【恐怖，懸疑】那天清晨: 第三十五話

May立即反擊：「咩做咩食野喎，咁肚餓咩食囉，做乜個個都話我喎！你地個個都蝦我。」

軒冷冷的說：「大小姐啊，而家咩環境啊，唔好再喊喇！你肯定啲野食冇問題咩？你知道啲野食放咗幾耐咩？你咁都食得落，起碼都要check
清楚先啦。頂，你仲喊。」

May哭着：「吓，唔會有毒㗎嘛，我食咗少少咋，應該冇事掛，死啦，點算啊！」

Joe放下手上的長棍，試了一點食物後說：「啲味道好似冇變，應該正常冇事既，好啦，以後大家小心啲啦。」

May：「係咪真係冇事㗎，死啦，好驚啊！」





軒：「你都食咗咁多啦，即係冇事啦。」

然後Joe沒有給May說話的機會，立即道：「我地係裏面搵到啲掃把地拖，拆咗黎做長棍，不過得兩支，我一開二，女仔一人一支，淨番嗰支俾啊軒好唔好？」

我知道其實Joe是問我淨下的一支棍給軒有沒有意見，而我亦覺得恰當：「我冇問題。」

Suki接着說：「我地搵到八個包同四件cake，同埋搵到啲叉。」

其實那有「我們」之說，全部都是Suki自己收集和尋找的，May一直也在哭鬧和吃東西，完全沒有幫手。





軒立即道：「我唔要支棍喇，不如留一支完整啦，大家都袋啲叉旁身，我地快啲食埋啲野就走喇。」

大家再望向May與食物的方向時，軒再次爆發：「有冇攪錯啊，你一個人食咁多？」

原來May已經消滅了三個包，正準備開始與第四個包戰鬥。

軒：「唉，救命啊！天啊！你係都食cake先啦，啲包可以帶係身㗎！頂。」

我相信軒已經憤怒到想殺人的地步了。





這時Kelly立即說：「我唔係好餓，我食半件cake得㗎喇。」

Joe亦附和：「我減緊肥，我同你一人一半啦。」

如是者在May的大吵大鬧和軒處於爆炸邊緣的情況下，我、軒、Suki各自吃一件蛋糕，而Joe和Kelly則合力消滅一件。剩下的包就以膠袋帶走。

一邊吃，我們一邊討論着。

我疑惑的問，看看軒的打算：「跟住我地去邊？」

Joe認真的答：「我諗住出去睇下有冇巴士搭。」