掛足三年嘅十號波: (二十九)

(二十九)
剛起來的我感到有點肚餓，忙從背包拿出一包MRE來，遞給榮少道:「喂，你食唔食?」

榮少看了一眼MRE上的號碼，道:「屌!又係Tortellini，你悶唔悶啲呀!我要食雞肉麵呀!」

我收回手上的MRE道:「真係麻撚煩嘅姐你!雞肉麵好似係6號呀，你自己睇下阿凡個袋有冇!」，說罷便自顧地打開MRE，先拿最方便餅乾吃起來。

不知何時，阿凡走到我身邊不遠處，呆呆的看著我，不時咽下口水，我笑著把手中的餅乾給了他。阿凡像是餓了很久似的，不停地把餅乾塞進口中，不一會已把手中的餅乾吃得一乾二淨，我只好把整包MRE給他，自己吃另一包。

阿凡笨拙地打開各種食物包，直接用手掏出食物。把這一切看在眼來的我，感覺到鼻子酸酸的，因為此時的阿凡就像是一個智商有問題的小孩，好好端的怎會變成這樣?





此時，榮少自言自語道:「估唔到阿凡竟然拎埋黎!」，我聞聲道:「拎咩?」，榮少手中持著VEDA揮著，我心中立即出現了一個模糊的想法。

我從榮少手中把VEDA過來，翻來翻去地研究著，下意識地把VEDA放在後腦中，眼前突然變成一遍白色，然後浮起一段文字。

「YOU DON’T HAVE PERMISSION TO ACCESS THE VEDA.」

我忙把VEDA拿離後腦，眼前的文字消失，境像回復正常。我為正實心中的想法，忙把VEDA置於榮少後腦，問道:「你見到啲咩?」

榮少雙眼突然像失去了焦點似的，一臉愕視道:「吓?咩話?我...」





我答道:「你冷靜啲，話比我聽你見到咩!」

榮少馬上會意，點頭道:「嗯...初初淨係見到白色，之後出左句野，不過我唔睇唔明…咦?轉左喎!」

我興奮地道:「嗯!啱啦，我果陣都係咁!」

榮少一直看到不同的文字，大概數分鐘後，道:「英文黎嘅? YOU DON’T HAVE PERMISSION TO ACCESS THE VEDA.」

我把VEDA從榮少後腦拿下來，道:「你明唔明?」





榮少深思一會後，長長呼出一口氣道:「呢舊究竟咩黎架?點解... 點解...」

我打斷他的話道:「呢個就係VEDA嘅使用方法!只要將佢貼住後腦，就好似..就好似VR GAME咁，係一部虛擬實境嘅電腦，不過我地冇權限所以登入唔到!阿凡琴晚一定係訓果陣用左個袋做枕頭，成功登入左VEDA先搞成咁!」

不知何時，阿君已醒過來，道:「唔似喎，點解孔雀要咁害阿凡?要害佢唔洗搞咁複雜，阿凡暈左果陣就可以害佢啦!」

我自言自語道:「一定係有咩地方搞錯左...邊度出左事呢?」，此時手上正好摸到VEDA上的凹痕，忙問榮少道:「頭先你覺唔覺畫面有時會跳一跳，同埋有啲雪花?」

榮少點頭道:「你講開又好似係!」

我指著VEDA上的凹痕道:「你估部野係咪撞到壞壞地，先搞到阿凡咁呀啦?」

阿君皺眉道:「咁就麻煩啦!我地又唔識整番好VEDA，睇黎要搵到孔雀先可以幫到阿凡!」，阿君的說話使我和榮少感到十分泄氣，怎麼能找到孔雀呢?