[真人真事改編] 慘情四部曲．三個食檸檬的故事 [不定期更新]: 第一部 變格： Ch. 1 由來 Ep. 5

終於等到放學，正，又係練樂團嘅時間。Michelle 亦落咗去留堂。

「洗唔洗幫你攞啲袋去hall 先呀？」

「唔洗啦，你又攞住個大提琴咁麻煩，你落去先啦。」

「唉，咁一齊落啦。」

估唔到Vicky 份人都幾好，除咗平時惡啲之外...... 我哋孭起書包，攞起樂器同啲體育衫就慢慢行落去1樓。喺108室裏面除咗Michelle 之外，一個人都無。佢坐咗喺度，同朝早個樣一樣，都係乜都寫唔到，然後皺晒眉。





「幫你攞支樂器去hall 先啦，你快啲去教文慧野，唔好衰呀。」

「唔該。」

我交低咗我果支平時絕對唔會比人攞嘅單簧管比佢，平時人哋掂吓我支樂器我都好似變咗隻癲狗咁，個個都會對怕咗我支樂器，行開一兩步玩。唔知點解我今日會咁信任Vicky，比佢攞咗之後我好似覺得冇乜野咁，可能係因為我掛住去搵Michelle掛。

嘎～～～

「你要睇Chapter 4嘅中段先會搵到事件嘅開始，成題essay 集中咗喺呢度到Chapter 5開頭。」





Michelle 聽完我講，啤一啤我，揭咗去Chapter 4 就繼續唔理我。於是我帶點豪氣咁攞咗佢支鉛筆喺本書度間咗一間。

「呢句重要呀，不如我解比你聽啦。」

「我比你教唔等於我會鍾意你，清唔清楚？」

「得啦。」

於是我開始同佢解釋段故事，分析吓啲point，搵吓quote，整理吓份essay 嘅結構。整個過程就好似啲聖誕舞會嘅宣傳片裏面男女主角一齊溫書咁。Michelle 同我好難得咁有講有笑，識佢咁耐都冇試過咁。話唔定做完essay 同佢食個tea，大家關係就會好轉呢。佢喺我嘅指導吓終於完成咗份essay，佢交完比Mr. McArthur 之後翻到嚟就執野，我深呼吸





「我......肚餓呀......你......你......有冇興趣一齊食tea？」

「都好，去食八方雲集丫。」

呢個時候hall 傳嚟咗啲樂團嘅聲。

「係喎，你唔係要練樂團咩？」佢微微撬起嘴角咁講「你竟然走練習？」

「係呀，唔走都走咗啦，食埋野先翻去啦。」

正，咁就呃到一餐同Michelle食嘅飯。行出咗課室，我間唔時偷偷哋同佢肩貼肩咁行。佢都好似唔係好介意咁，所以我一直keep 住咁行過canteen。個感覺好正，就好似真係拍拖一樣，一直去到八方，坐低就嗌野食。

「你呢啲音樂人竟然走練習嚟同我食tea?」

「我都話我肚餓啦！」





「扮咩丫，你當我唔知點解咩。」

「咁你又問？」

「問吓唔得咩，睇你個樣梗係因為我先行出嚟啦。」

佢又微微撬起個最角，串串貢咁講。

                                                       

大家可以follow 我Facebook page。
歡迎大家留言，甚至DM 我。
有興趣聽吓我啲歌嘅可以Subscribe 我Youtube Channel 'TangTang'。