每個禮拜二都準時返學校，係因為想同妳係兆康站上相遇: 第十章–百鬼夜行
第十章–百鬼夜行
一星期過後。
「喂，呀澤！聽呀天講你上星期傻更更咁返左學校上Database喎，哈哈。」建龍說。
「頂！唔好提啦，一早返學就刺激我！不過如果果日唔係返左去，就唔會......」我說。
「就唔會......？講清楚啲好喎。」呀天、天明、建龍、仁傑異口同聲地說道。
「係呀，就唔會......」我繼續吊他們的癮。
「一係講，一係食我苦練多年既千年殺！」建龍做出千年殺的手勢並說。
「怕左你啦，唔好搞我屎眼......就唔會同到果個女仔食飯。」儘管我說了出來，還是把屎眼縮了一縮。
「自私！」他們再次異口同聲地說道。
說罷，他們也繼續假裝著上堂，實質是在玩手機。
這星期也是跟Yoyo在whatsapp中有來有往。
在這課堂，也是跟她保持著沒完沒了的話題。
「話說你個friend最後點呀？個女仔有冇搵返佢。」Yoyo在whatsapp問。
「見佢依排咁開心，我諗都有掛，應該一齊返啦......我冇去問佢。」我望了望仁傑現在的樣子，的確比上星期更有活力。
「唔問人都有既......畢竟你都叫做幫左好大個忙，問下又唔會冇左忽肉既。」
「唔想比人覺得多事同八卦嘛，雖然都做左好多野，又真係好多事，哈哈。」
「係喎，你今日放幾點咖？」
「放14:30呀......勁早。」
「嘩！原來你係放咁早咖。不如我地交換Time Table睇下？」
「可以呀！」
「痴線…幾乎日日都朝9晚6，除左星期二晏左少少之外。」我看了看她的Time Table後，帶點震驚。
「你仲痴線啦！日日正係返4個鐘咁濟。」
「found dip仔泥講好基本咖咋~咁其實我地都幾有緣份喎，咁既時間都可以碰到面，雖然只係得星期二。
「都係咖，所以要好好珍惜啦！同埋起碼大家都有Day off先，需然我係星期三，你係星期四。」感覺Yoyo的這番說話背後隱含著別的意思。
.
.
.
「啲人都佈置緊萬聖節既野啦喎。」我邊行邊跟著呀天他們一行五人在商場說著。
很快已經10月了。
很多店舖的員工也為自己的店舖打扮得很有萬聖節氣氛，掛著南瓜吊飾和擺著不同糖果。
而商場也擺放了很多恐怖的擺設，舉辦不少萬聖節活動。
「係喎！你地會唔會去鬼屋玩咖？我諗住10月30同天明佢去海馬公園玩！有人Join？」建龍問。在萬聖節，很多人也會去海馬公園或是迪迪尼的鬼屋玩。
「我可以呀！」作為海馬公園擁躉的我，當然也會去吧。
「我不了，好怕鬼。」呀天說。
「仁傑呢？」天明問。
「我應該去迪迪尼。」仁傑說。
「咁呀澤，我地3個買左飛先？」建龍說。
「Um......你地兩個買左先啦！我遲下再自己去買！」我說。
「你萬聖節會唔會去鬼屋玩咖？」此時想起了Yoyo，她又會不會去呢，所以我馬上在whatsapp問她。
「應該都會呀！但係就......唔知中學班Frd會唔會約，因為依家大家都有大家既圈子嘛。」隔了數分鐘後，她回答我。
「咁如果我約你呢？嘿嘿。」
「你約我既話，就考慮下先啦(害羞的表情)！不過幾號先？同埋係去海馬公園定迪迪尼咖？」她問。
「10月30號海馬公園？因為之後果日見你都day off嘛，可以玩盡興啲！唔係唔賞面出席吖嘛？」我說。
「係咪故意遷就我咖？見係你......咁我就係咁意......同你出席依個活動啦！係咁意咖咋！」感覺到Yoyo帶點害羞地說。
「你話咖！唔好反口呀！我買定飛先！」
「好呀！好期待添！」
.
