「係依個異世界努力咁生存落去啦！」

序章


——————————————————

「喂！起身啦！仲想訓到幾時？」

一個既熟悉而又令人覺得煩燥嘅聲音嘈醒咗我

「喂！起身啦橞！今日開學典禮吖！快啲起身啦！」





「得啦！得啦！我已經聽到啦！唔好煩我啦！」

我唔耐煩咁答返啊媽，同時一邊換衫準備去刷牙食早餐。

「又係三文治吖？每次都只係得雞蛋加落去，你唔厭我都煩啦！」

「唔鐘意就唔好食！仲有依家新學年要好好聽話吖！阿媽我已經唔可以照顧你好耐。」

「得啦，我已經聽過好多次，啊...就快趕唔上班車，我走啦！拜拜！」





「小心啲吖！」

一個如同日常嘅生活....結果開始咗我唔再日常嘅生活。

—————————————————

係車上帶住耳機聽住歌返學依段路，永遠係我最享受嘅時光。

「希望一切都可以順順利利啦......」





返到學校，同一班好朋友嘿嘿哈哈咁相見，跟住又要上禮堂聽嗰啲十年冇變嘅開學致詞，永遠都有催眠作用，我不禁合上眼睛......。

「咻....！BOOM！！！」

「發生咩事吖！？」

當我咁嗌時，發現周圍已經變得漆黑一片得返自己一個，而禮台上突然有一個散發住紫光嘅圓形洞，佢有好大吸力咁吸住我，當時已經知道再嗌救命已經冇用....

係我經過咗同哆啦X夢一樣嘅時光隧道，一陣強光沖向我，當我開眼嗰時、發現我係一個塔上面，而面前只有一大片草原。

「依度.....究竟係邊度...？」

「喂！細路，你係度做咩？依度唔係可以隨便入黎嘅地方。」





「細....細路？你講緊我？」

身後突然出現一位睇落去得13、14歲，短髮、頭上帶住頂貝雷帽，著住戰鬥服嘅女仔望住我

「依度得我同你，仲有邊個？」

「你話我係細路，點睇我都係大過你啦....喂！你突然攞住把大劍對住我做咩吖？」

「你咩意思吖！我只係發育比其他人差！但我已經18歲架啦！」

雖然唔知把大劍係邊度攞出黎，但佢突然衡向我，我淨係知道自己生命有危險！

「好！好！好！，對唔住！我錯啦！我同你道歉囉！」

我立刻擺好POSE同佢道歉，始終生命重要。





「哼，一啲骨氣都冇、不過我接受你嘅道歉」

「多....多謝」

「突然咁衡向你我都有錯，講聲唔好意思先，不過睇你嗰樣都應該唔係其他國家派黎嘅間碟。自我介紹先，我叫做「式」，係依個禁忌之塔嘅守門人，就咁多！細路你呢？」

「呃....我叫做橞，中學生、17歲、係香港住，我今日突然比啲奇怪嘅嘢吸咗入去，跟住就黎到依度....」

「香港？冇聽過喎，睇黎今次禁忌之塔又召喚啲其他地方嘅人黎。細路，你聽住，禁忌之塔召喚過唔只得你一個人，不過對上一次召喚已經上個世紀之前，所以慣例要帶你去見下國王問佢點處理你，唉....真係麻煩，好揀唔揀到我任職先黎搞啲咁嘅嘢。」

跟住嗰位少女....呃唔係...「式」跟住又唔知係邊度攞咗本書出黎，突然大嗌

「Teleport！，喂、細路，跟我黎！」





人生真係充滿驚喜，估唔到咁嘅異世界劇情會發生係我度，真係唔知開心好定傷心好，唉.....。

序章-完