【恐怖，懸疑】那天清晨: 第五十三話

軒疑惑地：「但佢地陏既時候係冇規律、密集既腳步聲，除咗停得好齊就唔似係機械聲，反而係好似細路仔既腳步聲，或者係一種生物？就好似…好似啲魚群咁？」

Suki搖着頭：「魚群？唔明。但如果唔係神，佢地點會撤退丫！？」

軒：「魚群啲魚有特殊既側線發出signal，佢地靠咁嚟互相傳遞訊號，所以佢地游得好整齊。啲怪物可能有某種我地察覺唔到既渠道去傳達訊息，做到一齊停既效果，好可能係用光，所以啲白光令佢地發狂襲擊我地或者撤退。」

我：「咁啲白光邊度嚟？就算哩埋眼，用雙手遮住都冇用，都係一樣咁殘眼，就好似…我地眼球自己發出咁。」

軒：「咁又好似係…」





Joe：「唔通真係glass？」

軒：「如果係咁，可能根本就唔係白光！可能係一種無線電波，影響咗啲生物或者鬼怪，同埋令我地既glass失靈，所以就算我地哩埋眼都冇用！」

一時之間，大家難以接受軒的推論，因為如果如他所言，即表示我們身處於一個超科幻並有着鬼怪存在的世界。我們究竟身在何方？我們是否被一個超 級組織捉來做實驗？隱形怪又是不是實驗品？

我：「咁啲怪物係原本就喺度定點？」

軒：「如果係實驗品，咁係同時對我地同佢地一齊做測試？如果唔係，咁會唔會係連實驗組織都唔知道或者控制唔到？」





我：「咁會唔會係有人放佢地出嚟破壞實驗？嗰個令glass失常既訊號係反實驗組織發出？」

軒：「如果係咁，我地就麻煩喇…」

Joe：「咁唔係仲好咩，鷸蚌相爭，咁我地就有機會。」

軒：「如果係咁，我地就捲入兩個組織既戰爭入面，我地乜都冇，形勢完全唔知，完全係死路一條。但最驚都唔係哩啲。」

Suki：「咁係邊啲？」