【恐怖，懸疑】那天清晨: 第四十四話

Kelly眼紅紅的自言自語：「點解咁㗎，難得放假，又遇到咁既事。」

我：「妳冇事啊嘛？」

Kelly細聲難過的說：「我好難得有得放假，同屋企人飲茶，點解突然嚟咗哩度㗎。又冇人，又恐怖，而家仲突然有間執咗既鋪頭喺度。究竟咩事啊。」

我究竟之前在做什麼呢？事發前大家在那裏做什麼呢？頭又再痛起來，不論我如何努力去想，還是記不起來。

我：「唔理咩事，我地一定可以返去既。」





我完全不懂安慰她。在頭痛中，我也只能說出這連自己都不相信的話來，也不知道是給自己安慰，還是替我們打氣。

雖然我是安慰得如此差勁，但Kelly還是回答着：「唔，一定可以返去㗎！」

我好奇地問：「你地醒咗之後，有冇頭痛？」

Kelly：「冇啊，醒咗之後仲好精神好似訓咗好耐咁。你而家仲頭痛緊？」

我：「冇乜野，仲有少少痛啫。」





其實一想事發前的事就非常頭痛，就好像有一百個GEM在腦海裏唱着一百首不同的『咦耶依耶耶耶』一樣。突然我回想起一幕，是我在聽着Dear God在天橋上行的影像。對，我好像要去一個地方，完成一個很重要的諾言的！

Kelly：「係喎，你之前做緊咩㗎？」

我：「我嗰時行緊去地鐵站。」

Kelly：「你頭先好勇敢啊。敢行入去Columbia裏面。」

我：「冇辦法啦，冇理由次次都Joe哥行先㗎嘛。」





而且我亦不想像foodcourt那次一樣，被軒比下去呢。我對說自己說過，不要再讓他人冒險而我就在暗角裏猶豫後悔的。這時被女神稱讚了一下，我的心非常受落的。

Kelly：「我見到出面啲公仔就驚喇，如果得我地三個女仔都唔知會點。」

我：「我都覺得啲公仔好得人驚。頭先童裝嗰邊仲恐怖。」

Kelly：「過咗唔好提喇，諗起都驚。」