我和李嘉欣的兩年零六個月: 第一章:相遇

一提到李嘉欣大部分人會想起明星的那個李嘉欣。
可惜我的故事不是奇幻類，只是真真實實一個普通的李嘉欣。
世上嘉欣何其多。有黃嘉欣、林嘉欣、李嘉欣。隨便在街上叫一聲都有十個人回頭。而我的李嘉欣就像柯景騰的沈家宜一樣，是每個人回憶中的女神。
——————————
「睇波丫Ben!」一個籃球在空中以直線向住我個頭接近。聽到呢句響而亮的警示言後，我以0.0001秒作出反應，把頭向左邊移動，然後迎面撞上。噢⋯⋯原來個波落左西。
「你無事丫嘛？又掛住丫冰？抖下先啦。」
先介紹我呢個兄弟，佢叫做丫衡。我同佢由中一識到而家，兩個人friend過打band。而佢口中ge丫冰，係⋯⋯ 咪著，我未介紹自己。我叫Ben，一個讀緊護理的Year 3 大學生。而丫冰係我O camp識。中意左佢三年，見證佢同另一個大學識的朋友拍拖。不知不覺自己做左佢隻兵，隨傳隨到。幾時同男朋友嗌交，搵我出黎呻，定期派軍糧，令我不能自拔。
「你仲中意丫冰？不如放棄啦！」
「我都知同佢係無可能，但係總會不自覺地繼續沉迷落去，唉⋯⋯」
「我女朋友有個同學，未拍過拖。介紹俾你識下，好過而家咁。」




「好啦，當識個朋友。」
「就咁話，不如約唱K。我安排。」
————————————
一個月後，我地約左元朗唱K。先在元朗西鐵站集合，再一齊坐輕鐵去。我約人一向早到，於是我早早站在出口，㩒著手機等待。數分鐘後
「Hello！」只見丫衡拖住佢女朋友，兩個人開開心心對我打招呼。他們身後傳來另一聲Hello。只聽聲音柔弱得來帶點溫柔，令入不自覺想知聲音主人的真面名。終於，一個斯文清新的女孩從他們身後走出來。她身穿白色長裙，腳上配著一對銀色平底鞋。忽然有一陣氣味傳來，我認真嗅了嗅，是仙氣！
我對著女孩打招呼：「你好，我叫Ben，點稱呼妳？」
只見女孩笑了笑，回答：「我叫李嘉欣。」