【恐怖，懸疑】那天清晨: 第十七話

少女幫助解釋著：「其實我地等你醒，係想問你知唔知道點解我地會突然間嚟咗哩度。」

我無奈地：「唉，清醒既你地都唔清楚，訓低咗既的我又點會知喎。你意思係我地突然嚟咗哩度？商場 咗門咩？冇晒人既？」

這時我才打亮一下四周，少女身後第二張檯坐著一位豔麗少女和一位癡肥女孩。而中年男身後站著一個四眼仔，聲音便是他發出的，中等高度配上極度的瘦 削，可能三號風球都會把他吹走，身上的T-shirt有點掛在衣架上漂浮的感覺，好奇異。凹陷的臉上一點肉也沒有，只勉強比道友好一點，再配上一副黑色粗 框眼鏡和黑眼圈，真的是非常之毒。連我也忍不住，要為他的外形默哀七分鐘。

清秀少女：「係，我一醒就發覺坐咗係度，其他人既情況都係一樣，因為哩度好奇怪，所以我地決定一齊行動，最起碼有個照應啊嘛。而你一直都唔醒，雖然我地想叫醒你，不過啊軒就話未知咩事，唔好立亂叫你。」

我：「啊軒？」





四眼仔舉了一下手示意：「我就係啊軒，原本再等多陣，你唔醒，我地就走架喇，好彩你醒咗咋，一陣間冇晒人，實嚇死你，雖然而家都好詭異…」

我疑惑的：「詭異？點詭異法啊？同埋其實我即係訓咗幾耐？係咪太夜冇晒人咋？」

四眼仔：「唉，點詭異？講出嚟嚇死你都似。最詭異既地方係你唔知而家幾點，所以我地都唔知你訓咗幾耐，陣係知好耐囉，可能一個鐘，又可能兩個鐘。」

頂！唔知幾點就睇錶啦，成班都冇錶冇電話？一望錶，正正現在是九點四。

不等我開聲，四眼仔已經立即開口：「九點五左右啊嘛，係咪？唔知時間係因為啲錶停晒，仲係停係九點三至五左右，都仲未算勁，係勁到連電話都神埋。唔洗試喇，我地個個都係咁，你應該都一樣啦，而家你好啲未，行唔行得？」