偶然的機會下中了六合彩 從此展開荒淫不羈的生活: 07

廁所門外。
 
我仲響度十五二十，諗緊應唔應該入去好，始終男女受受不親，更何況佢又係我二家姐......
 
就響此時，子晴再次呼叫我個名，於是我就硬住頭皮開門入左去。
 
結果，入面情況同我所幻想的完全不同。
 
「咸濕仔做咩眼光光咁望住我，係咪以為我冇著衫。」子晴跪坐響瓷磚地上，摸著後腰，面露痛苦。
 




「唔.....唔係。」我望住淨係圍左條白色浴巾既二家姐。
 
額....的而且確我一開頭係以為佢咩都冇著，以家見到咁樣難免會有小小失望。
 
「望望望，仲唔快d黎扶我起身。」
 
「哦...係。」我行上前，將子晴攙扶起來。「岩岩搞咩黎?」
 
「我原本想擺放d野櫃頂，點知唔小心就跌左落地。」子晴邊說，邊將身體靠近我，我可以感受到佢對軟棉棉既肉球頂響我胸膛既感覺。
 




「唔夠高就搵幫手啦，又唔知自己生得矮。」我伸手攬住佢條腰，將佢扶出沙發。
 
「肉鬆仔你講咩啊，夠膽就講多次。」
 
「何止一次，我講多十次都仲得。」
 
「哼。」子晴比我激到冇野講，塊面另埋一邊。「唔知點解，我硬係覺得你今日同平時唔同。」
 
「有咩唔同？」我都幾好奇平時既我響二家姐眼中係個點樣既人。
 




「我都唔識講。」子晴諗左一陣。「平時既你感覺成日都無所事事，ｏｎ９９咁。但你今日個氣牆變得唔同左，好似. . . .好似變得自信左。」
 
「你就ｏｎ９９，我不嬲都咁有自信。」我會心微笑，當然知道係因咩事而變成咁啦，但我冇諗住咁快同佢地講。
 
就響呢個時候，我部爛鬼三星note 2手機傳來一條信息，睇黎我都要搵日去換左呢部爛鬼電話先得。
 
「頌哥，出黎打機carry我。」
 
「好。」我覆反佢信息。
 
佢係我個死黨之一，叫肥聰，人如其名，普普通通肥仔一個，因為我響佢身上搵唔到任何特別之處，所以我都唔識點介紹佢，總之就係個肥仔啦。
 
轉眼間，我就出左i one網吧。
 
「肥聰，如果比你中左六合彩頭獎，你會點用?」開場唔夠十分鐘，我已經用隻劫打到9/0/2，呢d咁既鑽一場對於我黎講易過食生菜，以我既資質，絕對有能力問鼎台服菁英第一位。




 
但冇計，腦殘既人太多，搞到我仲卡左響鑽一上唔到，睇黎我都要搵日比錢人幫我代打上去先得。
 
「仲洗問，緊係搵反條女破處先啦。」肥聰突然賤笑幾聲。
 
又係既，以佢個死人毒撚既性格，除左成日諗埋曬呢d野之外，我唔認為佢會有咩大計。
 
「係wow，轉頭可唔可以上你屋企，我好掛住你大家姐對長腿，嘻嘻，佢今日響唔響度，帶我上去望下啦好兄弟。」
 
「食屎啦你，成日淨係掛住上黎我屋企偷望我家姐。」
 
除左佢之外，我其他fd個個上黎我屋企都係為了偷偷望下我兩位家姐白雪雪既美腿，我早已見慣不怪。
 
「不如我地去搵四眼龍？」我提議。
 




我之所以會想搵佢，係因為佢算係我幾個死黨入面頭腦最聰明既一個，我想請教下佢d錢應該點用好。
 
因為我從來都冇理財觀念，又完全都唔知頭獎d錢點用好，其實我有諗過買反層樓揸手，但我諗住以家既然有地方住緊，所以覺得冇咩必要。
 
「叫唔叫埋傑仔，佢應該響屋企打緊飛機。」肥聰問。
 
「好。」
 
畢竟一人計短，二人計長，三個臭皮囊勝過一個諸葛亮，話唔埋佢會有d咩特別既諗法呢。
 
於是，我同肥聰就上左四眼龍屋企。
 
才剛到埗，我就已經見到佢地全部人坐曬響個廳玩緊ＰＳＰ。
 
「點，你叫曬佢地黎我屋企，係咪有特別野要宣佈？」四眼龍抬頭，托左一下眼鏡，做出神探伽俐略既招牌手勢。




 
果然所有事都逃唔出佢對眼睛。
 
我環顧四周，現場四眼龍、傑仔、肥聰，呢幾個都係我出生入死既好兄弟，所以我決定同佢地分享我既喜悅。
 
「我中左六合彩頭獎. . . . . . .５６００萬港幣。」我望了佢地所有人一眼，說。