【恐怖，懸疑】那天清晨: 第一七八話

我決定背起Joe一起逃，不能把他留下，讓他獨自一人等待死亡來臨。而且在這不尋常的異世界，或許下一刻他能如傳說中的千杯飲盡一樣。

「他救唔返㗎喇，放低佢啦。」

軒拿了用來拉開窗花的床單過來，看到我正把Joe背上，一邊綁起Suki一邊說。

「我會攪掂，唔洗你理，話唔定一陣有奇跡發生，佢會好番呢。」

「奇跡？哼，奇跡可以發生幾多次？頭先隻女鬼消失咗已經係一個奇跡。仲有唔知乜7開始，又有個唔知代表咩既數字喺手掌度。你睇清楚，醒下啦，唔好令Joe白白犧牲。」





軒把手掌推到我面前，要我看清他掌心號碼，認清現實的殘酷。

64

號碼改變了，不是66而是64。

Kelly：「軒！你個number跳咗，我都係，80喇！同你一樣減咗二啊！79喇！」

果然軒掌心的數字變成63，而我手掌上的變成了76。





我：「倒數？但唔係秒，唔係分鐘。排名？」

數字會跳動太令人吃驚了，既然非秒非分鐘且同步減少。這條件下極可能是排名？積分的話不可能如此的，這樣的話是什麼排名？

「如果係排名，即係有好多人？但點解排名唔係一至六，會包括埋唔喺度既人？同D7有冇關係？咁啱喇！你帶埋Joe一齊走！佢到零既時候，我地就知咩事！」

此時，Joe掌心的號碼是26。

跟着就到軒，然後是我，而Suki排在最後，隊形可見男在前而女士在後，是否有暗示，Gentleman First？





軒按下心中的疑惑，把手中所有布類物體綁結連接起來，然後落力地吊Suki落地面。

「點都好，快啲走，此地不宜久留。」

軒把Suki吊下後，再慢慢用床單結成的繩幫忙跳落地下。我和女神照版煮碗跳了下來。

當我們5人再次腳踏實地後，Kelly提出了一個我和軒都極不願提，提起又有點憤怒，但不談又顯得冷血的問題。

相信除了Joe外，亦只有女神不會放棄。