【恐怖，懸疑】那天清晨: 第一二七話

片段到這刻完結，而軒亦立即再用電話查看一下四周有沒有其他鬼。

「Suki，你繼續帶路啦，我幫你用電話check住。」

用鬼電話才能見鬼。想不到這恐怖電話竟有如此重要的用途。若沒有它，我可能已經死去，或者被附身了，這鬼和那鬼偶有關嗎？

這次沒有再分成兩節，我們緊緊地行在一起。沿着石壆走，這樣左右兩邊都是大馬路，有更廣闊的空間，讓我們可以更早發現及避開那些鬼。

戰戰兢兢地走過一個又一個的街口，緊張地查看每一處店鋪和大廈的門口，雖然電話不在我們手上，但仍免不了查看一番。每隔十數秒左右，我們就會問軒有沒有發現，有沒有看清楚這邊或那處。好在他沒有再發現鬼的蹤影，算是不幸中之大幸。





我：「你睇咗個message未？」

軒：「…睇咗…」

我：「咁內容係？」

軒：「救我。」

Suki：「吓？」





軒：「內容係『救我』。雖然冇signal，但我試過reply，send唔到出去。唔清楚對方係咩人，冇任何profile之類既野，而來源既名係『我』，我字嗰個我。暫時係冇價值既線索，而且唔肯定係咪陷阱，例如佢再send個地址引我地去之類。」

Suki：「如果係，會唔會電話開住咗location，跟蹤我地位置㗎？」

軒：「有機會，但而家佢係唯一探測到鬼既工具，冇可能dum咗佢。另外，我地仲可能要靠佢去搵其他人，如果哩個世界有既話。」

仍然是兩難之局，電話有可能是追蹤器，亦可能是陷阱，是線索和探測鬼的唯一工具，既不能拋棄，藏起來又有很大的風險。

異世界的謎團又再增加，電話的主人是誰？訊息是誰send出來的？





Suki：「哩度！」

May：「到喇？」

Suki：「唔係啊！哩間cafe啊！我想入去拎包咖啡豆啊！軒，幫我。」

軒：「間cafe有咩特別？」