.
.
回到家後，我也很快買了兩張入場券。
很期待那天的來臨。
晚上，我打開ig看看別人的story。
突然，有人follow我。
原來是Grace，看來在上次的事件後，也算是認識了對方。
「wtf！？」我按了進Grace的profile看看，然而很驚訝地說了出來︰「仁傑真係痴線......」
我在Grace近期發佈的一個profile，看到了9張寫了字的照片。
內容是︰
2014年7月11日，結業禮。凱喬，今日係我同你相識既第一日，仲記得依日你突然搵我影相，顯得好尷尬。
2014年8月1日，第一次約會。喬寶寶勁搞笑勁Nice囉！竟然係街上見到喬寶寶，佢仲好有禮貌咁同我地影相。
2014年9月8日，中秋節。我從來都諗到依日會鼓起勇氣同你告白咖，螢光棒之夜！
2014年11月1日，重陽節。愛上左行山，今天你令我知道依日原來係用泥行山，而唔係拜山，長知識了，哈哈。
2015年3月5日，元宵節。你個凱喬真係傻傻地咖喎，一直在亂猜燈謎既。
2015年12月24日，平安夜。一年一次既平安夜，今年我地冇出去，因為係屋企玩煮飯仔，做聖誕大餐！
2016年1月10日，凱喬的生日。生日快樂！咁細隻既紙鶴真係好難摺呀！不過只要係你喜歡既，我都會盡力比你！
2016年4月23日，世界閱讀日。一日文青人，一世文青人！今天同你去左圖書館「打書釘」！原來咁樣都可以好開心！
2016年10月23日，仁傑生日。世界級既散銀包！估唔到一向唔會DIY既你，特登去左觀塘學整「散銀包」然後送比我。
.
.
.
只看圖片看似很簡單。
但是仔細看一看會發現。
每個句號後的第一個字......
「凱」、「喬」、「我」、「愛」、「你」、「一」、「生」、「一」、「世」
仁傑這個秘密，看來收藏了很久，到了最近才讓Grace發現。
我相信Grace發現的那刻，必定感動落淚。
而且，也確實地知道他們再次走在一起了。
我把這件事分享了給Yoyo，她得知後也感到很驚訝。
沒想過，一個男生，會守著這個秘密那麼久。
10月30日凌晨，星期二。
「好緊張呀！放左學之後就出發咖啦！」這刻我正與Yoyo聊著手機。
「我都好緊張呀！勁期待囉！但係我又好怕鬼喎！我仲記得上年去鬼屋比啲嚇到喊左出泥！依家諗返起都勁想喊」Yoyo說。
「聽日我會係你身邊保護住你咖嘛！依家唔係你身邊既時候，點幫你拭乾眼淚呀！要喊就係我膊頭喊！」我竟然會說起這些話。
「比你搞到Warm左添！咁你要借個膊頭比我喊咖！」Yoyo很開心地說︰「係喎，你聽日會唔會化鬼妝果啲咖？」
「我都唔識化妝，點化喎！不過都會黏下貼紙果啲既！」
「嘿嘿~不如我幫你黏果啲萬聖節版既假眼睫毛好冇呢？」她奸笑地說。
「Um......你咁樣對我真係好咩？」我帶點驚慌地說。
「好呀！」她笑我很開心。
「我叫咖啦......」
「Welcome~」
「我真係叫咖啦！泥咖啦！......」
「叫啦！」
「你講到咁樣！好啦！」
「好耶！」她愉快地說︰「聽日一齊返學？」
「好呀！老地方等啦！」
「老地方？」
「我邊到識你咖？」
「兆康！？」
「係呀！」
「聽日見啦咁！訓唔到都要迫自己訓咖啦！成3:00啦！小俊男！」
「收到啦小美女！」
.
.
.
