[真人真事改編] 慘情四部曲．三個食檸檬的故事 [不定期更新]: 第一部 變格： Ch. 2 改變 Ep. 4

嘎～～～ 

我轉身一望，嘩！行出嚟嘅係一個身材幾好，但有啲啲矮嘅女仔，佢著住一條淺藍色嘅短連身裙，冇扎辮，冇all back，冇攞住大提琴。雖然我知係邊個，但係我真係唔信係佢。佢轉咗個圈就問我：
「我著得靚唔靚呀？」

喺呢一刻，我好似發緊呆咁，我會過神嚟就話：
「件衫就靚啦，不過個人就難講啲。」

「車～～～你去死啦！」

其實答案就喺自己心中。我放低咗個書包、單簧管同體育衫喺Vicky 屋企，就同Vicky一齊上翻架車走啦。 

既然著得西裝，我都要似翻個紳士嘅。架車停咗喺半島門口，Vicky 好自然咁將手放喺門嘅手制度準備拉開。我及時搭一搭佢膊頭，佢好愕然咁望住我，我轉身打開左邊車門，繞過車尾去到右邊，我打開車門，然後伸隻手出嚟。Vicky 見到我咁做即刻面帶咗一點微笑，將佢嘅右手亦放喺我隻手上面，踏出架車。佢右腳伸出車嘅時候就有如灰姑娘踏出南瓜車，焦點都放咗喺對坡璃鞋度一樣，我亦不禁將焦點放咗落佢對雪白嘅高踭鞋度，雖然個踭唔係話好高，但我都係大一次見Vicky 著得咁斯文。我閂埋道門，Vicky 爸爸駛架車去拍，媽媽就陪爸爸。我曲起手，差住腰，好快就有隻小手穿咗入呢個窿裏面，我收緊少少個窿，然後就同身旁呢個女仔行入去。 

我哋經過咗個華麗嘅大堂，行咗都一小段路，我哋嚟到間私人房，裏面有一個細Vicky 三年，身穿一件有藍色迪士尼圖案嘅白色連身裙嘅女仔，同埋一對年紀相差一年嘅姐弟。家姐原來只係細我一個月，著住一件白色上身，深藍下身嘅晚裝長裙；細佬就著住一件黑色西裝打深藍色底配白色斜間嘅領呔。我哋踏入房間嘅時候，佢哋都望住我，整個空間頓時停咗，周圍彌漫住一陣尷尬。 

細佬見我就好好人咁過嚟話：

「終於有年有個男仔陪吓我，我係James，佢係我家姐，Charmaine。」
佢指住坐咗喺度篤電話嘅家姐話。

「跟住佢係玲玲，隨便坐啦！」
佢指住果個縮埋一邊唔敢望我嘅玲玲咁講。玲玲望一望我，佢目無表情，又唔係話特別好好好靚咁，但唔知點解就有一秒將我個眼球吸咗過去。
                                                       

大家可以follow 我Facebook page。
歡迎大家留言，甚至DM 我。
有興趣聽吓我啲歌嘅可以Subscribe 我Youtube Channel 'TangTang'。