【恐怖，懸疑】那天清晨: 第五十六話

May仍然不可一世地：「望咩啊，唔講你地聽。」

Joe繼續和事：「唔好咁啦，而家情況已經咁，有咩發現就講啦，唔好發啲細路仔脾氣喇。」

May沒有再說話，全場靜了幾秒之後，Suki向May收回電話。

May：「點解？部電話又唔係你既。」

Suki堅持：「夠唔係你㗎啦，拎番嚟！」





May不滿：「就算係，我都唔比你！諾拎番嚟既，拎住啦！」

然後一手將部電話堆給我，幸好我的反應尚可才接得到。

May得戚地笑：「我唔玩喇，你地自己慢慢解鎖啦。」

當我還有發呆時，軒已經走近並拿起電話仔細查看。

軒平靜地：「唔…最污糟係1，2，0，三個number，我諗我地都唔洗試好多次啫。」





May一聽到軒的話後，立即皺眉黑面，以帶有憤怒和無奈的眼神望着他。

軒把她的表情轉變看在眼內，然後笑說。

「哈，即係估啱啦，嗱，Suki，妳一陣試下啦。」

傳了一圈，電話最後還是回到Suki手中。好在這緣份不屬於我。其實這部鬼電話又有什麼好搶奪？趕快解鎖查看一下後有沒有線索後，立即掉下或銷毀就最好了。如果是它引發白光的話，帶在身上實在太危險了。又或者是電話的解鎖招惹了隱形怪？越去想電話，白光和隱形怪就越驚。

Joe可能也已經失去和May耗的耐性了，不等May的反擊就使出必殺技，一錘定音。





「好啦，咁而家Suki你同諾幫手一人一邊扶住Kelly膀頭行啦，我地都停咗好耐㗎喇。」

嘩！機會嚟喇，飛雲！突然間竟然有機會可以和女神有如此親密的接觸？雖然現時女神是失去意識並非自願，但我心底裏還是非常的高興。其實這也是必然 的選擇，作為先鋒的Joe，是不能浪費用於運送的工作；而以軒的體能而論，相信未到log on就會倒下，要再添人手照顧他；而May更不用說，大家對她是沒有期望的。

望着女神，我的心跳加速非常緊張，開始感到面部灼熱，突然成為飛雲才發覺機會有時其實很難掌握的，我該如何下手才對呢？