每個禮拜二都準時返學校，係因為想同妳係兆康站上相遇: 第八章–巧遇
快到7-11了，我看了看手錶，剛好是20：30。
「時間岩岩好喎。」此時我看見呀天，但是他一直低著頭看手機沒注意到我，所以擦身而過：「喂！喂！喂！呀天！我係到呀！」
「sor9，掛住睇手機冇睇路。」呀天笑著回應我。
「無啦啦搵我食飯既？去食咩呀？」
「屋企人今晚出左去，冇煮到飯嘛。去食......爭鮮？」
「咁頹...板長啦，都係壽司啫。」我有點抗拒吃爭鮮。
如是者，我們便出發，踏上前往元氣的道路。
片刻，已經到達板長的門口。
「痴線...咁多人既。」我跟呀天說道。
「緊係啦，依家晚飯時間喎。同埋，可能個個都覺得另一間頹掛。」總覺得他這番話帶點嘲諷，不過也是開玩笑而已。
接著，我們便在那部派籌機按了幾下，之後便拿著籌站在門口等待著叫號。
「A34。」過了10分鐘左右，就叫到我們手中拿著的那個號碼了。
「兩位，依邊請。」那位服務員友善地把我們帶到去一個很偏僻的位置坐下。
服務員離開後，我和呀天也先開始泡茶和弄好那些芥末。
「終於食得野啦。」我就到快哭出來似的。
「仲講，開餐啦！」呀天答道。
剛開始吃的時候，我通常都不會選擇一些高卡路里的壽司，例如：腐皮壽司、花之戀、三文魚子壽司那些。
因為那麼快填飽肚子的話，在結帳後，便會很快再次進入饑餓的階段。
所以，我在開始時，先吃了帶子、甜蝦、希靈魚等壽司。
之後再吃回三文魚子、拖羅等很有口感的壽司。
以上的知識也是由前女朋友教我的。
或許，每一個女朋友總會教懂自己一些事情是真的。
「呀澤，依舊壽司幾好食喎，成舊白色。佢食落個口感又滑又有噍頭，佢又唔韌唔起邊喎。究竟依舊係咩壽司呢？」呀天他好像沒看過魷魚壽司似的，但是他這種表達方式那麼像某套港產的。
「你唔知咩？依隻咪係北海好出名既牛歡喜壽司囉，依家當造，好難先食到咖，今日你食到就執hi到啦！」我看呀天這樣，不知道為什麼想玩弄一下他。
「吓......認真咩？牛hi人食咖......？」呀天聽到我這樣說後，整塊臉充滿著一副想嘔出來的樣子。
「痴線......你咁都信呀？哈哈。魷魚泥咖咋！」看著他這副樣子，不得把真相供出來。
「我屌你咩......你搞到我對魷魚有恐懼啦。」
「唔好咁認真同我講野啦，依啲好基本咖咋。」
我們一直談著很無聊的話題。
當然我也沒有忘記那個今天在車上偷影我的壞蛋吧。
「哎喲～這個不錯喔。」當我準備吃花之戀、拖羅壽司時，我不忘把照片拍下，然後發給Yoyo進行報仇。
「唉......我岩岩食完晚餐，依家又比你搞到肚餓。」她很快回覆了我。
「咬住手機頂下癮先啦(可憐的表情)」
「依家我垂涎三尺咁款啦，啲口水一滴一滴咁滴落部手機到...好彩部電話防水姐。」如果是真的話，倒是很可怕的說。
「慢慢滴啦(一副挑釁的表情)。」要是我是她的話，一定會把我block我掉一整個晚上。
說罷，我也繼續吃壽司。
「唔好意思呀，我想入一入去果個位呀。」突然有位小姐跟我說，原來我坐下時，在椅子愈推愈後，卡到了要經過的人。
接著，我也繼續跟正在專心吃壽司的呀天聊著。
當我們聊著時，我發現剛剛跟我說話，同時又坐在呀天身旁的那位女生一直望著我們。
但是我們應該不認識她吧。
而且好像有東西想跟我們說似的。
可能是打招呼？
又或是她那位置沒有水和芥末，所以想跟我們拿，但是又怕打擾著我們？
「呀天，你好似有桃花運喎，有個女仔係咪望住你。」我笑著跟呀天說。
「咪玩啦！自從牛歡喜單野，我唔會咁易信你咖啦！」他答道。
「唔好咁小器啦~今次認真咖。」
說罷，他也轉了轉頭望向旁邊的那位女生。
「咦，乜咁岩呀，Grace。」呀天很冷淡地跟那位女生說。
「係呀，你好嗎？你隔離果位係...?」Grace向呀天問道。
「你好呀，可以叫我呀澤。」我作了一個很簡單的自我介紹。
這個Grace看起上來倒是令人感覺很清純很思文，她帶著深啡色的長髮，皮膚比Yoyo更白哲，在燈光的映射下明顯是白裡透紅。而且帶著鵝蛋般的臉形，加上擁有一雙水旺旺的眼睛，櫻桃般的小嘴。只可以說是女神級數的女生。
如果Yoyo是天使，那麼Grace就會是魔鬼的存在。
「但係佢做咩會一個人泥食晚飯既？唔係有新男朋友咩......如果係有，理應仲係係熱戀期既階段咖喎，應該唔會自己食咖嘛。」正當我還在心裡想著的時候，Grace突然向呀天問：「仁傑佢最近點呀？」
「做咩無啦啦咁問呀？佢既事都唔關你事啦，況且比著係你，另一半移情別戀既時候，你會點呀？」呀天答道。
「我諗你企係仁傑角度去諗都明白果種感受既，4年既感情，一句分手話完就完，仲要唔係單純和平分手。白啲講，你咪開心，佢咪傷心囉。」呀天見Grace低著頭沒有回應，所以繼續說道。
「其實唔係咁咖，我都唔想咁做......」Grace眼泛淚光的跟呀天說。
「唔係咁咁係點呀？唔想咁做但係你都已經做左啦！係喎，做咩唔見你果位新男朋友仔既？你......」但是呀天的說話總是咄咄逼人。
「呀天，夠啦......你睇下Grace個樣先啦。」此時，我也開腔先調停呀天。
因為我很怕呀天的說話會更多傷害到Grace。
加上，看著Grace一副很頹廢，一臉悲情的樣子，他們分手這件事我想不會這麼簡單。
因為我還記得建龍說過Grace的為人，不會是那種分手後又隨便找個男朋友的人。
「你叫Grace呀可？我係仁傑既同學仔呀！可能我有啲多事......不過見到你同呀天依家咁樣，我都忍唔住開下口。其實你係咪有啲咩想講比我地聽呀？因為我岩岩都見到你係咁望住呀天，我諗唔會正係想問仁傑既近況掛？」我給了一張紙巾Grace，並向她問道。
Grace點了點頭，接著說︰「其實我都知自己依家係呀傑心中我係一個咩人，但係之所以咁樣做都係因為我既家人唔鍾意呀傑......而我都好清楚呀傑為人，佢亦都好怕失去我，我之所以用咁既方法去同佢分手，而唔直接講原因係因為唔想咁樣而令佢憎我啲家人，寧願佢正係憎我一個。」
「你家人唔鍾意呀傑？咁既方法？」我問道。
「成件事講起可能會有啲長……」Grace答道。
.
.
.