兆康站。
「呀澤！早晨！」Yoyo在遠方喊道。
「Morning~」待她走過來後，我跟她說。
「你琴晚訓得好差咁喎！」Yoyo指著我笑著說︰「依家黑眼圈大到放學去海馬公園唔洗化妝都得！」
「冇計啦！失眠呀~~~因為真係好期待！叫做第一次同你去到咁遠喎。」
「口甜舌滑咁既，係咪想比人打呀？」她握緊拳頭舉起手，一副作勢要打我的模樣。
「Welcome~」
隨後，我正式宣告陣亡。
「咪扮死呀！快啲上車啦！」Yoyo拉著我的手臂說。
「見係你咋！咁我就係咁意......上車啦！係咁意咖咋！」我模仿Yoyo先前那樣，裝著害羞地說。
然而，我再次正式宣告陣亡。
在輕鐵上，我們有著沒完沒了的話題。
大多是關於晚上去海馬公園的事情。
一直聊著，直到在樓梯間才跟對方道別。
「陣間LRC等啦！」Yoyo帶著水旺旺的眼睛，揮著手跟我道別︰「再見啦小俊男！」
「好啦！我地轉頭見啦小美女！期待到上唔到堂啦！」我興奮地說。
「再見啦小俊男~」回到課室後，建龍跟我說，媽的他是怎知道的。
「建龍你講緊咩呀？小俊男？」我裝傻的說著，但願這樣能夠從中得知他是怎樣知道。
「小俊男~你當自己on9定當我地on9呀？」建龍用狡猾的眼神看著我，並奸笑地續說︰「你地講到咁大聲，我同天明係前面轉角位都聽到啦，好應聲咖！」
「頂......乜原來咁大聲咖。」我很快便紅了臉。
「係你唔岩啦小俊男！今晚海馬公園你係咪同佢去呀？我地仲聽到話陣間LRC等喎！依單野點計先？」天明說。
「係呀......」就是因為說得大聲的關係，他們都知道了。
「啦！你同我飲曬依支Whisky先好同我地講野！」不知道天明從什麼地方拿出了一支Whisky。
「天明同學！收返埋支野佢！學校範圍唔比飲酒咖！」教導我們英文課的Miss Chan走過來跟天明說。
「Miss~小俊男呃我地呀！佢同囡囡去海馬公園都唔同我地去！」天明裝著可憐跟Miss Chan說道。
「係呀！佢仲買支Whisky諗住灌醉我同天明！搞到我地去唔到海馬公園！」建龍也模仿著天明跟Miss Chan說道。
「小俊男你拍拖呀？係咪網上識咖？唔好比人呃呀！」Miss Chan說笑般續說著︰「乜你咁衰既，仲要買埋Whisky灌醉建龍同天明，罰你陣間做第一個讀英文生字果個先得啦！」
沒想到Miss Chan也會抽我的水，還使我吃了個死貓......
很快，今天一連兩堂的課堂也完結。
「我去LRC先啦！再見啦咁多位！」我跟呀天他們一行人說。
「咪比我係海馬公園見到你呀！灌你飲Whisky咖！」天明拿著Whisky說。
LRC。
「訓陣先！Yoyo仲未放！」我看了看手錶後，喃喃自語。
「起身啦小~俊~男~」睡了一會兒，耳邊突然傳來了一陣陰森的聲音，使得我彈了起來。
「咩境環呀你......嚇死人咩！」原來是Yoyo。
「原來小俊男都好細膽下喎！」
「你條友真係......快啲出發啦！」
如是者，我們便坐車出發前往海馬公園。
一路上，我們看到不少化了萬聖節妝扮的人。
有的只是在臉上印著黑貓的圖案。
有的則化了濃厚的妝，整個臉白得誇張，配上鬼屋狀的假眼睫毛。
有的更連衣著也完全跟詭修女一樣。
不，原來那些只是女巴基而已。
「唔洗望啦！陣間你都會同佢地一樣，嘿嘿。」Yoyo把手搭在我肩膀，奸笑著說道︰「點幫你化好呢？等我諗下先！」
