每個禮拜二都準時返學校，係因為想同妳係兆康站上相遇: 第三章–荒廢了的一年

由於她的關係，我一整天都帶著開心的心情。

雖然，不知道她的名字，但是她那個笑容卻清晰的刻印在我腦海中。

然而在今天的課堂上，每當想起那個甜絲絲的笑容，我也是笑著。

要是不跟別人說為甚麼突然會笑起上來，別人真的會當我是瘋子的一樣。

 
當我在吃飯時跟呀天和他的朋友說了這件事之後，除了仁傑之外，其他人也覺得我有點傻。





因為竟然一程車的時間，對一個女生一見鍾情。

不過，這就是青春吧。

在中學時期，有誰不會對一個女生一見鍾情？

更何況是大專或是大學？

「難怪你今日唔理我啦！又話咩望野！原來係因為望個女仔！」此時建龍對我說了這句。





「對唔住囉…但係你地平時坐車果陣冇留意車上面既人咖咩？」

「冇呀…除非真係靚啦。」除了仁傑，另外三人異口同聲地說道。

他們真的很現實，只會去望一些樣貌美麗動人的。

不過，這個確實是吸引自己的第一個因素。

但是，也可能會因為這點而錯過了身邊對自己好的人。





「不過我今日就覺得車上面冇咩靚女喎…」建龍隨後又說了這番話。

「每個人既眼光都唔同既，唔可以因為人地既眼光而放棄自己鍾意既人嘛。就好似欣宜咁，有人覺得佢係女神，但係亦有人覺得佢連女神都不如咁樣。」我說。

 
如是者，我在之後的星期三和星期五也準時回到學校，原因並不是因為英文課。

為的是希望知道除了星期二之外，還有甚麼時間可以見到她。

每天我也在兆康站等待著她的出現，同時我也四周張望期盼著她的出現。

但是這個星期她再也沒有出現。

看來就只有星期二才會見到她。





 
星期五。

放學後，我與呀天人行去了屯門碼頭散步。

原因是因為大家都沒有去過。

而且，聽說那裡的景色也是不錯。

兩個男人去碼頭散步，總是帶著一種gay的感覺。

不過，我們當然不是gay。

去碼頭除了散步之外，當然還會談一下自己的心事吧。





我們到達碼頭後，到附近的便利店買了數罐啤酒，之後找個近海邊的地方坐下，訴說著自己的心事。

海邊的風很清涼，令人感覺得很舒服。

不叫得令人想把心事盡訴出來。

「係呢！呀天，如果唔係因為休學左一年，都唔知會唔會見返你。」

「見就會見既，差在係可能遲啲姐，你唔係諗住到時大個左要結婚果陣，唔比喜帖我去飲吖嘛？」

「又真，哈哈。不過，其實我之所以決定休學，最主要原因唔係話因為香港生活既問題，而係關係我既前伴侶……不過厭世就真既，哈！」

「吓！唔會係因為考DSE前分手掛？因為好多情侶都頂唔順DSE壓力然後分手。」





「果啲都係DSE前姐，而我偏偏相反.....係DSE後。」

「DSE後？唔通佢唔滿意你成績？如果單純係睇唔起自己既話，依啲女仔早飛早著既。」

「岩一半啦！因為佢見我放榜個成績咁樣，只可以讀到found dip，但係佢又可以直入大學，所以果陣都成日鬧架，叫做一個導火線啦。誇張啲講句，果陣既我好迷茫，就連佢都咁樣對我，之後我就連書都唔想讀，係屋企Hea下Hea下就算。」

「一個唔肯同自己捱落去既女仔，好極都有個限度既，我會覺得下一個會更好！而且讀書差唔代表冇前途咖嘛！」

「你講得岩呀！係過左幾個月之後，由朋友既ig得知到佢係ocamp識左新男朋友，果時我真係崩潰左，手都未分就已經同其他男仔搞埋一齊，我唔明點解一個女仔個心會變得咁快。」

「我明既呀澤，女仔份人係好現實，覺得你前途唔好既時候，真係會隨時拋棄自己。不過好彩都叫做黎得早啦，趁依家後生，仲有好多機會既，一對情侶分手，代表有兩對情侶即將會一齊嘛。加上，見你依幾日咁開心，我相信前幾日你係輕鐵見到個女仔都唔錯既。」

「對我泥講係唔錯既，係我鍾意既類型。」

「咁你荒廢既依年做左咩呀，真係日日Hea？」





「係呀！我果陣搬左返去舊居鹿頸果邊住，你應該未聽過既，因為都叫做偏僻。」我笑著說，要不是搬了回去，我也不知道自己能否從黑暗中活過來︰「而且，勝在可以與世隔絕同親親大自然嘛！搬到返去，我每日都同呀爹呀嫲傾計同埋做下農夫，係佢地身上都學到唔同既生活技能既！同埋有時間就去附近行下山釣下魚咁，都叫做幾閑暇。」

「你就好啦，係果邊又有地方住，生活又可以自給自足，我都係住係啲近大自然既地方，始終市區太繁忙太chur啦，連一個休息既空間都冇。係話，乜你冇去畢業旅行咩？」

「有呀，不過就唔係暑假果陣去，係2月情人節果陣去。」

「你唔係自己去旅行咁癲吖嘛？痴線佬呀！」

「係呀！鍾意去邊就去邊，唔好咩？果陣，去左盧森堡果邊。我諗你應該冇聽過一個英文差既人自己走去歐洲，哈哈。我都係當係挑戰下自己，去左一個星期。」

「哇，你去到歐洲咁遠既，唔怕比人溶左咩？」

「係呀，鍾意果邊啲建築嘛，特別係佢果個聖母院，米白色既牆身，歐洲既建築風格，陽光透過教堂上方既花窗玻璃透射入去，牆身上面又有住唔同既壁畫，真係好引人入勝，有機會一定會再去多次。係喎！咁你今年去左邊旅行呀？」

「我好普通咋…同天明、建龍去左台北果邊搵啲網友食飯，因為果陣LoL識左個幾Nice既台灣人，然後佢就搵左2日帶住我地3個周圍玩，都認識左好多當地既文化，同埋去左一啲旅客都唔會去既地方。

「咁好既，如果我都識到啲網友就好啦。係喎，咁仁傑佢呢？」

「仁傑佢自己同女朋友去韓國呀！有女冇兄弟......不過都係講笑姐。」

「原來佢有女朋友咖......哇！我地都傾左好耐下，一傾就傾到依家黃昏啦喎，影張相留念下先。」我拿了手機出來看一看時間，再打開相機說︰「1, 2, 3 咔擦！」

「喂，你影乜春天呀？」呀天問。

「影日落囉......」

「屌你我以為係話一齊影添。」

「講笑姐！唔好緊張！」

我跟呀天合照後，便一起坐輕鐵回家。

 
回到家後，覺得整個人都放鬆下來。

大概，是一種釋懷吧。

很多心事，從前都沒有傾訴對象，但是今天卻一一吐了出來。

但是有種遺憾，因為沒有對著海邊大叫一聲。