[真人真事改編] 慘情四部曲．三個食檸檬的故事 [不定期更新]: 第一部 變格： Ch. 1 由來 Ep. 1

「我都唔明，喺我最忙嘅時候，竟然要演歌劇......咪啦，明呀，可唔可以話我聽呢套Tales of Hoffmann 噏緊乜？」


「唉，拿，從前呢有個人叫Hoffmann........................最後佢就得到咗繆斯女神啦，完。」


「痴L 線，一套兩個幾三個鐘嘅歌劇就係講條友食三次檸檬......」


「係失三次戀呀！」






「唉是但啦，總之痴線，咁以我嘅故事呀，廿套歌劇都寫到啦！」


「好有歷史咁喎，呀寶！」


「唔係咩呀？話你聽啦......








 四年前～～～




 我係呀寶，我音樂比較叻，所以我身邊好多朋友都係一齊玩音樂嘅。我今年F.3 係留級生，而我亦準備踏入追文慧嘅第四年。 今日我又如常咁好早起身，坐上07:38 嘅地鐵，我每朝都好努力去令自己坐呢班車，因為我只有咁，我先可以每朝都見到果個肩披長髮，身型苗條嘅女仔。佢就係梁文慧 Michelle，我都算追咗佢四年，但卻係追唔到。我照樣咁坐係車箱嘅第二道同第三道門中間，佢就喺第一道門則面挨住。時不時見到我就翻白眼，之後又望翻去另一邊。就係咁，好快我哋就落車。Michelle一支箭咁就落咗車，而我......唉，今日星期五，又要體育堂又要練樂隊，左手就成袋衫，右手就係一支單簧管，一抽二褦咁慢慢行咗出車。文慧好快就消失咗喺電梯上嘅人群中，我就只能𢱕頭扁嘴繼續行。
突然間有人一野咁拍咗落我膊頭度






「又跟住人尾翻學呀吓！」


點解我呢個計劃會比人識穿架......我一擰轉頭見到一個梳all back 頭，少少陰都冇，唔係好高，又攞住部大提琴盒嘅女仔。我頂......又係Vicky，一定煩住我搞到歌都冇得聽。


「係呀，大貞探。」


我反晒白眼，勉強露出一啲笑容咁講，果然佢真係不停咁問我關於Michelle嘅事。講真，我真係唔介意同人傾計，但我真係唔鍾意朝早翻學有人阻住我享受自己嘅時間，所以我冇理到佢，慢慢咁行翻學校。 我呢啲唔喺屋企食早餐嘅人，當然翻到學校就要買袋燒賣啦，加盒蘋果綠茶就正。我坐咗喺Canteen 嘅正中間，一張空枱度，周圍都充滿抄功課同溫書嘅人，好似得我一個係食野咁。我繼續就坐喺度發呆，ff 吓長大後嘅事。


如果我長大後做咗個唱作人，跟住～～～






我諗諗吓有樣野打擾咗我，Michelle就坐咗落我張枱度，不過我就喺左下角，佢就喺右上角。佢就好似當咗我透明咁，一眼都冇望過嚟，就係埋頭咁做功課。Shit，好似係Eng Lit 功課，我冇做添，唉是但啦，一向都唔交。我見佢做到皺晒眉咁，我望吓佢張紙......果然真係一隻字都冇，佢攞住支筆，攞到實一實，


「妖！唔做啦！呀～～～唔得喎陣間就交，唉。」


突然有人撞一撞我左面膊頭


「點呀，Vicky。」


                                                       





大家可以follow 我Facebook page。
歡迎大家留言，甚至DM 我。
有興趣聽吓我啲歌嘅可以Subscribe 我Youtube Channel 'TangTang'。