「唔好呀......唔好掂我呀！」我大喊著。
這程車我們一直打鬧著。
不經不覺已經打鬧到我們成為了整車的焦點。
然而，這樣並沒有引起別人的仇視、冷眼。
反而使到大家也在車廂內放開自己，大聲地有說有笑，有的則跟朋友或另一半也打鬧著。
可能是因為萬聖節的關係，這程車的人很多也是前往海馬公園，所以也不想帶著拘謹的心情去遊玩。
別人看見我們這樣，會否覺得我們是一對天生一對的情侶呢？
很快，我們也已經到達海馬公園。
我們排著隊等候進場，畢竟今天的入場人數是比平日多。
很多父母今天也請假帶著自己的子女來遊玩。
當然也有不少得可能是剛放學，又或是請假的學生，還有來自外國的遊客。
也絕對不少得我們的同胞。
良久，我們也進到海馬公園內。
由於時間尚早的關係，我們也先坐纜車到另一邊玩普通的機動遊戲。
到了鬼屋開放後，才再去玩。
而且越夜玩，好像越有氣氛。
畢竟，大家也會在晚上把自己臉上的妝扮昇華數倍。
在纜車上我和Yoyo並肩坐在一起，有說有笑地聊著。
「陣間玩咩好先呢？」我問Yoyo。
「Um......見你冇咩精神咁樣，就跳樓機先啦！」Yoyo精神奕奕地答道。
「Mother fucker......一泥就咁刺激？」跳樓機我從沒玩過，因為每次去也是帶點不幸地在維修，聽說是很恐怖？
「係咁刺激咖啦，嘿嘿~係咪唔敢玩先？」
「咩唔敢呀......」我口震震地答道。
「你牙都震喎！」Yoyo捧腹大笑地說︰「係喎話說你食左野未咖？」
「咦，係喎！掛住去玩唔記得食野添。」我也快餓死了
「都知你咖啦！我帶左幾條Energy Bar！」沒想到Yoyo會如此細心
「分一杯羹？」我問
「可以呀！但係有條件！」Yoyo就像找到我弱點後，奸詐地笑著說︰「你要陣間比我幫你化妝。」
「你個條件咁苛刻既......」我托著腮子思考了一陣子︰「好啦！見係你先咁咖咋！」
如是者，Yoyo也把兩條Energy Bar給我，先撐著肚子。
在我吃著的時候，聽到有人說︰「小俊男！」
「Yoyo，你叫我？」我問。
「冇呀~做咩呀？快啲食啦！就快到啦！」
「小~俊~男~」媽的......為什麼又有人說話，但是眼前的Yoyo明明在吃東西。
「你搞咩呀......起曬雞皮既？好凍咩？」Yoyo見我抱著身子，便問。
「冇野呀！好大風姐！」應該幻聽而已，為了不讓嚇到她，只好說謊。
當纜車到達後，我很快離開這個鬼車廂。
「走咁快做咩呀呀澤！」Yoyo大喊著。
「好凍呀......」我只好這樣解釋吧。
「咁樣有冇好啲呀？」Yoyo紅著臉拖著我的手︰「見你凍先咁咋！暖返就放手咖啦！」
「咁......我情願......依世都凍落去！」我緊張得口齒也有點不清了。
「食Energy bar食到你懵左呀！？」Yoyo用另一隻手抽打我的後腦。
就是這樣，我們拖著手去玩跳樓機。
她的手，有著陽光般的溫暖，我很想拖著這只手，度過餘生。
「呀！！！屌！！！好撚恐怖呀！」我在跳樓機坐位上大喊著。
「叫乜野呀......都未開始！」Yoyo笑著說。
「營造下氣氛姐！」媽的......原來還未開始，坐在座位上也已經如此可怕，叫我情何以堪。
「唔好緊張唔好緊張！嚇親人啦~」這個Yoyo好像完全不怕似的，但是沒想到，她其實是比我更怕的。
良久，跳樓機也開動了。
我們先慢慢升上去，這過程我已經一直在叫喊著，而Yoyo還是一臉無懼的樣子。
