【恐怖，懸疑】那天清晨: 第一三二話

軒：「可惡！」

正當大家準備撤離這詭異的地方時。

Suki：「咪…咪住。」

May：「又點啊？快啲走啦。」

Suki：「冇錯，一模一樣啊！」





淚水已在她的眼中盪着，隨即滾滾落下。

她鬆開我緊握着的手跑到檯邊，捧着那桶雞痛哭，泣不成聲。

「爸！媽咪，細佬！嗚…」

雖然想逃離這怪異空間，但Suki不知因何事而失常令人感到非常為難。我們想走，但她一定會留下來，不可能留下她自己一個的！

女神：「咩事啊？Suki…妳點啊？」





「嗚…一模一樣㗎！同我嗰次第一次出糧，買KFC返嚟慶祝既情景一樣㗎。嗚…嗰時細佬口渴，點知一開支野就噴晒出嚟，仲整污租佢最鍾意嗰件衫添。細佬！你係咪喺度啊？細佬！出嚟啦！」

她一邊哭一邊叫喚着家人出來相見，就像鬼片中叫喊着死去的親人現身一樣，令旁觀者毛骨聳然，起了一身雞皮，彷彿她家人的鬼魂就在你的身邊一樣。

那度門後，那櫃的陰影中，天花板或是Sofa椅底，甚至背後都彷彿鬼影重重陰風陣陣。

軒：「殊…Suki冷靜啲！殊…」

Suki再飲泣了一會才能平服下來。





軒：「哩個好可能係嗰個神秘力量做出嚟，唔係真㗎！唔係妳屋企人喺哩度。妳諗下，就算係佢地喺度都唔會擺到啲野一模一樣㗎！係異世界啊！冷靜啲啊。當係為佢地，妳要更加振作啊。」

「神點解要咁做。」

「…」

「你話爸爸媽媽細佬佢地會唔會都喺救贖既名單裏面？係喇，所以佢先複製哩個慶祝既情景俾我睇！暗示俾我知，一定係咁，佢地一陣間就會嚟到㗎喇！一定係咁。」

May：「點啊？走唔走㗎，哩度又細又古怪，走啦。」

Suki：「我唔會走㗎！我要等佢地！你要走就自己走啦！」

May：「咩喎，問下咋嘛，咁惡做咩啊，你都痴線㗎，我就話佢地一定已經死晒就真啊。佢地唔會返嚟㗎喇…」

「啪！！！」