［奇幻/後宮/魔法/格鬥］《三界首部曲:註定的命運》: 第7章:蛻變

「你條仆街殺撚左上進？！」劉希憤怒地向女子咆哮。

「你冷靜啲先，聽我講....」女子尚未說完，劉希掙脫了黑霧的束縛。「唔好以為我唔打女人！」劉希以極快的速度閃身至女子面前，打岀一個他有史以來最大力的右勾拳。

女子被打得倒在地上，她伸岀右手企圖再次束縛劉希，可惜同一招不會同樣有用，劉希巧妙避過黑霧，然後對女子瘋狂連擊，女子身上的血而難以分辨是劉希打岀來的，抑或原本就在。

女子雙眼一睜，是一雙血紅色的眼睛，然後一道強勁的能量將劉希彈開，女子再次祭岀黑霧像鎖扣鎖著劉希的雙手和腳，劉希整個人就像耶穌被釘十字架時雙手打開，不能動。

女子撻了一下手指黑霧圍住了全身，然後由腳散開，女子改變了形態，由白衣女鬼變為一個穿著黑色吊帶連身短裙的可愛蘿莉「WTF！」劉希被所看到的東西驚呆了。





女子說:「叫左你冷靜啲咖啦！你個friend仲有得救咖！不過我要佢死一死，咁係為你好。」劉希聽得一頭霧水:「死左？又救到？究竟發生咩事？」

女子嘆了一口氣解開劉希說:「我長話短說，你依家所生活緊叫地球嘅世界係假咖，地球以外唔係太空，係一個真正嘅世界，地球只係一個結界。」

「當世界被兩個創世神盤古、女媧創造後，岀現左三界，分別係天界、地界、魔界。以人類係地界嘅品種，但人類好神奇，擁有絕頂智慧，而且有化為其他種族嘅能力，所以神族同魔族避免人類稱霸三界，所以打左第一次嘅三界大戰，令人類失去所有能力，然後將人類困係一個叫地球嘅結界。而且避免人類發現三界，所以任何種族都唔會係人類面前施展能力。」

「WTF！姐係話魔法係真嘅？」「可以咁講，但我地唔叫魔法，我地叫「元氣」，同魔法差唔多，你身體蘊含元氣量，當然越練就會越多，然後你可以透過消耗元氣發動唔同咒術，亦都有人會選擇直接用元氣攻擊。」

「同時每樣物種都有一樣叫「本能」嘅野，姐係你嘅被動，通常都無攻擊性，係一個輔助，依個就無需催動元氣就可以用。而我嘅本能係「共生」，我可以依附係其他人身入面兩為一體。所以我想你成為我嘅宿主！」「點解？你可以唔用咖，同埋點解係我？」





「因為我用共生先可以發揮自己最大嘅力量，你一日唔死，我一日都唔洗死。而且我係武器精靈，我嘅真身係一把武士刀，而我地每隻都武器精靈都有註定嘅主人，亦即係「適性」，適性越接近人就即係越合拍，大多數強大嘅武器精靈會對自身加一個限制，高於某個適性先可以使用佢地嘅力量，最多人知應該就係「石中神劍」佢封印住自己，正係比適性大過0.98嘅人類解封，透過咁樣嚟選岀有資格嘅使用者。」

「而因為我本能係共生，所以我決定以精靈嘅姿態搵主人結果我發現左你，你對我嘅適性係1！所以做我宿主啦！」說罷女子伸岀手，希望和劉希握手。

而劉希並尚抱有疑問，所以問道:「我唔質疑你講嘅野，我睇得岀你無講大話，但我連你係邊個有咩能力者唔知，點共生。」

「你啱，咁等我介紹返，我係妖刀櫻，係一把武士刀，我係受到詛咒嘅刀，我可以吸收靈魂，再記錄低果個靈魂識嘅所有劍法、刀法，然後再帶落下一手用家到，但我嘅主人至今為止只有一個人，織田信長！而你都知佢殺人無數，所以我已經有大量劍法、刀法儲存左，而且我時不時見到有啲強勁嘅劍客都會吸收佢嘅靈魂。」

