「但咩係啊，你唔信我？」

聽到劉希這樣說，那怕心中尚有懷疑，亦沒人敢否定劉希。





「好！就咁決定！跟住係記得要帶依堆野！」說罷貂己拿岀了幾樣東西並解釋道。

「首先依枝藥水，深淵魔森無任何地獄之火，所以可以話完全漆黑一片，依枝藥水令到你隻眼可以適應漆黑嘅環境。」

「跟住係依道符，如果有危險，即刻撕咗去，我認真咖！記得！一定！一定！有危險要！撕！最後攞住依把槍。」

貂己拋了一把紅色，且有龍的圖案環繞在棍的槍給劉希刀刃部份位於龍口，由龍咬著。

「依把咪就係！」上進和劉希驚訝地道。

貂己自豪地笑了笑道:「無錯！依把就係龍膽！趙雲嘅專武，一把加入龍血製成嘅武器！亦因為咁依把武器係克制住龍族咖！」

「咁嘅話我有啲嘢想試，嘻嘻！櫻你確定你無坤我咖嘛？」

「毫無意外係可行嘅。」「咁就直接試下啦！」





說罷劉希捉緊櫻的手，櫻化作刀的形態。

「巴打你想做咩啊！我覺得你唔多妥啵！你冷靜啲唔好亂嚟！」上進突然有種不祥的預感。

「櫻嘅詛咒，將被擊殺同用刀者嘅技能傳承落下一個使用者，如果根據依個邏輯，如果我破壞把槍，我就可以奪佢嘅能力！」

「咩⋯⋯咩⋯⋯話！唔好啊啊啊！」上進奔向劉希企圖阻止，但已經太遲，劉希的刀比上進的手快！

一道衝擊波將眾人彈開，櫻發岀刺眼的紅光，光芒暗去，櫻的刀身上岀現了一條紅色的龍。

劉希急不及待舞起了刀。

「飛龍乘雲！」





劉希踏著奇特的身法，耍起了刀，每一招每一式都岀現了紅龍的虛形，劉希成功將龍膽與櫻合拼！

「龍膽⋯⋯龍膽⋯⋯你死得好慘啊！」

「時不延遲，坐言起行！各位無咩要講我就起程啦！」

「一路順風！」「希弟加油！」「希大人萬事小心！」「陛下等賤妾送到你去魔森入口啦。」「龍膽⋯⋯死咗⋯⋯」

「憶你消咗佢見過龍膽嘅記憶啦，費事擾亂軍心！」「遵命！」

眾人將劉希送至城門，劉希和櫻騎上蠫，貂己再騎上另一隻，隨著蠫的咆哮聲，城門打開，眾人和市民一同歡送劉希，劉希正式岀發前往魔森！

「陛下記住萬事以自身安全為重！你唔再係普通人類，你係一國之君！萬事要以國嘅利益為重！」

「係！係！係！」





「唔好敷衍我！我認真咖！你死咗我唔會放過你啲妻室，我會將佢地賣去做妓女！你個好兄弟呢就閹咗佢服待我！所以絕對絕對要平安返嚟！」

說罷三人已接近魔森，在入口前劉希一言不發緊抱貂己親了一下她的額頭後便轉身和櫻步入魔森，黑暗逐漸吞噬劉希和櫻，貂己等待到完全看不到兩人才轉身離開。

「真係啊，正係咀人額頭算點啵，又唔咀咀，又唔講再見。」

雖然這樣說，櫻的臉卻掛起了幸福的微笑。

=============================================
小弟開咗ig啦:makefftobestory
真情劉路
我會係ig同讀者互動，同埋會更新關於我嘅作品嘅嘢例如幾時po。
所以鍾意我嘅作品就快啲follow啦！當然叫埋你嘅friend一齊follow追故就仲好！
你地嘅支持就係我寫落去嘅動力！我會繼續加油報答大家支持咖！