【恐怖，懸疑】那天清晨: 第一三四話

我：「緊係奇怪啦，無啦啦有啲新鮮熱辣既野食喺度。」

女神：「唔係啊，你睇下。」

她指着組合櫃說。這櫃有什麼特別之處？櫃上放着一部40吋左右的LG電視機，旁邊躺着一部PS4，有數盒遊戲在一邊，電視機上的架放着…相片？竟然有相片！這應該是三/四年前左右Suki和她家人拍的照片。

這異世界中第一次看到有相片存在。

「相？！有相！」





軒：「你諗下，哩度竟然有相，一定有特別之處，而且我覺得哩度應該安全。」

「點解安全？我就覺得有啲恐怖，都唔知係咪陰謀。」

軒：「我地同神比較，你覺得點？有冇得打。」

「痴線，緊係冇啦，一個乞嗤都KO我地啦。」

軒：「咪係囉，佢洗乜用陰謀同陷阱？直接卒死我地都得啦，如果佢係要陰我地既，我地亦都冇能力反抗，都係既來之則安之啦。而且哩度亦好有價值。」





Kelly：「我都覺得哩度應該ok，唔係陷阱。」

「咁…」

軒：「出面既危險未必少過哩度先啦，而且啱啱隻鬼仲跟住你後面添，唔係咁啱試緊部機見到佢，都唔知俾佢跟到幾時。」

噗通…噗通…

那黑霧凝聚而成的鬼太恐怖了，回憶起剛剛它就在我身後，差不多身貼身的接近就已經嚇得我冷汗直冒，心跳急促了。





「佢會唔會跟過嚟㗎？到時咪困獸鬥？」

我極力控制着牙關別抖震。

Kelly：「吓，唔好嚇我啦。」

軒：「咁始終哩埋喺度都應該好過喺出面周圍走既。」

Shit！這無力的反駁表示他也不太肯定這裏安全與否。可是千辛萬苦來到，現在就走？又有點講不過去。

「既然你都都覺得留喺度好啲，咁我地留喺度啦。」

共識已經達成，去留只會出現5：1的情況。

被Joe阻止報復的May只能氣鼓鼓地獨自坐在一旁，一人瘋狂吃着零食解解氣。





而Joe和Suki此時正在瘋狂地…