【恐怖，懸疑】那天清晨: 第一三七話

Suki：「咁我啲屋企人呢？佢地點算？即係啲野食唔係暗示佢地都喺名單裏面？」

軒：「從來都冇咩救贖名單哩樣野㗎啦，哩個咁既異世界唔嚟仲好啦，我地要想辦法出去，唔好諗其他人會嚟。」

Suki一想到屋企人並不會被「救贖」又開始眼紅紅想哭了，但她也明白來到這無人世界究竟有多無助，又有多危險，真的可以說「要不是Joe哥」，我們可能已經團滅了。想了一會，她也微微點頭示意明白和認同軒的說法。

我：「咁…神已經掌握我地既位置，咁啲鬼怪會唔會。」

軒：「我相信『佢』一直都知道我地既位置，甚至部電話都係『佢』留俾我地，如果唔係我地都發現唔到跟住諾嗰隻鬼。我估大部份鬼怪應該都被佢封喺又一城裏面。跟住你嗰隻可能係漏網之魚。」





頂！又提起那隻鬼。那時心臟的刺痛與不安的感覺是不是它引起的？如果由它引起，為什麼只有我感覺到？是不是那時候它正對我下手？可能我已經在鬼門關轉了一圈而不自知。它是否和無臉鬼域有關係？

Kelly：「諾…你冇事嘛？諾…」

在我有點失神時，女神見我又發呆，她竟然靠近我。而且是非常的近，令我想起七仔職員專用房內的一幕，她溫暖柔滑的小手已放到我的額頭上。

「唔…冇發燒丫，你冇事啊嘛？」

「啊…冇事，講起隻鬼，我都仲係有啲驚。冇事。」





May：「哼！你係咪特登扮唔舒服，等Kelly幫你檢查㗎。」

屌！哩招又的確係幾好咁喎！

我：「痴線。」

女神：「諾唔會咁做既。」

Dead Air…





看來我的人品並未能得到大家的認同。

Suki：「唉…我都係唔明，佢點解要複製我哩段記憶。」


軒又再邊整理眼鏡邊說：「我都諗唔明…」

我：「諗唔明就唔好諗喇，跟住落嚟，我地點好？真係留喺度？」

我始終不大想留在這裏呢。