(校園/純愛/籃球) 《我係插班生，我追緊一個冇人追到嘅女神》: Chap. 4 - 我們的第一次告白

到了星期六，可琳和肥絲真的來了，她們平日穿校服都已經很清純可愛，今天的打扮更能顯出她們的青春活力。可琳身穿白色T恤配粉藍色短裙，並戴上一頂白色鴨嘴帽；而呀欣就穿藍白相間的T恤配深藍色熱褲。灝楠看到肥絲馬上雙眼發光，走過來跟我說。
 
「呀然呀然！呀欣嚟左呀！佢今日好靚呀！」
 
原來肥絲叫呀欣。
 
「我一早知佢會嚟啦，我叫可琳帶埋佢嚟架。」
 
「我愛你呀然！」，灝楠嘟起嘴衝向我。
 




打鬧很快就停止了，等着我們的是練習。
 
練習的過程中我當然不忘偷看一下可琳，我不否認可琳今日的穿搭很吸引，但更吸引我偷看的是我對她的感覺。我不自覺地會心微笑了一下，但怕被她發現，只好忍住。有女孩練習的時候來看自己，感覺就像女朋友去看男朋友打球一樣，但願日後所有的時刻，都有她在旁⋯⋯
 
到了下午六點，我們的練習到此為止。可能起初想給可琳看看我打球時的「英姿」，一直都拼盡全力地練習，疲累感一下子湧出來，連一步都走不動，只好叫灝楠扶我回家。呀龍呀鋒呀文離開後，我都向可琳道別。
 
「Bye～你地想嘅話下次都一齊嚟玩下呀。」
 
「你地咁努力，我地都想嚟支持下，同你地打氣嘅～不過唔好誤會喎，我班際賽都係支持自己班。」可琳吐一吐舌頭。
 




我回頭打算找灝楠一起回家，發現他在跟呀欣表白。
 
「呀欣呀，其實我一直都好中意你，但係我唔敢講。今日難得可以約到你出嚟，想借呢個機會同你講我嘅心底話。我由中二識你嗰陣己經我中意左你，我知我樣貌唔出眾，怕襯你唔起，但係我真係好想同你係埋一齊，你願唔願意做我嘅女朋友呀？」
 
「你話你怕襯唔起我，即係冇自信。你中二就中意我，到而家先講，即係冇決心冇膽量。我係唔會同呢啲嘅男仔一齊架，你到某日證明到捭我睇你對自己有自信有決心有膽量，我先再同你一齊。」
 
「我明白啦⋯⋯你要等我呀！」
 
灝楠低着頭走過來，把我手搭在他肩膊：「走啦，我扶你返去，你今日咁搏命。」
 




我聽得到他壓低了聲線，盡量不讓我們聽到他顫抖的嗓子。
 
「唔緊要啦灝楠，佢捭左機會你，證明佢冇對你反感呀」
 
灝楠沒有回應我，只低着頭。
 
我停下腳步，「唔好咁啦，佢都冇話以後都唔同你一齊，可能仲有機會呢！」
 
我說畢後想看灝楠有什麼反應，只見他眼神異常堅定。
 
他用那堅定的眼神盯着我，「佢話我冇自信冇決心冇膽量，我星期一早會嗰陣就要證明捭佢睇。」
 
看來灝楠真的很愛呀欣，平時只會嘻皮笑面的他，這次竟然那麼認真。
 
「叮咚叮咚～」




鐘聲響起早會的信號，而我卻未見灝楠的蹤影。我和呀鋒等三人先到操場排隊，準備前往禮堂參與早會。
 
「灝楠病左呀？唔見佢嘅？呀然你嗰晚同佢走嗰陣佢冇咩嘢呀嘛？」呀文按捺不住好奇心問道。
 
「嗰晚我同佢⋯⋯」，我還未說到重點，說被一把聲蓋過。
 
「喂喂Testing。我係4A班陳灝楠。今日我要係度同大家講一樣嘢，特別係同4B班梁婷欣講嘅。我要贏學界冠軍！就算冇呀然冇呀龍冇呀文冇呀鋒，我都要打！我要證明捭你睇我唔係以前嘅灝楠，我唔會再因為淆底就唔敢做！」
 
所有人聽了都大聲叫囂，現場一片掌聲和歡呼聲，也聽見有人大叫：「撐你呀灝楠！為校爭光呀！」。我看一看呀欣，見到她笑了笑，我想，灝楠是時候要出Pool了。
 
灝楠隨即被訓導主任李老師帶走了。我們作為兄弟兼隊友當然要齊心。我們衝到李老師面前，為灝楠解圍：「唔好罰佢啦，佢一時癡左唔知邊條孖筋先會咁架姐。」
，可惜李老師不只沒有作罷，還說我們講粗言穢語，要一併懲罰我們五人。
 
我們被罰站在訓導處門外，目睹李老師離開後我馬上告訴灝楠剛才見到的情況。灝楠面露笑容，而那種笑容不是開心的笑，不是犯傻的笑，而是會心、窩心地笑。
他說不會因為婷欣這樣一笑就覺得這段感情志在必得，反而要真正兌現承諾才能給婷欣安全感。




