［奇幻/後宮/魔法/格鬥］《三界首部曲:註定的命運》: 第11章:上進！你條囡......
「喂！巴打你啱先......」
「好簡單嘅physic理論，黑洞係一樣未知嘅野，以極高速施轉，繼而產生強大嘅引力，吸食一切。」
「你點知我想......」
「讀心術，曼德斯嘅本能。」「我屌！你比我講下野得唔得啊！你點複製咖？你果半個鐘邊到尼咖？」
「我原本都覺得奇怪，點解我會複製左，之後我發現佢啲血係我隻手到，所以毫無意外，掂住對方嘅定義應該係掂住對方細胞半個鐘，所以佢啲血係我隻手半個鐘都計。」
「原來係咁...」「你諗住返去抖下？好攰咩？想抖？諗下好啦！仆你個街，你乜都無做過！你嘅貢獻係零！啱先有你同無你係一樣！返到去要特訓！哎，師父啊對唔住啊，我收左個咁嘅垃圾，如果佢仲係咁我會考慮將佢逐岀師門咖啦。」
「唔好啊！對唔住啊！特訓啦我地！」
「咦，憶呢？」「佢話咩返魔界抖下，反正都無要佢嘅地方，佢話有需要就再召喚佢啵。」「哦，咁好啦，返去特訓啦！」
如是者，在剩下的長洲之旅，劉希和上進兩人聲稱淋雨生病了，長期卧床休息，雖則兩人在異空間不斷練習，應該說是上進不斷練習，劉希只是在監督他，和偶爾對打，單方面虐打上進而已。
長洲之旅完結後一天，劉希家中的門鈴突然響起，劉希打開家中大門看見心怡拿著行李站在門外。「Hi！驚唔驚喜，見到我開唔開心啊？」
「開心，原來係咁，咁都好嘅的而且確大家都已經係超越人類嘅存在，一齊住有個照應係好啲嘅。」
「嗯？你點知我諗咩咖？」「係啊，條蛋散複製左招讀心返嚟依家日有讀心夜又讀心，好撚煩咖，啊嫂你都唔想咁咖嘛，勸下佢收手啦。」
「希！唔好再亂用讀心術好無啊？」心怡用一個令人不安的笑容道。
「好！好！好！唔用唔用！我幫你攞行李入房先。」
收拾好行李後，上進突然說:「巴打！我條囡話想上嚟......」「下！乜你咁都有女朋友咖咩！」心怡和劉希兩人驚訝道。「得，明嘅我同心怡岀岀去先，唔阻你兩個，我地返得嚟就WhatsApp我啦。」
「唔洗走！佢上嚟係想多謝你，多謝你比地方我住，我都有同佢講係......咳！咳！唔洗，但佢堅持要。」「哦，你同佢講係天經地義添，咁又係話哂都上進哥啊嘛，我緊係要比地方你住啦。」雖則劉希笑著道，但卻殺氣騰騰。
「對唔住！大佬我錯，咪住！你又讀心！你條仆街！」「我應承左心怡姐，都無應承你，我正係唔會讀佢。」「我頂你個肺！啊嫂啊！」「唔關我事，佢唔讀我就得啦。」「哈哈！」
三人有說有笑，突然門鈴響起，上進立刻去開門。門外是一名接近160的少女，少女漆黑的亮髮綁著馬尾，一雙水汪汪的眼睛，櫻桃小嘴，穿著T-shirt熱褲，且背著斜孭袋，不差的胸部、幼腰還有美腿，除了女神並無其他字可形容少女。
「你好！」少女躹躬道。劉希卻並沒回應，只是呆呆的看著少女。「喂！做咩啊！人地叫你啊！洗唔洗望到呆左啊？」心怡充滿醋意地道。
「小姐，我地係咪係邊到見過？」劉希說完少女便抬起頭打量劉希。「你係...希哥哥？你係咪希哥哥啊！小蘭好掛住你啊，希哥哥！」
小蘭說完便跑了向劉希並抱緊他「希哥哥，小蘭好掛住你，估唔到係到見到你，依啲係緣份，希哥哥都仲係咁舒服。」「小蘭？」劉希一臉疑惑地看著小蘭。
