偶然的機會下中了六合彩 從此展開荒淫不羈的生活: 09

話咁快就黎到上船出海呢一日。
 
我拖住我女朋友——嘉欣，企左響一艏三層高既遊船前面。
 
肥聰呢條友仔真係唔講得笑，我望住船上依靠在欄杆既少女，個個都已經換曬性感既比基尼，青春嫩口的。
 
「仲望，到曬啦，等緊你一個，上黎啦。」肥聰企響正中間，對住我大喊。
 
「好。」於是我就偕同嘉欣一齊上船。
 


原本佢係唔想黎的，因為話要反工難就時間，但最後響我比左筆錢佢之後，終於都願意跟我黎。
 
至於係幾錢我就唔方便透露啦，廢事你地又話我on9。
 
岩岩先上到船，我就feel到架船開始慢慢郁緊，往海中心出發。
 
「點啊，頌哥，咁既場面滿唔滿意?」只見肥聰企左響通往船身甲板平台既樓梯上，左手抱住條身材火辣辣既美女，一面風騷咁對住我淫笑。
 
哇，果一瞬間，我先終於明白到，原來有錢真係可以為所欲為。
 


上星期過左兩百萬比肥聰搵女真係物超所值。
 
真係有d後悔帶埋嘉欣黎，雖然嘉欣整體黎講都係好正，但食得楊州炒飯多，都想試下茄汁意粉.....
 
尤其係當你面對住咁多波濤洶湧既對手時，更加難保持到清醒既理智。
 
「啊嫂好!」四眼龍同傑仔異口同聲咁大喊一聲，佢兩個既身邊都分別有個妙齡少女餵緊提子比佢地食。
 
當然比基尼係最基本既裝備。
 


嘉欣就頗為尷尬咁點點頭。
 
「傻豬，我帶你去換衫先?」我開口提議。
 
「好。」
 
上到黎，緊係咩都唔好講，即刻去換番套比基尼，Show下身材先啦。
 
「呀頌，我地響上面甲板度等你。」四眼龍講完呢句後，就連同傑仔一齊上左去。
 
我同嘉欣入去換完衫之後，就一齊行左上黎平台甲板。
 
講反艏船先，一共有三層高，最頂果層係一個長方形既露天平台，四邊有張白色沙發圍住，中間有張台，應該係比人夜晚上黎飲酒吹水用。
 
至於二樓就有d比較休閒既遊戲活動，比如桌球、麻雀檯等等果d都會有，當然唔少得就係響船頭位置既露天平台。


 
而佢地就係響出面果張太陽椅上面曬緊太陽。
 
「我地呢次出去諗住玩幾日?」我行到去四眼龍隔離問。
 
「如果玩得開心，你想唔返黎都得啦，係咪先，趙老闆。」
 
「屌你，講呢d。」我揀左張冇人既太陽椅訓低，望住周圍著住性感比基尼行黎行去既少女，一直間都反應唔過黎，以為自己發緊夢。
 
「頌哥，你以家仲剩反幾多錢，咁玩法仲夠唔夠錢買零件?」傑仔突然間行埋黎我身邊問。
 
「傑仔好心你啦，大過仔啦，唔好仲係成個毒撚咁日日匿埋響屋企砌模型、打飛機啦。」四眼龍搶話說。「你睜大隻眼望下現場，有十幾條女響度，唔好曬左個機會，肥聰過黎帶傑仔去溝下女，唔好阻住我同頌哥傾正經野。」
 
其後，肥聰就過黎將傑仔拉到班女女中間跳舞。
 


「你唔覺得咁樣好似太突然?」我趁佢地行開左，就籍機問四眼龍。
 
「有咩咁突然，呢個行程我地已經響上星期就講好左。」四眼龍拎起一杯我唔知點讀既雞尾酒慢慢品嚐。
 
睇黎佢真係好快就適應到呢種生活。
 
「唔知，但我硬係覺得一定會有d唔好既事情會發生。」
 
四眼龍停左一下，指住前面不遠處既傑仔同肥聰，佢兩個已經完全融入到班女當中，大家玩得有講有笑。
 
「唔好諗咁多啦，學下佢地咁，開開心心同d女仔玩下，增進友誼，話唔埋仲會有預想不到既艷遇。我問你人生最重要係咩呀，咪就係及時行樂囉。」
 
我似是而非咁點點頭，或者真係我諗得太多吧。
 
遊艇響飄泊不定既海平面上逆向前行，激起一串串浪珠，左右搖擺不定既船隻上，令我感到陣陣暈眩作噁，於是我就告辭左佢地幾個，落到去下層房間休息。