【恐怖，懸疑】那天清晨: 第七十六話

Suki：「你ok就快啲執埋啲野佢啦。」

於是我一邊開始收拾，一邊問：「Kelly去counter做乜啊？」

Suki：「她去搵下有冇必理痛喎，一早都話唔會有㗎啦，佢都係要搵下喎，做乜啊，你痛到聽唔到啊？」

我：「我真係聽唔到啊…係喎，頭先做乜無端端屈我啊。」

Suki笑說：「嗱，最多我唔話你博佢懵喇。」





我：「咁我真係冇啊嘛，做乜要屈我？」

Suki：「咁少事，男人老狗唔好咁少氣啦…唉，算喇，唔好咁望住我啦，頭先May話要拎番部電話，如果唔係就屈我特登整傷Kelly隻腳喎。」

我：「咁妳都俾咗佢啦，仲屈我？」

Suki：「拍爛檔啦，我廢事佢煩住晒啊，佢真係好煩㗎！點知佢一陣會唔會又玩野㗎，而家你幫我頂咗，一陣佢就屈唔到我啦。」

我仍然非常不滿意：「有冇攪錯啊，咁都唔關我事丫，你為咗唔俾佢屈而屈我，咪即係將痛苦轉移落我度…」





Suki見我不就範，於是走過來撘着我的肩膀，笑着對我說。

「唔好嬲啦，我信得過你咋，我知你好好人既，最多我幫你追Kelly丫。」

我：「唔好玩啦，而家咁既情況。算啦，下次有咩你同我單聲先，我唔鍾意俾人屈。」

Suki：「好啦好啦，下次唔屈你啦。」

雖然很想過去幫Kelly手，但畢竟太尷尬了，唯有快點收拾好物資吧！





餅乾，要！應該是這裡最值得拿的食物；朱古力條也要多些，熱量對生存是很重要的；薄荷糖和香口膠也要一點，如果時間或形勢不許可也有消除口氣的手 段；蔬菜瓜果脆片也不可放過，除了脆片香口外還能提供纖維維持腸胃健康；水需要最多，缺水比缺食物更快令人死亡；運動飲料也要一點……

和Suki一起幫Kelly，軒和Joe收拾了一堆食物後，Kelly已經查看了兩個櫃檯，正一拐一拐的走回來。

這時身後傳來Suki的聲音。

「一陣你亂up既話，我就同May講你好鍾意佢。」