【恐怖，懸疑】那天清晨: 第五十八話

Suki像揹上側肩袋一樣幫Kelly戴上腰包，帶子圍着Kelly的右頸，而腰包主體則圍着Kelly的左邊腋下，在這一刻，我明白腰包的用處了…

Suki無表情的說：「你一陣喺左邊扶啦。仲有，拎埋佢個背囊。」

我：「哦…」

然後我前後各背上一個背囊，再和Suki一起慢慢地小心地扶起Kelly，有腰包的阻隔，和女神的接觸完全沒有想像中的親密，但也是十分難得的近呢，正當心跳加速非常緊張的我想用右手扶着Kelly的腰時…

已經扶着Kelly腰部的Suki：「你捉住我手肘啦。」





這下子，基本上完全把我和女神的接觸斷絕了。雖然有點失望，但我覺得這樣其實是最好的。女神正在昏迷中，我又怎能乘人之危呢。而且我堅信不應拿取 不屬於自己的東西，儘管有時會被看成傻子，有「好處」也不要，但我覺得最緊要的是維持個人的品格，這也是作為人其中一樣最寶貴的東西。而且天下沒有免費的 午餐，很多時到最後還是需要「找數」的。

所以我掛上了微笑說：「妳諗得咁周到既。」

Suki有一點得戚的笑了：「係咪好失望呢。」

我笑言：「咁又唔係，其實咁最好，一陣Kelly就唔會誤會我乘人之危啦，當咗我係鹹濕佬咪大鑊？」

Suki不屑：「車，你都係驚Kelly誤會你咋嘛。」





我：「咁…又唔止，好似博懵咁，始終唔係咁好既。」

Suki眼珠一轉：「我先唔信你咁正人君子，一陣等我同Kelly講你博佢懵先。」

我緊張地：「嘩！咁大整蠱？唔好玩啦。」

Suki不滿：「講下笑咋嘛，洗唔洗咁緊張喎。」

我：「一陣真係誤會咗我，我咪好無辜？真係丫， 『玩哩啲』，係都玩其他好玩啲既野啦。」





Suki：「咁玩咩呢？」

我：「諗唔到喎…」

Suki：「咁我玩番哩啲啦。」

我：「吓！又話講笑既。」