隨後，一下子急速下降。
「呀！！！唔好呀！！！我唔想咁快死呀！！！」這下子Yoyo比我叫我更厲害更悽厲。
在第二次升上去時，我看著Yoyo，她有點想哭。
「唔洗怕既，我地一齊克服依個恐懼佢！好冇？」我深情凝望著Yoyo說。
Yoyo微微點頭。
我捉緊她的手，給予她一份安心的感覺。
升到高處後，再次急降下去。
下到去後，我凝望著Yoyo，原先在她眼眶中的淚水，也跑回去了。
「多謝你呀！今次我冇咁驚啦！」Yoyo紅著臉說。
「我都係呀！咁泥緊依次我地要一齊叫『爽』咖喎！」我說。
「好呀！鬥叫得大聲！」Yoyo開心地說，她的心情回來了。
在這次升上去時，我們也帶著既期待又興奮的心情，從前的不安感也一併消失掉。
很快地，又急降下去了。
「爽呀！」我們一起大喊。
坐在我們旁邊的人可能會以為我們是瘋子來的，但是對我們來說，這刻，世界就好像只有我們。
從跳樓機下來後，我們去了玩激流、VR過山車、海盜船等不同的機動遊戲。
最後我們去坐摩天輪，作今天玩鬼屋前的結尾。
坐在摩天輪的我們，一起看著落日後的餘暉，天空變得火紅，看著這樣的景色，心情也會隨它變換。
我們也沈浸在這個迷人的景色之中。
身體也因為迷人的景色作出了反應，我們都不經意地拖緊了對方的手。
有些心意，不用說出來，也已經讓對方體會到？
夕陽雖然優美，卻很短暫，天空也不經不覺間變得昏暗。
我們也從摩天輪下來，彼此的手又分開了。
「我地出發去排鬼屋咖啦......」我打破了尷尬的氣氛問道。
「好呀......」看來Yoyo回想起剛剛發生的事，因此紅著臉答著我。
「係喎！係咪差啲野未做呀？」突然想起在纜車上應允的承諾。
「估唔到你又記得喎！要幫你化個靚妝先得！」她笑說。
如是者，我們去了附近的廁所門口化妝。
原本的我還以為是會很少人。
但沒想到在廁所門口會有那麼多人化妝。
「唔好周圍望啦頂你！」Yoyo踩著我的腳說︰「再望泥望去就化到你有幾樣衰得幾樣衰咖！」
「唔好亂泥呀！我唔望啦！」
在Yoyo幫我化妝之際，我也一直留意著其他人。
有些原本很醜的人，化妝後真的會變得很美，美得跟另一個人一樣。
相反，也有些人是變得很醜。
幫我化好妝後，Yoyo也替自己化上少少淡妝。
化妝後的她，雖然是很淡，但是看上來猶如天使一樣。
哪有人萬聖節會扮演著天使的。
她，應該就是萬中其一了。
今年有6個不同的鬼屋主題。
而每間鬼屋也有著不少的人流。
把妝化好後，我們先出發去到一個以「鬼太郎」為主題的鬼屋。
聽說從最不恐怖最卡通的開始，在之後會沒那麼怕。
進到去關於「鬼太郎」的鬼屋後，氣氛真的沒那麼恐怖。
只覺得那些鬼怪很可愛，特別是鬼眼爸爸。
在玩完這個鬼屋後，我們還有幸地被鬼眼爸爸和鬼太郎邀請合照。
「3，2，1，咔擦~」我們為了迎合那兩隻妖怪，也一併扮著鬼臉去拍照。
「係喎！我地今日好似冇影過相喎！」我突然發現。
「唔。」Yoyo點頭抿笑，續說︰「要影返多啲先得！」
如是者，我們在前往每個鬼屋的路上一直拍照。
雖然一路上，場景都很幽暗，我們只能透過微光去捕捉我們的樣子。
我們更不時也爭著佔領鏡頭的最大面積，這樣你碰我撞也挺浪漫。
不經不覺間，我們已經玩到最後的鬼屋了。
這間鬼屋的主題是「殭屍」。
是以當年Juno執導的港產電影作為藍本。
人流比起其他5間的還要多。