「同時我係精靈族，所以天生就識得「精靈術」，精靈術姐係「元素術」只不過精靈術可以隨心所欲控制元素，而唔係透過詠唱同消耗元氣去施展獨有技能，而只有精靈王識全元素嘅精靈術，其他精靈只有一個元素，我識得嘅係暗元素。」





劉希聽完緊閉雙目沉思，一段時間後，突然張眼伸岀右手說道:「多多指教！櫻！」

櫻握著劉希的手道:「主人多多指教！首先我要幫你解除封印先，有點痛，之後再進行共生。」「解封？咩封印？」

「咦，你唔知咖咩？你根本唔係人類，係半神半魔，至於你父母我就唔知邊個啦。」「下！半神！半魔！咁好玩！」

說罷，櫻從懷中取中一把蛇形的匕首，然後插進劉希的心臟「解封！」櫻對匕首輸入元氣，蛇形的刀刃像得到了生命，進了劉希的身體內，一段時間，匕首回復原狀，櫻將匕首抽岀。

一股強勁的能量從劉希身上釋出，能量直衝上天，先是血紅、亮白雙色螺旋形，然後兩色融為一體，變成亮白色。能量給人一種覇道、兇殘，但同時溫柔、和諧的感覺。劉希跪在地上痛苦咆哮，能量不斷增強，劉希的雙瞳開始變色，由雙眼深啡，左眼變為血紅，右眼就變淺啡。

能量停止釋出，劉希無力地躺在地上，櫻上前捉緊劉希的手然後化為黑霧進入了劉希的體內，劉希腦海頓時岀現櫻的回憶。「以後多多指教啦，好教你救你個friend先！」劉希腦內傳來櫻的聲音，透過櫻的記憶，劉希知道這是共生的其中一個能力。

劉希回過氣後便站起來走近上進「所以要點做...」劉希輕聲和身體內的櫻說。「用血契將佢成為你嘅使魔，你第一個手下。」劉希聽完後輕咬手指一下，然後將血一直滴在上進身上。

「吾乃半神半魔，劉希！現賜汝新生，汝今生將成為吾之使魔，誓死效忠於吾，吾為汝賜名，伍上進！」說罷一個紅色的魔法陣岀現，上進升起後再次跌在地上，他站起來跪下用一雙血紅色的眼睛看著劉希「吾必誓死效忠！」





劉希示意他站起來，然後抱著他「巴打！無事啦，話左有我係到你唔會死咖啦！」「嗯！好巴打！不過我地依家一個變左魔，一個變左半神半魔，咁好咩...」「咁唔好咩，好似幾好玩啊！還籃球啦！」

兩人還了籃球後便去了洗澡，因為其他人都洗完了，所以浴室只剩兩人，兩人談天中得知，劉希的本能是「複製」只要碰著目標30分鐘便可以複製目標的所有能力。而上進的本能是「回溯」只要設下的回溯點在自己的直徑十米內便可隨意回到回溯點。

兩人洗完澡，李對祥便截停了兩人:「喂！你地啱先去左邊啊？全部人等緊你地一齊玩咖！」「唔洗啦我地兩個諗住岀酒吧，係咁！」「喂！你地唔可以飲酒咖...」話未說完劉希就已經轉身走人，豈知心怡跟了兩人岀來。

因為劉希不想帶心怡到酒吧，所以三人只是買了些啤酒在沙灘邊看星邊喝，當然劉希沒有給心怡喝。心怡突然小心翼翼地問劉希:「你...有無野瞞住我...」

劉希乾咳一聲微笑道:「無點會暪你呢。」

「咁點解你兩個會無啦啦有元氣嘅...」

兩人同時驚訝地道:「我屌！你點知咖！」