［奇幻/後宮/魔法/格鬥］《三界首部曲:註定的命運》: 第20章:血統解放

一陣暖意傳至劉希，是被清晨的陽光照射的溫暖感。劉希緩緩地張開眼睛，四周是一片雲海。

「依到係？天堂？唔通我已經死咗？」劉希自言自語道。

「放心你未死得，你只不過處於瀕死狀態引致靈魂出竅姐。」劉希後方傳來一把奇異的聲音，是那些經過處理的聲音。

轉身一看，一名擁有黝黑膚色，身材健碩，面戴著面具的男子正走近劉希。不知為何劉希的本能反應是抗拒這男子，男子每走近劉希一步，劉希的壓迫感、不安感便越大，劉希架起起手式，對男子吼道:「你係邊個？咪再行埋嚟，依到究竟係邊到！」

男子邊走近劉希邊道:「依到係天界，至於我係邊個，你應該都估到啦。」





的而且確劉希感到壓迫感和不安感，但這全因他乃魔王，所以在天界才有這種感覺，實則上劉希感覺到自己的元氣和此人的元氣正在共鳴，帶給人一種血脈相連的感覺。

「你係老豆？」劉希握緊拳頭咬緊牙關問道。

「無錯，果然係我嘅細路，概然你感覺到我嘅元氣同你嘅元氣嘅共鳴，咁證明你都成長得唔錯，不過根據你嘅元氣，你身為神嘅血統仲未被開通，你正係開咗魔嘅血統。」男子在滿意的同時帶有一點失望「估唔到你會揀咗成魔嘅路，不過我唔會阻你你有你選擇嘅權利，不過可唔可以同我講你點解要選成魔，明明我安排好你係有宗教信仰嘅孤兒院，你唔係應該信奉神而唔係魔咩？」

劉希的拳頭握得更緊，雙眼一亮，亮紅色的元氣集中於拳頭，衝向他的父親，向他全力打中一拳「你仲好意思問我點解！」男子隨意伸手，一道無形的力令劉希不能動彈。

「唔錯，以你依個年齡嚟講，依個元氣爆發力，相當好，不過以你魔王嘅身份就差太遠啦！」男子再隨意一揮，劉希的元氣化作虛無，且被擊飛一段距離。





「你憎我我都大致知點解，應該都係因為你媽嘅死，依個我都唔想我都好傷心，不過因為我同你媽嘅關係絕對唔比得人知，所以迫於無奈⋯⋯我唯有忍痛⋯⋯」

「迫於無奈⋯⋯一句迫於無奈你就要啊媽死！無話你係咪神，你究竟係咪男人嚟咖！一啲責任感都無！你當啊媽係咩！仲有我！你係神點解要我細個經歷啲咁嘅嘢！咩神愛世人，全部都係假！要生存就唯有用自己嘅方法，概然神幫我唔到咁我就唯有自保，成為魔獲得力量，守護我要守護嘅嘢！」

「對於你細個，領養你嘅人咁對你，我好對唔住，但地球嘅嘢我地唔可以干擾⋯⋯」「原來你咩都知，但你咩都唔做⋯⋯對唔住？有用咩！就算你點對唔住啊媽都唔會翻生，我被虐待，我殺人嘅事實都唔會改變！」

「暗影之槍！」

黑色長槍直飛向男子。男子撻了一下手指，產生了一下小型爆炸，黑色長槍被炸得消失，雲海因強大的衝擊所以亂作一團，劉希消失於雲海中，然後再突然岀現於男子面前。





劉希向男子打岀一拳，男子輕鬆側閃，豈料劉希待招式未老，右腳順勢踢岀一個掃踢，此腳正中男子左肋，忍著痛楚男子一掌推開劉希。

「格鬥技能唔錯，如果無元氣存在你應該係一個一等一嘅高手，不過一直咁樣好咩？你無諗過點解我要見你，同埋你唔記得咗我一開頭就有講，你依家處於瀕死狀態。」

劉希聽到後才稍微冷靜下來，放棄了攻擊的念頭。「咁你究竟搵我咩剚？」

「冷靜落嚟咪好囉，你時間有限，我長話短說，接受神嘅身分，開通神嘅血統用你身為神嘅力量，咁你先可以有命繼續同貂己鬥，如果唔係你就會死，你死咗其他人有無能力同貂己鬥你自己好清楚。」

「但係唔係唔比用元氣同本能咩，我開通神嘅能力又有咩用？」劉希質問。男子解釋道:「血統解放，你知咩嚟咖啦，你神同魔嘅血統都有解放能力，但你比較特別你體內嘅血一直互相排斥，你只可以用到血統解放嘅部分能力，你魔嘅血統帶比你攻擊力，而神嘅血統可以帶比你驚人嘅回復力，貂己嘅結界無話唔比用血統解放，你自己都見到佢keep住解放自己嘅獸族血統。」

「但係我唔識用，那怕連魔嘅血統解放我都未用到，更何況係神？」劉希再度質疑。「所以我先嚟搵你，我諗住幫你輸入強行令你去到可以血統解放嘅能力，但你要記住，你始終未控制得好依個能力，你可能會比力量反噬失控，所以你嘅魔族血統咪亂咁解放，點？要定唔要？你諗清楚一係死，一係繼續救人。」

劉希沉思了一會，想到多一點力量對他也沒壞，反正他也可以選擇要否幫神，不是強行一定要成為神，他可以用神的力量，但持續當魔王，兩者並無衝突。

「好！」聽到了劉希的回應男子點了點頭道:「咁你忍住啦！會好痛好辛苦！」





男子運氣至雙手，金色的元氣逐漸集中在雙手，男子雙手一岀擊向劉希背部，元氣不斷輸進劉希體內。劉希感到體內的壓力正逐漸增大，就像整個人要爆體一樣。

劉希冷汗直流，再也忍不住痛楚，叫了起來，甚至暈倒了。

「希！希！希！！！」聽到有幾把聲音在叫著自己，劉希立刻重新張開眼睛。

眼前是熟悉不過的人和環境，再看一看身上，所有的傷都消失了。

「你無事就好啦！」心怡抱著劉希哽咽道。伊華見劉希一臉茫然便解釋道:「啱先你果個生命水晶無啦啦變到半透明，我地個個都以為你有事，所以決定搵你，點知一見到你，你就瞓咗係到叫極都無反應，好彩你醒返咋，我地個個都以為你⋯⋯」伊華亦忍不住眼淚和心怡抱著劉希哭了起來。

「以後唔準再揼低我地，我唔準你再咁做！」心怡邊拍打劉希的心口邊道。「係係係，以後都唔會。」劉希抱緊兩人撫摸著兩人的頭安慰他們。

「竟然可以令到你咁，貂己嘅近戰都好勁？」上進驚慌地問。劉希臉色一沉，點了點頭，然後興奮地嘴角上揚道:「所以你地唔好對付佢，你地唔係佢對手，不過我有把握下一次羸果個係我！」





「咁就交比你啦，巴打，唔好再有事！」劉希與上進碰拳道:「放心！如果想羸要keep住阻止佢殺人，如果越多鬼我就越難搞，我只係得信心同佢一對一。」

「依樣你放心都得，你唔講我都會一直救。」李對祥突然岀現道。「嗯，加油！」

李對祥眼見兩女抱緊劉希心裏又想道:竟然可一個人令兩個女為佢傾心，而又和平相處，果然係我嘅宿敵！劉希！

「好啦，攬夠啦，要開始做返正經嘢啦，我地目標改變，搵貂己岀嚟，係時候完結依埸遊戲。各位，係時候反擊！」