掛足三年嘅十號波: (四十三)

(四十三)
阿君離去後，我忙問道:「有冇阿凡同榮少消息?」，男秘書只是搖頭回應。我追問道:「榮少應該有無線電喺身架喎!」

男秘書答道:「聯絡唔到，可能受到干擾!放心，我地會盡力搵佢地!」

在這生死悠關的時刻，我很難想像會有人願意去找阿凡和榮少，不過對方這麼說，我唯有相信，不然可以怎麼樣?

此時，我感到許信恆不信任的目光，我道:「你放心，如果到最後一刻佢地都唔出現，我一定會開迦樓羅號走!」

許信恆笑道:「有梁小姐同佢個女係度，我唔擔心到時你會唔肯走，我係擔心你嘅駕駛技巧同航線姐!」





我細想一下，似乎找河利問問會比較妥當，道:「河利呢?佢喺邊?我想搵佢傾下!」

男秘書答道:「河利先生佢仲未醒，喺第三層果度治療緊!」

我不禁嘆了一口氣，看來不可以指望河利，只可以靠自己。我小心翼翼地坐下來，再次進入藍色的世界，正前方出現了一段文字。

「系統語言切換完成。」

我心裡不禁暗叫了一聲「太好啦!」，對操控迦樓羅號的信心又強了兩分，脈前的按鈕都多了一些中文，我忙找尋一些比較有用的按鈕。





「搵到啦!」，我高興地道，同時按下寫著「地圖」的虛疑按鈕，眼前的場景馬上切換成世界地圖，忙把VEDA裡的座標輸入系統中。地圖上立即出現了一個閃爍的標示物，那標示物位於印度的東北部，正當我想放大來看時，卻找不到相關的按鈕，心裡馬上產生這地圖怎麼用的疑問。

幾乎同時，腦海出現一把柔和的聲音，說明這個地圖系統的基本操作，簡單來說就像科幻片中的立體投射電腦一樣，張開手是放大或開啟，把手收起來是縮小或關閉，抓著不同圖示疊起來，可以產生混合地圖，十分簡單易用。

我馬上把地標附近的地型放大來看，此時許信恆忍不住道:「陳先生，你睇緊咩?可唔可以放埋係個屏幕上俾我一齊睇?」，我想多個人看，給些意見也是好的，花了點時間成功使地圖在屏幕上同步出現。

我介紹道:「閃緊嘅地方係河利比我嘅位置。」，一邊說一邊把地圖放大，許信恆詫異道:「印度嘅熱帶雨林?去果度做咩?」

我聳肩道:「咁我就唔知啦!不過係河利比嘅位置，點都要去睇下!」





許信恆點點頭道:「嗯!不過比起目的地，我想問你打算點穿過風壁，離開『濕婆』嘅範圍?」

我呆了半晌，答道:「係海底深潛穿過去得唔得?」

許信恆答道:「理論上可行，不過香港比較深嘅水域都唔夠七十米，呢個深度冇可能唔受風力影響。」

我抓抓後腦，道:「咁呀...唯有維持迦樓羅號喺風眼位置，跟住『濕婆』走，直至去到比較深嘅地方。」

許信恆似乎不大滿意道:「兩個問題!一，個風嘅走向，上岸就好危險。二，我地嘅食物有限，最多捱到半年。」