當然劉希其實是認得出小蘭，但因為某些原因他決定盡可能保持距離。「希哥哥你唔記得我......晨光孤兒院......希哥哥你應承左會記住我......我識嘅希哥哥唔會講大話......你唔係希哥哥......」小蘭眼泛淚光，眼淚開始在眼裡打滾。
劉希見此也不好意思，所以道:「孤兒院又好似有啲印象，但對唔住，我14歲前嘅記憶無哂，我正係記得我有個師父兼養父。」「養父？但當日接走你嘅係一個叫余翠琼嘅女啵，而且佢仲係獨居添，希哥哥你究竟經歷過啲咩？」
聽到余翠琼這個名字，劉希便失去，頭變得很痛，元氣開始爆發，知道發生甚麼事的心怡立即上前搭著劉希的膊頭將自己溫柔的元氣，運輸進劉希身內讓劉希冷靜。
心怡向小蘭道:「唔好迫佢啦，佢真係失憶嚟，一係你慢慢講下你地孤兒院嘅時光啊，我都想知希細個嘅嘢，畢竟佢無記會同我講。」心怡這句話城府極深，一來大方得體，二來宣示主權。
「好啦，咁就等我講下啦，話哂我係最清楚希哥哥嘅人......」兩女明爭暗鬥，不知上進是真傻或裝岀來，在此時說了句:「好啊！我都想知巴打以前係點。」就像完全沒發現兩女的爭鬥。
於是，小蘭便開始敘述和劉希兒時的時光，當然當中她乘著劉希毫無記憶，所以加了些虛假的事，以顯示自己與劉希之間的親密和濃厚的感情。
而對於擁有過人五感的心怡，這一切都欺騙不了她，從心跳、汗分泌、小動作，心怡便知道小蘭說的何時為真，何時為假。小蘭說著說著，逐步接近劉希，而劉希則一直拉距離，甚至找上進坐在他們中間。
「⋯⋯依啲就係希哥哥你走之前我同你經歷嘅所有野啦。啊，時候都唔早啦，不如等我煮餐飯比大家食啦。」
「唔洗！我唔慣比其他人搞我個廚房，廚房係一間屋，主人專屬嘅地方！上進你帶小蘭岀去食野，唔洗預我。」劉希喝止正欲前往廚房的小蘭。
「做咩咁惡姐，希哥哥，我唔煮咪係囉，唔好嬲啦，我地一齊去食野啦咁。」「係囉，巴打，一齊去食野啦。」
劉希隨即站起來，面對上進，背著小蘭，手搭上進的肩膊。雙眼發亮，輸入元氣至上進身內，劉希再靠前，於上進耳邊道:「帶住佢，走，正係你兩個，明唔明？」話語中混合著元氣。
不像心怡，劉希的元氣侵略性極強，極為覇道、兇狠。因此上進感覺到的是龐大的壓力，猶如泰山壓頂，隨時會死的感覺，上進泠汗直流，加上劉希開啟半神半魔的形態，雙眼發亮，殺氣十足。
「係！知道！小蘭！我地走啦！快啦！我好肚餓！」小蘭還沒開口就已經被上進拉走，岀了門，那種壓力才消散，此時上進心想:「巴打嘅實力究竟去到咩境界⋯⋯會唔會太過強大⋯⋯」
此時家中只剩下劉希和心怡二人「希，你係咪有讀到心先咁？你讀到啲咩？我想知我估得啱唔啱。」
「同你估到嘅差唔多，佢對我好有興趣，仲當你係對手。面且最恐怖嘅係，佢⋯⋯無愛過上進，佢同上進一齊係為左搵我⋯⋯六度分隔理論，六個人內會搵到你想搵嘅人⋯⋯」
「大致同我估嘅一樣，但估唔到佢咁對上進⋯⋯你諗唔諗住同上進講？」
「我諗緊好唔好直接消佢記憶⋯⋯」「咁好似太過殘忍⋯⋯」
此時大門打開，上進哭著進來「唔洗消啦，我咩都聽到哂，我知其實我一早就睇得岀，我知佢係為左搵你，我一直係到自己呃自己⋯⋯」
劉希上前抱著上進「做我徒弟要堅強！女死女還在，條女城府好深，佢仲有啲秘密，你知左你都唔會想同佢一齊，條女臭雞嚟，好快你會明咖啦，今晚啤啤佢，不醉無歸！」
「你話咖！不醉無歸！」