而我卻只是一個中學生。: 2.

吃過晚飯，我和阿茵到了下面的海旁漫步。

「仲曉，你覺得我地可以一齊幾耐呀？」

「其實未來有好多唔同因素你未知，你唔知聽日會發生啲咩事，所以我每一日咁愛你唔會仲好咩？」

「如果你真係好愛我，你就可以保證到啦！」

「你保證到你愛我一世咩？」





「⋯」

「好啦，王太，我依家答你一世啦。」

我攬著阿茵坐在海旁，阿茵拿出了電話不斷自拍，一個月後，才知道不斷自拍的原因。

一個月後，是我們的一周年紀念，阿茵印出了一張又一張的照片，剪接成為一本記事簿，我很感動，感動得在房間內哭了一場。

「我真係好愛好愛你呀，阿茵。」





「我都好愛好愛好愛你呀，仲曉。」

「如果你識左一個比我好既男仔，你就放棄我啦。」

「你已經係最好嫁啦，冇人好過你。」

「王太。」

「王生。」





「好想快啲娶你。」

「傻瓜，你都未有經濟能力。」

我，從來未對過一個女生如此投入，身邊的好友也埋怨我變得重色輕友，我曾經說過，

「女，唔一定係一世既，不過，兄弟，係一世既，一定以兄弟行先。」

我的承諾兌現了嗎？

不，他們說我講一套做一套。

幸好，他們也開始談戀愛了。

我們續漸一起相約幾對情侶外出，一起BBQ，一起到戲院。





漸漸，阿茵卻認為我們太少私人時間了，開始多了爭執。

「我想要多啲得我地兩個既時間呀，唔一大班人咁呀！」

「有咩分別，你都搵野嚟拗。」

女生，總愛亂發脾氣的嗎？