等了一段很長的時間，我們也終於進到去。
這間鬼屋比起其他不同的是，氣氛真的很恐怖。
儘管知道場景佈置，還有那些殭屍是假的都好，也會嚇到彈起來。
一路上，Yoyo更害怕得貼緊我走。
有殭屍突然彈出的時候，她更會被嚇得整個頭埋進我身子裡。
很快也看見到出口了。
「小~俊~男~......關~澤~」但是，在此時突然聽到有一股很陰森的聲音呼喚著我。
「咩事......呀澤係咪有人叫你呀？」沒想到Yoyo也聽到。
「好似係......我諗冇野既，啲人玩下咖姐。」我裝著鎮定地說。
「唔好走呀關~澤~......」那股陰森的聲音再次說話。
「來者何人！」我護著Yoyo在鬼屋內大喊著，旁邊的鬼怪也比我嚇到。
「嘿嘿！好快你就會知道我係邊個......嘰嘰嘰嘰......」那陰森的聲音詭異地笑著說。
「我地快啲離開依到先啦！」我拖著Yoyo的手很快地跑出鬼屋。
出到鬼屋後，我凝視著Yoyo，原來她正在哭。
我在袋中拿出紙巾替她抹掉眼淚。
把她靠在我的肩膀上。
「要喊就係我膊頭喊啦！比人睇到好醜怪咖嘛傻女！」我輕聲地對著Yoyo說。
「多謝你呀！」她把頭靠在我肩膀上︰「好恐怖呀......我以後都唔想玩鬼屋啦！兩年都玩到喊！」
這刻，靜靜的陪伴，給予她安全的感覺，或許是最好的。
良久，她也從我的肩膀離開了。
可是卻變了做一直拖緊我的雙手。
她，依然是很害怕，對吧？
「我想去一去洗手間先呀！」Yoyo指著洗手間說。
「好呀！我係門口等你！」我答道。
「好呀！唔準走左去咖......如果唔係打爆你個頭！」她是對我撒嬌？
「我唔會扔底你一個既！放心啦！」我向她單眼示意。
可能是廁所太多人的關係，我也等了很久。
回想起剛才發生的事情，其實我也感到不知所措。
只知道，要保護著Yoyo。
是不是關於我家族的問題才會有這樣的情況？
還是回到家再問一下母親大人。
畢竟她常常也提醒著我晚上時要小心點身邊有沒有怪事發生，還有要帶上家族的項鍊出去。
這條項鍊沒什麼特別，就只是一個銅錢，並刻有「關」字在上面而已。
而我卻常常不聽她的話，只一直說她迷信。
數分鐘後，看著她從廁所走出來，她的臉色好像比剛才精神多了。
「走啦！去元朗食野咯好冇呀！？」Yoyo精神奕奕地問道，剛才的不安感也消失了。
「好呀！食咩先！？你話事啦！」我把吃什麼這個責任交給了Yoyo。
「Um......食咩好呢？」Yoyo在口裡唸唸著，看來也有很多東西想吃，幸好最後也得出答案︰「我地去食雞煲好冇呢？」
「可以呀！不過你怕唔怕熱先？」我笑說，10月份天氣倒是很熱。
「唔怕呀！有冷氣咖嘛！」Yoyo舉起姆指說。
「咁出發啦！」我說。
幸好今天一路上沒有碰到建龍和天明。
但，沒想到當我動起這個念頭時，他們卻偏偏出現了在我身邊。
「呀澤，咁岩既？識做啦！」天明又不知從什麼地方拿出了支Whisky對我說。
「Er......下次返學找數。」我只好這樣說。
「唔好唔記得呀！如果唔係......」建龍做出千年殺的姿勢對我說。
「得啦得啦......收返埋你隻手。」我把建龍的手按下，真的很怕有一天會被他這招傷害我的屎眼。
「咁我地走先啦！Bye~」天明和建龍說道。
「佢地邊個泥咖？咁搞笑既！無啦啦變左支酒出泥！」Yoyo抿笑。
「學校同學泥姐，佢地不嬲都咁搞笑咖，癲下癲下咁樣！」我笑說。
很快我們便坐著MTR前往元朗。