我的校花女友去參選港姐: 後話片段：

整件事的發生，好像都不容我去選擇，唯一較有操縱權的，便是肥仔同學的「金石良言」。。 到底我有冇去「積穀防饑」呢？

頂，當然有啦！！

所以我非常感激肥仔同學，我私人買了半打女人底褲，返到屋企，洗了它們兩三水，之後轉賣給他，係咁宜，打算賺他「八個開」。

「嗱，肥仔，咪話我唔報答你嘞，我同 CC 而經分咗手。。佢啲底褲我唔想 keep 喇，之前佢未做港姐，你都肯出兩百蚊一條啦。。而家 double 都值啦，係咪先？」

肥仔同學笑笑口拿出比上次更大疊的金牛，( 我見到佢咁有米，內疚感即時下降 )





「無所謂啦，我大把，分啲畀你洗，至緊要大家happy 。。係咪咁話呀，我 keep 兩條自己玩，另外嗰四條，玩完再炒高佢賣，仲有得升值呀，哈哈。」

肥仔同學果然厲害，我以為我捉他水魚，想不到他一反手，便點石成金。

「哇，果然犀利，唔撚怪得之你咁有米啦。」

「Dee，炒底褲賺得幾多吖，益吓啲朋友啫。」

「係咁你因乜事咁掂㗎？過兩招嚟吖。」





我已經深信肥仔同學的本事，即使他蠢到買我的「假底褲」。

「無所謂啦，你有興趣嘅話，我可以叫佢哋侵埋你玩。」

聽落好像真的有門有路：「我有呀，玩乜嘢㗎？」

肥仔同學笑口：「『倫敦金』，賺硬㗎！！。。我識得有條女。。畀你個 wechat  我，我叫佢加埋你吖。。佢仲好正嘅添呀。」

「咁筍？！」





「就係咁筍。。『倫敦金』！」

「喂，我真係有興趣喎。」

「無問題，只要你呢六條底褲，原價兩百蚊—條，另外再『買一送一』，得唔得吖？」

我 X 佢老鹵。。 正當我猶疑之際，肥仔同學拿出手機，show  了我一個 wechat  戶口 profile 和頭像。。我一看見。。

「屌那媽，好，成交！！」

。。。。。。。。。。。。。

筆者在此替下一套作品「狐狸遇上狼」，做吓個勢先。