我係大學嘅私家偵探: 小感言

好喇，故事終於完喇，係時候發表下個人感受。

首先第一句，最後一章係冇任何好爆嘅嘢，哈哈，純粹交代主角嘅結局。

好啦，明明呢個故更短，人物更簡單，但我偏偏覺得難寫，原因係我嘅構思要好好，先可以令主角變得有趣，令情節變得有趣，同時又要合理合邏輯，唔同殘殺故同鬼故
咁，本身就好容易吸引到注意。

關於主角嘅設定，其實係頗簡單，一個貪錢嘅賤人，同時鍾意揭發人性醜惡，當然同佢嘅家庭背景同幼時經歷有關。

呢個故比較短，只有四個Case，原因係唔知個故會唔會受歡迎。另外，部分內容的確係參考真人真事，有啲亦係身邊發生過，或者聽過同見過嘅事。





至於私家偵探呢個職業，係一次我參觀私家偵探社而得到嘅靈感。

有樣嘢唔講唔得，由於Year 3真係好Q忙，所以出故比較慢，呢個我係認衰嘅。

不過，好消息係，呢個故好大機會有續集（大約下年暑假），所以我唔會出外傳，以免影響往後發揮。

重有，下個故（殘殺遊戲II）會2019年開始出，今次會儲定最少二十章做存貨，避免長年冇文。

另外，雖然已經有三個故，但我重覺得自己係新手，有咩請插得大力啲，我係個想聽意見同進步嘅人。





最後一句，好感激各位支持！！！！希望以後再見你哋！！！