 
放學後我們沒有因為被罰而不練習，為了4A班，為了可琳，我十萬個不願意都會努力。可琳見我們練習就走過來搭訕：「你地今日朝先捭人罰企，而家又嚟練波，唔攰咩？」
 
我搶答道：「我唔想架，捭人捉架咋。」，不然會被灝楠講到我很樂意練習，「係喎，呀欣呢？」
 
可琳指住柱子，「係嗰邊呀，但係因為今朝嘅事，佢唔想見到灝楠住，一嚟驚影響佢，二嚟又怕尷尬。你地繼續練習啦，我地返去做埋啲功課先。Bye Bye～」
 
「喂灝楠！」，呀鋒大聲嚷道，「你諗住點搞掂呀嫂呀，旅行日就到啦。」
 
對了，旅行日快到了，我都要好好準備一下。
 
誰知灝楠說計劃泡湯了，兩班的班主任都不批准聯班旅行。
 
每日練習讓我覺得時間過得特別快，但明明我並不享受練習的時間。霎眼間就到了學校旅行日前兩天。我們如常地在學校練習，不同的是今次還有可琳和呀欣。
 




呀欣還在因為灝楠當日的事而害羞，低着頭怕跟他有眼神交流。
 
我和灝楠都有各自喜歡的人在場，打得特別落力，即使對着呀鋒呀文呀龍三人的防守都沒有放在眼內。
 
灝楠有着行雲流水般的運球技巧，球從左至右經過他跨下，呀鋒已經被晃得一跌一拐，灝楠找緊呀鋒失平衡的一瞬間，把球從背後畫一個半圓，繞到左邊，再用右腳作軸心，用球作筆，就像圓規畫圓一樣轉身，把呀文也過掉，由於灝楠上籃手感差，他作一個假投球動作，把呀龍都吸引過來並起跳後，我見狀立即走向籃框，灝楠把球繞到呀龍腰間後方的位置並把球向上和向籃框偏左拋，這個角度不是亂拋，而是空中接力傳球！我盡全力跳起，騰空把球牢牢抓緊，但籃框已在頭上，我把球拉下來，在半空用球從左至右畫一個半圓，並用指尖輕輕挑起籃球。球擦一下板後便進了籃框。
 
灝楠和我完成這記漂亮的空中接力後一致地望向心上人，只見她們目瞪口呆。
 
我和灝楠碰一碰拳後作下一輪進攻。這次由我給灝楠製造投籃空間。我由呀文和呀鋒守住，而呀龍則一人守住灝楠。一開球我便在鎖匙圈位置背着籃框要球，灝楠亦很有默契地把球傳給我後準備跑到我身旁，然後中途突然變向攻向籃框。他速度比呀龍快很多，很輕易便拉出距離，集中於我身上的呀文和呀鋒不知道灝楠越來越近籃框。我沒有再看灝楠的走向，而是與坐在場邊、面露紅暈的可琳對視，然後把球往身後彈地傳給灝楠，不用看也知道這球必進無疑，所以視線沒有離開過可琳。
 
隨着這波進攻的結束，今日的練習都結束。灝楠提出送呀欣回家，呀欣都點頭答應。灝楠向我打眼色，示意我也趁此機會送可琳回家。於是我就跟可琳說：「呀欣有人送，咁你咪要自己一個人返？不如我送你呀？」
 
「咁⋯⋯好啦！」
 
我們一路上沒有說話，氣氛異常尷尬。正當我打算打開話匣子時，可琳突然停下腳步問我：「你覺得我點呀？」




 
「下？誒⋯⋯我⋯⋯覺得你好可愛，好想保護你，呵護你，但係又有種摸唔透嘅感覺，好似明明係眼前，但係又有段距離。」
 
「哼！你係第一個冇讚我靚嘅人呀！」
 
「唔係呀！我覺架，我講漏左咋⋯⋯」
 
「傻佬我玩你咋～你係第一個冇讚過我靚嘅人，都是第一個話覺得同我有距離。」，她繼續說，「灝楠應該有講過冇人追到我，係因為個個第一次見到我就話好靚，可唔可以做佢女朋友，而你同佢地唔同，你永遠對住我都係最真嘅一面，我知你中意我，我感覺到，但係你竟然係想慢慢一步一步咁拉近我地嘅距離，證明你係真心中意我而只係唔敢講，係咪？」
 
我面紅得比夕陽要紅，比火要熱，她竟然知道那麼多，我只好承認：「係，我係中意你，我都好想做你男朋友，但係我知而家嘅我未係時候。我連籃球隊都未敢入，根本唔配做你嘅男朋友。你可唔可以應承我一件事？」
 
「可以」
 
「你未聽就知我想你做咩？」
 
「因為我信你。」
 
這一刻我很想衝上前緊緊的抱着她，但我知我不可以，所以我忍住了。
 
「好！你要等我，等我贏到學界冠軍嘅嗰一日⋯⋯」
----------------------------------------------------------------------------------------------------------
大家可以Like我FB同Follow我IG，會有最新資訊，歡迎各位PM我～
FB Page：若然
IG：@_ifulove_