我中意左一個唔應該中意既人: 你有鍾意既人喇？

12月28日，呢日係聖誕假，亦係我閨蜜，kitty既生日。點解會講起佢既生日？呵呵說來話長⋯⋯
有一日，坐我附近既Alex無啦啦大叫！「哦～ramson你！」我忘左去佢個個方向，只見佢望住ramson係度笑，我望一望我隔離個條友，我見到佢啤住Alex，好似威脅緊佢咁。唔問唔知，一問坐Alex隔離個個男仔，即刻知咩事：原來ramson部電話比Alex拎左，Alex成功用某人既生日開左佢部電話！呢個人，係kitty。知道左個陣我自認無咩感覺，淨係跟住起哄，見到佢怕醜之後成塊面紅曬，只係覺得個心無左d野咁⋯⋯係啊我鍾意左佢，但我鍾意個個偏偏鍾意我bff，你話，我所經歷既野係咪好狗血，係咪好偶像劇化，係咪好可笑⋯⋯當然個陣既我未意識到自己鍾意左佢，個陣既感覺大概係自己男閨蜜就黎出pool少左個人陪自己癲，個陣總認為佢會出到pool所以有呢個思想，um簡單d黎講我諗個陣既我係覺得自己個女要嫁人既feel，誰不知原來我係呷醋⋯⋯當然，呢d係後話了。