【恐怖，懸疑】那天清晨: 第一六六話

Kelly：「一開始，佢喺窗外面都睇唔到我地，咁都睇唔到，佢應該係盲㗎啦，唔通唔係？」

經他一問，好像有點奇怪，是忽略了什麼東西？明明它面對面也看不見我們…

Shit！太大意了，面對鬼怪的恐懼戰勝了我們應有的常識。盲人疑惑的時候會嘗試去聽，狗會用鼻去嗅。那腐屍卻一直在用眼去查看，它不是靠嗅覺或聽覺，而是靠眼睛去看的！

但會否是它的眼睛已腐化到不能使用，這突如其來或近期的改變未能改變它的習慣？

『軒』：「唔係，佢應該睇得到野！只係唔知點解睇唔到我地。人有五感：嗅覺、味覺、觸覺、聽覺、視覺。我相信其他生物或者鬼怪都係類似，條腐屍靠咩去接收外界既訊息？蛇用嗅覺，蝙蝠用聽覺，浣熊用觸覺，咁條腐屍呢？佢唔洗摸就知鐵閘粒『的』既位置，佢絕對睇到野！」





的確，只有依靠聲納和視覺才能不經摸索就能如此準確的定位，而根據腐屍的表現，它看得見東西的機會最大。這樣的話，一定有些什麼原因，令它看不到我們。

邊說邊走，已經走到6樓了。路程很長，時間卻很短，表示我們體內，特別是雙腳積聚了相當多的乳酸。整個人都開始感到非常疲勞。

『軒』：「電話呢？諾，係咪喺你度？拎出嚟Scan。」

「俾我打爛咗喇。」

『軒』：「咩話！？做乜整爛佢？咁我地點check清楚有冇鬼跟住我地啊！」





「部電話有古怪，可能係佢引咗啲鬼怪嚟。」

『軒』：「咁點算！我地冇辦法見到嗰隻鬼，出面都唔知仲有幾多隻，你肯定部電話有問題？」

「肯定！佢一開始發熱先，跟住就彈咗個類似DOS既界面，然後好多字一路咁飛，最後我見佢寫住connecting。」

然後講得有點1999，但大家似乎都聽得明白。

相信大家都好清楚公屋裏，後樓梯的燈光是非常光猛的，然而在緊張、恐懼與迷惘中，似乎沒有人發覺燈光變暗了…